Бүген Яр Чаллыда өлешчә мобилизациягә чакырылган өченче хәрби бурычлылар төркемен озаттылар. Гомумән алганда, бүген Чаллы һәм Тукай районнарыннан 450дән артык мобилизацияләнгән граждан китте. Шәһәр мэры Наил Мәһдиев чаллылыларга рухландыру сүзләрен җиткерде: "Вакыт безне сайлады. Ватанны, әнине сайламыйлар, алар Аллаһы Тәгалә тарафыннан бер генә тапкыр бирелә. Без монда тудык, эшлибез, монда ата-бабаларыбызның каберләре. Барыбыздан, хөрмәтле сугышчылар, бер теләк: туган җирегезгә исән-сау кайту" .
Тукай районы башлыгы Фаил Камаев, хәрби бурычлыларга мөрәҗәгать итеп, аларның гаиләләренә ярдәм күрсәтеләчәген әйтте. Мэр Наил Мәһдиев ассызыклаганча, шәһәр җитәкчелеге Чаллыдан мобилизацияләнгән гражданнарның гаиләләренә ярдәм итү буенча үз өстенә йөкләмә ала. Октябрь башыннан балалар бакчаларына йөрү, мәктәпләрдә туклану кебек үк, бушлай булды. Моннан тыш, коммерция секцияләренә йөрүче балалар өчен түгәрәкләр дә бушлай булды. Бүгенге көндә барлык мобилизацияләнүчеләргә мэрдан 20 мең сум күләмендә матди ярдәм, беренче вакытка кирәкле барлык әйберләр тутырылган рюкзак һәм эче җылытылган резин итекләр бирелде.