Граждан һәм муниципаль хезмәт вакансияләренең бердәм базасы
Вакансияләрне карарга →
Яр Чаллыда санитар-эпидемияләргә каршы кагыйдәләрне бозучыларны ачыклау дәвам итә. Кулланучылар хокукларын яклау һәм кеше иминлеге өлкәсендә күзәтчелек федераль хезмәте шул исәптән эш бирүчеләрнең вакцинация таләпләрен ничек үтәвен тикшерә.
Дәүләт Думасы беренче укылышта ятим балаларга һәм ата-ана каравыннан мәхрүм калган балаларга ярдәм итүнең социаль чараларын камилләштерүче закон проектын кабул итте.
Яр Чаллының 5 нче шәһәр хастаханәсе стационары йогышлы профильдәге пациентларны кабул итүне туктатты. Хастаханәнең барлык бүлмәләрендә дезинфекция һәм дезинсекция үткәрелгән. Пациентлар чыгарылган һәм шәһәрнең башка дәвалау оешмаларына урнаштырылган.
Шәһәрдә яңа коронавирус инфекциясенә каршы вакцинация дәвам итә. Беренче компонент белән – 244 773, икенчесе белән 193 339 кеше вакцинацияләнгән.
Яр Чаллыда көчле респиратор вирус инфекцияләре белән авыручылар санының сезонлы артуы теркәлгән. Бу хакта атна саен үткәрелә торган ачык матбугат конференциясендә Роспотребнадзорның Чаллыдагы территориаль бүлеге җитәкчесе Илгизәр Бариев хәбәр итте: « 48 нче атнага көчле респиратор вирус инфекцияләренең 7 986 очрагы теркәлгән. Без эпидпорогтан беразга, әмма югарырак. Авыручылар арасында 5 248 бала, бу теркәлгән көчле респиратор вирус инфекцияләренең гомуми санының 65,7%ын тәшкил итә », - дип төгәлләштерде ул.
Яр Чаллы шәһәрендә яшәүче Акоба һәм Ани Назаретянның берьюлы ике улы дөньяга килгән - алар өчен бу икеләтә бәхет. Вардан һәм Тигран 25 ноябрьдә бер минут аерма белән туган.
Яр Чаллыга башка шәһәрләрдән күчеп килгән табибларга шәһәр бюджетыннан бер тапкыр бирелә торган түләү ике йөз мең сумга кадәр арттырылды. Тиешле Карарга Башкарма комитет җитәкчесе Фәрид Салахов кул куйды. Элегрәк бу сумма йөз мең сум тәшкил иткән. Исегезгә төшерәбез, әлеге табибларга республика бюджетыннан өстәмә рәвештә 800 мең сум акча бүлеп бирелә.
3 нче декабрь – Халыкара инвалидлар көнендә барлык игътибар физик мөмкинлекләре чикле кешеләрнең проблемаларына һәм аларның хокукларын яклауга юнәлдерелә. Бу көн безнең арабызда чит кешеләр ярдәменә мохтаҗ гражданнар булуын һәм аларга җәмәгатьчелекнең игътибарын юнәлтергә кирәклекне кабат искәртә.
Әлеге махсуслаштырылган төркем – Яр Чаллыда беренчесе, ул үсеш үзенчәлекләре булган балаларны социумга кертүне җиңеләйтергә мөмкинлек бирәчәк. Төркем «Умничка» балалар бакчасы базасында ачылды.
Яр Чаллыда, тулаем Татарстан Республикасы буенча кебек үк, җәмәгать транспортында пассажирлар агымы кимү теркәлгән. Узган атнада 34 QR-кодсыз пассажирга административ хокук бозулар турында беркетмә төзелгән.
Һава шартлары начар булу сәбәпле, көчле респиратор вирус инфекцияләре белән авыручылар саны арта бара дип хәбәр итте Роспотребнадзорның Чаллыдагы территориаль бүлеге җитәкчесе Илгизәр Бариев шәһәр мэры белән традицион киңәшмәдә. « H3N2 гриппына каршы вакцина ясау мөмкинлеге бар әле. Хәзерге вакытта поликлиникаларда булган вакцина нәкъ менә гриппның әлеге төреннән сакланырга мөмкинлек бирә ».
Бүген мэриядә Шәһәр Советы депутатлары һәм Башкарма комитет хезмәткәрләре кан тапшырдылар. Инициатор булып «Единая Россия» партиясе чыкты. Кан тапшыру пунктын мэриянең медицина кабинетында оештырдылар. Кан тапшыручылар арасында депутатлар Ася Кислова , Әбделхак Батюшов , Венера Туктарова , Сергей Хлебников , Рөстәм Гайнуллов , Руслан Нигъмәтуллин , Башкарма комитет Аппараты җитәкчесе Гөлнар Әхмәтова бар иде.
Комсомол районында сәламәтлек ягыннан мөмкинлекләре чикләнгән балалар өчен «Күңелле стартлар» спорт чарасы узды.
«Бүгенге көндә Яр Чаллы шәһәрендә 5218 лабораториядә расланган коронавирус йогышының очрагы теркәлгән. Күрсәткеч 100 мең кешегә 993,2 тәшкил итә. Республика күрсәткече – 100 мең кешегә 1025,5. Без республика күрсәткеченнән 3,1%ка түбәнрәк. 179 пациент медицина күзәтүе астында, сәламәтләнүгә бәйле рәвештә, 10769 кеше исәптән төшерелгән», - дип хәбәр итте матбугат конференциясендә Роспотребнадзорның Чаллыдагы территориаль бүлеге җитәкчесе Илгизәр Бариев.
РФ Дәүләт Думасы депутаты Әлфия Когогина «Единая Россия» партиясенең Яр Чаллы җирле бүлекчәсенең шул исемдәге партия проектын тормышка ашыру кысаларында Яр Чаллы шәһәрендә «Чудо-дети» дәвалау педагогикасы үзәгендә булды.
Башкарма комитет җитәкчесе урынбасары Рамил Хәлимов 3 декабрьдә билгеләп үтелә торган Халыкара инвалидлар көненә багышланган Инвалидлар Декадасына әзерләнү һәм аны үткәрү турында сөйләде.
Узган атнада Роспотребнадзор Яр Чаллыда 17 хуҗалык итүче субъектын тикшергән, аларның 12се Татарстан Республикасы буенча баш дәүләт санитар табибы Марина Патяшина карары таләпләрен үтәү буенча, аның нигезендә хезмәт коллективларында вакцинация үтү дәрәҗәсе 80%тан да ким булмаска тиеш.
Мария Тихоновна Астахова Воронеж өлкәсенең Яңа Алексеевка хуторында күп балалы крестьян гаиләсендә туа. 5 сыйныф тәмамлый. Сугыш вакытында 11 яшьтән колхозда эшли. Сугыштан соң балалар бакчасында, мәктәптә эшли. Соңрак ветеран насос җайланмалары машинисты булып эшли. 1955 елда кияүгә чыга һәм ике кыз тәрбияләп үстерә. Бүген ветеранны өч оныгы һәм ике оныкчыгы сөендерә. Юбиляр «Хезмәт ветераны» медале, юбилей медальләре белән бүләкләнгән.
Мөнирә Хәким кызы Баһманова Сарман районы Карашай-Саклау авылында күп балалы крестьян гаиләсендә туа. Мәктәпнең 7 сыйныфын тәмамлый.
Чаллы җәмәгать транспортында контролерлар һәм полицейскийлар QR-кодларны тикшерә. Хәзерге вакытта шәһәрдә алты бригада эшли, аларның дүртесе - автобусларда, икесе - трамвайда.
