Граждан һәм муниципаль хезмәт вакансияләренең бердәм базасы
Вакансияләрне карарга →
28 майдан 31 майга кадәр 3 нче балалар музыка мәктәбендә тәрбияләнүче Мария Цапкова һәм София Балаева Санкт-Петербургта Clavis 2021 халыкара фортепиаоно конкурсында катнаштылар.
Бүген Яр Чаллыда "1 нче Постның иң яхшы сафта торучылары" шәһәр конкурсына йомгак ясалды. Быел бу мактаулы исемгә 20 укучы лаек булды. Иң яхшы постчыларны Мәскәүгә юллама белән бүләкләделәр, анда алар Александровск бакчасында Билгесез солдат кабере янындагы Хәтер вахтасында сафта торачаклар. Яшь чаллылыларга бүләкләрне шәһәр мэры урынбасары Ирина Сәгыйдуллина тапшырды. Моннан тыш 15 укучы Тула шәһәренә бару өчен сертификатлар белән бүләкләнде.
Яр Чаллы дәүләт татар драма театрында «Мисс и Мистер студенчество - 2021» шәһәр матурлык һәм талант бәйгесенең финалы узды. Өч ай элек сайлап алу туры уздырылды, аның нәтиҗәләре буенча жюри әгъзалары тарафыннан төп этапка узган катнашучылар сайлап алынды. Чарада шәһәрнең югары һәм урта уку йортларыннан студентлар катнашты.
Махсус үрнәктәге аттестатны 9 нчы сыйныфны тәмамлаучы 249 укучы алырга мөмкин. Шунысын да билгеләп үтәргә кирәк, тугызынчы сыйныф укучыларын анкеталаштыру нәтиҗәләре буенча, 10 сыйныфта укучыларның 44% ы, һөнәри белем бирү учреждениеләрендә 53% ы укырга планлаштыра, төп мәктәпне тәмамлаучыларның 3% ы әлегә хәл итмәгәннәр.
«Кванториум» укучылары узган уку елында 20дән артык төрле конкурста катнашырга өлгерделәр һәм 60тан артык укучы бөтенроссия, региональ һәм муниципаль конкурсларда призлы урыннар яуладылар.
Яр Чаллы БМО Генераль Ассамблеясы тарафыннан эшләнгән Тотрыклы үсеш максатларын (Цели устойчивого развития - ЦУР) гамәлгә кертү буенча сынау мәйданчыгы дип билгеләнде. 12 моношәһәргә үз тәҗрибәсен Мәскәү тапшыра, ул әлеге юнәлеш буенча 2019 елдан башлап эш алып бара. Моношәһәрләр белән Тотрыклы үсеш максатларын гамәлгә кертү буенча беренче семинар-практикум ВЭБ.РФ. мәйданчыгында узды.
Яр Чаллы балалар бакчасының 20 тәрбияләнүчесе мәктәпкәчә яшьтәге балаларга иртә һөнәри юнәлеш бирү буенча «BabySkills-2021» чемпионатының Бөтенроссия этабында катнашты. Аларның 19ы призлы урыннар яулды, берсе номинациядә җиңүче булды.
"2020-2021 ел балалар бакчасы" Бөтенроссия ачык смотр-конкурсына йомгак ясалды.
Яр Чаллы татар драма театры холлында интерактив күргәзмәләрдә форумда катнашучылар һәм кунаклар мәгариф өлкәсендә инновацияләр һәм казанышлар белән таныша алдылар.
Яр Чаллы шәһәренең ИТ-паркында төрле фәнни дисциплиналардан яшь тикшеренүчеләрне берләштерүче «Алга таба нәрсә булды?» дигән фәнни көрәшләр узды. Чара «Яр Чаллы шәһәренең яшь галимнәре» яшьләр оешмасы, Яр Чаллы шәһәренең «Кайнау ноктасы» күмәк эш киңлеге ярдәмендә Яр Чаллы студентлары лигасы һәм «Нур» яшьләр үзәге ярдәмендә тарафыннан оештырылды.
«Рәсәй эше» кадрлар үзәгендә исәптә 1819 кеше эшсез дип теркәлгән. Эшсезлек дәрәҗәсе 0,65% тәшкил итә. Бүген аппарат киңәшмәсендә "Рәсәй эше" кадрлар үзәге җитәкчесе Татьяна Быданова шундый мәгълүматлар җиткерде. Ел башыннан 2752 Чаллы кешесе эшкә урнаштырылган, шуларның 281е – май аенда.
Бүген Чаллының җиде меңнән артык чыгарылыш сыйныф укучылары өчен соңгы кыңгырау чыңлады. 30 нчы мәктәпне тәмамлаучыларны тантаналы вакыйга белән котларга шәһәр мэры Наил Мәһдиев килде. Ул укытучыларны, балаларны һәм аларның ата-аналарын, бәйрәм чарасына җыелучыларны җылы сәламләде.
26 май көнне 18:00 сәгатьтә «Заман» яшьләр үзәгендә әти-әниләр һәм эшләүче яшьләр өчен «ВИЧ һәм СПИД. Үз-үзеңне ничек сакларга» темасына WORKSHOP-практикум узачак. Чарада Республикада СПИД һәм йогышлы авыруларны профилактикалау һәм аларга каршы көрәш үзәгенең Яр Чаллы шәһәрендәге филиалының профилактика бүлеге мөдире Надежда Иванова чыгыш ясаячак.
Яңа уку елында Чаллыдагы «Адымнар» полилингваль мәктәбе 2 нче сыйныфтан алып 7 нче сыйныфка кадәр укучылар кабул итәчәк. Бу хакта матбугат конференциясендә мәгариф идарәсе башлыгы Рөстәм Хуҗин сөйләде.
Чаллы мәктәпләрендә һәм балалар бакчаларында чыгарылыш кичәләре, Роспотребнадзор таләпләрен исәпкә алып узачак. Бу хакта матбугат конференциясендә Роспотребнадзорның Яр Чаллыдагы территориаль бүлеге җитәкчесе Илгизәр Бариев сөйләде.
Россия Федераль салым хезмәтенең ТР Чаллы шәһәре буенча идарәсе Россиядә масштаблы белем бирү акциясе – «Бөтенроссия салым диктанты» старт алуы турында хәбәр итә. Ул 30 майга кадәр дәвам итәчәк. Һәркем диктант язуда катнашып, салым өлкәсендә үз белемнәрен бәяләү һәм арттыру мөмкинлеген алачак. Анда балалар да, өлкәннәр дә катнаша ала. Диктант онлайн-тест форматында 60 минут дәвамында оештырылган. Аның нәтиҗәләре буенча һәр катнашучы электрон сертификат алачак.
25-26 майда Яр Чаллыда «Мәгариф: чынбарлык һәм перспективалар» IX Халыкара ачык педагогика форумы үтәчәк. Аны Чаллы дәүләт педагогика университеты Реймс шәһәре Шампань-Арденны университеты (Франция) белән берлектә үткәрә.
19 майда Яр Чаллыда балалар һәм яшьләр иҗтимагый оешмалары көнен билгеләп үтәчәкләр. Чара шәһәрнең иҗтимагый хәрәкәте активын җыячак һәм берьюлы берничә локциядә узачак: Азатлык мәйданында, Тукай яр буенда, шәһәр балалар һәм яшьләр иҗаты сараенда, "Шатлык" яшьләр үзәгендә.
Яр Чаллы дәүләт педагогика университетында III Бөтенроссия фәнни-гамәли конференциясе узды. Оештыручылары – Яр Чаллы дәүләт педагогика университеты, ТР Фәннәр академиясе, Ш. Мәрҗани исемендәге Тарих институты.
Бүген 35 нче урта гомуми белем бирү мәктәбендә "БЕРДӘМ РОССИЯ" Бөтенроссия сәяси партиясенең Татарстан төбәк бүлеге проекты кысаларында һәм Шәһәр Советы депутаты Эдуард Фәттаховның финанс ярдәме белән шахмат зонасы ачылды.
