Граждан һәм муниципаль хезмәт вакансияләренең бердәм базасы
Вакансияләрне карарга →
Яр Чаллыдан шефлык ярдәме белән алты йөк машинасы колоннасы җибәрелгән. Йөк составына азык-төлек продуктлары (ярма, макарон, үсемлек мае, ит консервлар, он, шикәр, су), кирәк-яраклар, медикаментлар, йокы капчыклары, җылы киемнәр һәм башкалар кергән.
30 октябрьгә Яр Чаллыда болытлы һава торышы көтелә. Урыны белән яңгыр. Җил көньяктан секундына 7-12 метр тизлектә, урыны белән секундына 15-17 метрга кадәр көчәю ихтимал. Төнлә минималь һава температурасы +1..+3˚. Көндез максималь һава температурасы +3..+5˚.
Тантаналар сараенда шәһәрнең автотранспорт һәм юл хуҗалыгы предприятиеләре хезмәткәрләренә багышланган тантаналы чара оештырылды. Шәһәр башлыгы Наил Мәһдиев тантанада катнашучыларга сәламләү сүзе белән мөрәҗәгать итте. "Чаллы шәһәре – легендар КамАЗларның туган ягы гына түгел, ә автотранспорт, юл комплексы предприятиеләре дә. Нәкъ менә сез Яр Чаллы шәһәренең заманча йөзен билгелисез. Яр Чаллы юлларның сыйфаты буенча Россия Федерациясенең топ-10 шәһәренә керә. Бу эштә юллар төзүче, төзекләндерүче һәм асфальтлаучы оешмаларның зур казанышы. 8 ел эчендә без бу максатларга төрле программалар буенча 16 млрд сумга якын акча алдык. Бу РФ субъекты өчен зур акчалар. Яр Чаллы шәһәре – эре транспорт компанияләренең башкаласы. Алар бик күп".
Бүген «Энергетик» мәдәният сарае каршындагы мәйданда чираттагы мобилизацияләнүчеләрне озату булды. Шәһәр мэры Наил Мәһдиев мобилизацияләнгән чаллылыларга изге теләкләр белән мөрәҗәгать итте.
Чаллылылар махсус хәрби операция барышында бурычларын үтәгән хәрби хезмәткәрләргә ярдәм итүгә актив кушылды. Ярдәмне шәһәр җитәкчелеге генә түгел, битараф булмаган чаллылылар да күрсәтә. Әйтик, "ПрофАкадемия" уку үзәгендә цех оештырылды – хәзер биредә хәрбиләр өчен махсус җылы келәмнәр тегәләр, бәйләнгән оекбашлар кабул итәләр. Территориаль иҗтимагый җирле үзидарә рәисе Венера Наумкина йорт буенча өлкән Светлана Михайлова (ул – "ПрофАкадемия" кадрлар әзерләү үзәге директоры) белән әңгәмәдә «Алга» һәм «Тимер» сугышчыларына ярдәм оештырырга карар кылдылар. Хатын-кызлар поход келәмнәре тегеп, оекбашлар бәйли башладылар.
Бүген депутатлар корпусы уртак утырыш барышында Шәһәр Советы «2022 елга һәм 2023, 2024 елларның планлы чорына муниципаль берәмлек бюджеты турында»гы карарына үзгәрешләр кертү, шәһәр төзелешен проектлауның җирле нормативлары, муниципаль милекне хосусыйлаштыру тәртибе турындагы нигезнамәгә үзгәрешләр кертү һәм башкалар хакында фикер алышты. Утырышны шәһәр мэры Наил Мәһдиев җитәкләде. Башкарма комитет җитәкчесе урынбасары Светлана Мулекова хәбәр иткәнчә, хәзерге вакытта бюджетның керем өлеше – 13109 115 сум, чыгымнар өлеше 13 969 665 сумга җитә. Чыгым өлешенә шул исәптән барлык категориядәге хәрби хезмәткәрләрнең балаларын Яңа ел бүләкләре белән тәэмин итү, аларның балаларын бакчага йөрү һәм мәктәпләрдә туклану өчен түләүдән азат итү акчалары да кертелгән. Шәһәр мэры Наил Мәһдиев чаллылыларны өлешчә мобилизацияләү кысаларында озатуда ярдәм иткән өчен депутатлар корпусына һәм барлык предприятие, оешма җитәкчеләренә рәхмәт белдерде. Ул билгеләп үткәнчә, Чаллы халкының күбесе мөстәкыйль рәвештә гуманитар һәм шефлык ярдәме җыю марафонына кушылган.
Бүген Яр Чаллыда өлешчә мобилизациягә чакырылган өченче хәрби бурычлылар төркемен озаттылар. Гомумән алганда, бүген Чаллы һәм Тукай районнарыннан 450дән артык мобилизацияләнгән граждан китте. Шәһәр мэры Наил Мәһдиев чаллылыларга рухландыру сүзләрен җиткерде: "Вакыт безне сайлады. Ватанны, әнине сайламыйлар, алар Аллаһы Тәгалә тарафыннан бер генә тапкыр бирелә. Без монда тудык, эшлибез, монда ата-бабаларыбызның каберләре. Барыбыздан, хөрмәтле сугышчылар, бер теләк: туган җирегезгә исән-сау кайту" .
Башкарма комитет җитәкчесе урынбасары Наталия Кропотова икътисадның тотрыклы үсешен тәэмин итү буенча эшче төркем утырышында катнашты. Утырышның төп темасы Татарстан Республикасында өлешчә мобилизация шартларында бизнеска ярдәм итү чараларын гамәлгә ашыру булды. Хәзерге вакытта бизнеска ярдәм итү өчен кабул ителде: - Мобилизация буенча хәрби хезмәткә чакырган затларга, шул исәптән шәхси эшмәкәрләргә, кредит каникулларына хокук бирү мөмкинлеге каралган 07.10.2022 № 377-ФЗ Федераль закон;
Чаллыда Югары баш командующие, Россия президенты Владимир Путинның өлешчә мобилизацияләү турындагы Указы гамәлгә ашырыла. Бүген Чаллыдан «Энергетик» мәдәният сарае мәйданыннан 9:00 һәм 11:00 сәгатьтә чаллылылар Казан танк училищесына хәрби әзерлек узу өчен киттеләр.
Бүген "Энергетик" мәдәният сарае янындагы мәйданнан җыелма пунктларга өлешчә мобилизация кысаларында чакырылган чаллылыларны җибәрү булды. "Бүген махсус хәрби операция барышында бурычларын үтәргә китүче хәрби хезмәткәрләр - Ватанга ант биргән чын сугышчылар. Илебездән төрле вакытлар булды, ләкин һәрвакытта да чаллылылар, татарстанлылар, Ватан сугышчылары шәхси батырлык каһарманлык күрсәттеләр", – диде Наил Мәһдиев. Бүген Казан танк училищесына юнәлгән чаллылыларның барысы да шәһәр мэры Наил Мәһдиев исеменнән 20 мең сум күләмендә акча, беренче вакытка кирәкле азык-төлек һәм кирәк-ярак тутырылган рюкзаклар, шулай ук эчләре җылытылган резин итекләр алдылар. Калганнарын хезмәт өчен турыдан-туры җыю пунктларында бирәчәкләр.
"Росмолодежь. Грантлар" конкурсы икенче сезонының нәтиҗәләре буенча Республикабызның сигез проекты гранты 4 млн 609 мең сумга хупланды. #Вдохновляй номинациясендә Чаллы егете Руслан Матурин "Шатлык Арт-резиденциясе" Иҗади акселератор " проекты белән җиңү яулады. Откан грант суммасы 899 мең сум тәшкил итә. Бу сумманы яңа иҗади юнәлешләр булдыруга һәм инде эшләп килүчеләренә ярдәм итүгә юәлтеләчәк. Проектның төп максаты: Яр Чаллыда иҗади инициативаларны үстерү, алга җибәрү. Анда 17 яшьтән 25 яшькә кадәр 240 кеше катнашачак.
Бүген Россия Федерациясе президенты Владимир Путин һәм шәһәр мэры Наил Мәһдиев исеменнән Автозавод районында яшәүче тыл хезмәтчәне Зинаида Иосифовна Костяева 90 яшьлек юбилее уңаеннан котлау хаты алды. Юбилярны тәбрикләүгә 27 комплексның ТИҮ рәисе Венера Наумкина да кушылды. Зинаида Иосифовна 1932 елның 25 октябрендә Удмуртия Республикасында эшчеләр гаиләсендә туа. Ата-аналары иртә таңнан эшкә киткәннәр һәм бик соң кайта торган булалар. Шуңа күрә Зинаида Иосифовна һәм аның сеңелләре кечкенәдән мөстәкыйльлеккә өйрәтелгән, олыларга өй эшләрендә булышканнар. Тирә-юньдә бер нәрсә булмый, коточкыч ачлык була.
Махсус хәрби операция барышында 42 яшьлек Андрей Алексеевич Яранцев һәлак була. Бүген зиратта сугышчы белән хушлашу тантанасы узды. Шәһәр мэры Наил Мәһдиев сугышчының әти-әнисенә һәм якыннарына кайгы уртаклашты: «Ул кыска, әмма бик якты гомер кичерде. Үз теләге белән Ватанга хезмәт итүне сайлады. Андрей Алексеевич илнең төрле почмакларында хәрби хезмәт үткән һәм бөтен җирдә батырлык һәм каһарманлык күрсәткән, моның өчен ул үз Ватанына тугры сугышчы буларак югары хөкүмәт бүләкләре белән бүләкләнгән. Яр Чаллы шәһәре үз героен истә тотачак: аның исеме «Ватан-ана» мемориаль комплексына уеп язылачак".
Бүген "Энергетик" мәдәният сарае каршындагы мәйданнан җыелма пунктларга өлешчә мобилизацияләү кысаларында чаллылылар белән ике автобус китте. Барлык мобилизацияләнүчеләр дә шәһәр мэры Наил Мәһдиев исеменнән 20 мең сум күләмендә акча, беренче вакытка кирәкле продуктлар салынган рюкзаклар алды. Мобилизацияләнүчеләргә ярдәм фонды акчасына эче җылытылган резин итекләр сатып алынды, аларны хәрби хезмәткәрләргә тараттылар. Калганнарын хәрби бурычлылар хезмәт өчен турыдан-туры танк училищесында алачаклар. Шәһәр мэры Наил Мәһдиев чаллылыларга мөрәҗәгать итте: "Ватанны сайламыйлар, Ватан бер генә була. Монда без тудык, өйрәндек, эшлибез, монда туган-туфрагыбыз һәм ата-бабаларыбыз каберләре. Монда безнең газиз җиребез һәм бүген вакыт безне сайлады. Без-сугышчыларның, офицерларның, солдатларның һәм хәрби бурычлыларның хәзерге буыны, өлешчә мобилизация турындагы Указ кысаларында Ватаныбыз куйган бурычларны үтәячәкбез".
Татарстан Республикасы Дәүләт Советы депутаты Николай Атласов Яр Чаллы шәһәрендә гражданнарны кабул итте. Очрашу 24 октябрьдә узды, чаллылылар депутатка торак-коммуналь хуҗалыкка һәм физик мөмкинлекләре чикләнгән гражданнарның проблемаларына кагылышлы сораулар белән мөрәҗәгать иттеләр.
Бүген шәһәрдән азык-төлек, кыр кухнясы өчен җиһазлар белән йөк машиналары чыкты. Йөк машиналарын җибәрү яр буе паркы мәйданыннан оештырылды. Лисичанскига Рөстәм Гатин җитәкчелегендә 6 пешекчедән торган команда китте. Алар халык өчен ике кыр кухнясы эшен оештыралар. Лисичанскига җибшрелгән: консервланган ит, карабодай ярмасы, шикәр комы һәм тоз, он, пластик тәлинкәләр һәм кашыклар, халыкка тарату өчен башка товарлар. Йөк җибәрүнең гомуми авырлыгы 40 тонна. Йөк ташуны Шәһәр Советы депутаты Руслан Нигъмәтуллинның "Далини" компаниясе оештыра.
1 октябрьдән автокалада «Яр Чаллы шәһәренең иң яхшы социаль юнәлешле коммерциячел булмаган оешмасы» конкурсында катнашу өчен гаризалар кабул итү башланды. Конкурс түбәндәге номинацияләр буенча үткәрелә: 1) "Шәһәр балалары һәм яшьләре" ; 2)"Шәһәр экологиясе"; 3) "Тигез мөмкинлекләр шәһәре»; 4) "Безнең шәһәр".
Бүген Россия Федерациясе президенты Владимир Путин һәм шәһәр мэры Наил Мәһдиев исеменнән Автозавод районында гомер итүче тыл хезмәтчәне Анастасия Евстафьевна Чекалова 95 яшьлек юбилее уңаеннан котлау хаты алды. Анастасия Евстафьевна Башкортстанның Броби авылында күп балалы гаиләдә туа. 14 яшеннән колхозда эшли башлый, 7 сыйныфны тәмамлый. Җәйге чорда авылда төрле эшче булып йөри.
"Көзге мәрхәмәт атнасы" - ел саен уздырыла торган Гомумроссия иреклеләр акциясе, ул волонтерлык эшчәнлегендә күп кеше таләп итә. Ул 24 октябрьдән 7 ноябрьгә кадәр узачак. Төп акция юнәлешләре: ⁃экологик; ⁃ иҗтимагый; ⁃ патриотик тәрбия; ⁃ мәдәният өлкәсендә волонтерлык; ва кыйга волонтерлыгы;
Балалар һәм яшьләр оешмаларының 19 форумы тәмамланды. 21-23 октябрьдә «Звездный» лагере территориясендә Яр Чаллының 40 оешмасы катнашында күчмә форум узды. 3 көн эчендә 300 катнашучы проектлар төзеде, үз идеяләрен тормышка ашырды һәм иң актуаль темаларга фикер алышты. Бу шәһәрнең иҗтимагый тормышында зур һәм мөһим вакыйга булды. Оештыручылар-Яшьләр белән эшләү идарәсе, "Орион" яшьләр үзәге һәм шәһәр иҗтимагый оешмалар үзәге.
