Граждан һәм муниципаль хезмәт вакансияләренең бердәм базасы
Вакансияләрне карарга →
Бүген Яр Чаллы шәһәре мэры Наил Мәһдиев үз эченә «Солнечный», «Крылатый», «Звездный»балалар лагерьларын алган «Саулык» сәламәтләндерү комплексында булды. Татарстан Республикасы Дәүләт Советы депутаты Илдар Шамилов һәм Башкарма комитет җитәкчесе урынбасары Рамил Хәлимов белән бергә ул комплекс территориясендә җәйге ялны оештыру белән танышты.
Бүген Наил Мәһдиев Замелекесье районындагы булачак 14 нче номерлы гимназиянең төзелеш мәйданчыгында булды. Хәзерге вакытта мәктәп 80% ка диярлек әзер. Объектта 227 кеше эшли, эчке инженерлык челтәрләрен урнаштыру, бизәү һәм буяу эшләре, тирә-юньне төзекләндерү эшләре бара. Мәктәпне Илнар Гайсин җитәкчелегендә "Евростиль" компаниясе төзи.
Чаллы укучылары иң яхшысы рус телен беләләр – 10 кеше әлеге фән буенча БДИны 100 баллга тапшырды. Икенче урында-химия, монда биремнәрне 7 кеше уңышлы үтәде. Информатика буенча БДИны 100 баллга - 5, тарих буенча – 4 укучы тапшыра. Рус әдәбияте буенча 3 укучы 100 балл җыйды, ә 2 укучы – җәмгыять белеме буенча.
Яр Чаллы мэры Наил Мәһдиев аерым предметлар тирәнтен өйрәнелә торган 40 нчы номерлы мәктәптә чыгарылыш кичәсендә булды. Тантаналы чара башланыр алдыннан мәктәп директоры Римма Фәсхетдинова Мэрны "Университет сыйныфы" белән таныштырды. Билгеләп үтик, узган елдан КФУның Чаллы филиалы һәм 40 нчы мәктәп арасында челтәрле багланышлар турында килешүгә кул куелды. Әлеге проектны үстерүдә Haier предприятиесе актив катнаша. Наил Мәһдиев билгеләп үткәнчә, мондый мәктәпләр белән хезмәттәшлек үрнәге башка Чаллы предприятиеләрен дә үстерә ала.
78 нче лицейдан Алексей Грунский математика һәм информатика фәннәре буенча бердәм дәүләт имтиханын 100 баллга тапшырды. Әйтергә кирәк, Чаллы укучысы информатика буенча Бөтенроссия олимпиадасының региональ этабы призеры булып тора. Белемнәре һәм казанышлары өчен укучы математика укытучысы Елена Бубновага һәм информатика укытучысы Ольга Чурбановага рәхмәтле.
Беренче сентябрьгә барлык уку йортлары да әзер булачак, чөнки хәзерге вакытта ремонт графиктан алда бара. Шулай итеп, 68 нче номерлы мәктәптә фасад эшләре, санузелларны ремонтлау, эчке инженерлык челтәрләрен монтажлау эшләре башкарыла.
131 нче номерлы «Нуркайлар» балалар бакчасы яшь чаллыларны кабул итәргә әзер. «Евростиль» компаниясе Яр Чаллының 63 комплексында мәктәпкәчә белем бирү учреждениесе төзелешен тәмамлады. «Демография» милли проекты кысаларында төзелгән балалар бакчасы 220 урынга исәпләнгән. Бүген Яр Чаллы мэры Наил Мәһдиев яңа мәктәпкәчә белем бирү учреждениесен карады.
Яр Чаллы шәһәренең 57 нче гимназиясе чыгарылыш сыйныф укучысы Софья Петрова тарих һәм җәмгыять белеме буенча БДИны 100 баллга тапшырды. Софья 1 сыйныфтан «бишле»гә укыган. Төп мәктәптә үк ул максатчан рәвештә БДИга әзерләнә башлаган. Укудагы аерым уңышлары өчен медаль белән бүләкләнгән. Ул тарих укытучысы Розалия Караметдиновага һәм җәмгыять белеме укытучысы Ольга Кузюковага алган белемнәре һәм казанышлары өчен рәхмәтле.
Быел республиканың иң яхшы белем бирү учреждениеләре исемлегенә табигый-фәнни һәм инженер-техник юнәлешләр буенча Яр Чаллының өч мәктәбе керде: 26 нчы һәм 77 нче гимназия, 78 нче лицей.
« Барлык башлангыч мәктәп укучылары бушлай кайнар ризык белән тәэмин ителәчәк. Бу бик мөһим социаль инициатива. Закон проекты, барыннан да элек, балаларыбызның сәламәтлеген ныгытуга юнәлдерелгән » , - дип ассызыклады Башкарма комитет җитәкчесе урынбасары Рамил Хәлимов .
2021-22 уку елында Яр Чаллыда 251 учреждение белем бирәчәк, шул исәптән: 80 мәктәп, 131 балалар бакчасы, 39 өстәмә белем бирү учреждениесе (13 - Мәгариф, 10 - мәдәният, 16 - физкультура һәм спорт); 23 югары һәм урта һөнәри белем бирү учреждениесе (югары уку йортлары -6, көллият – 17).
Яр Чаллыда 1,5-3 яшьлек балаларның 80% ы балалар бакчаларында урыннар белән тәэмин ителәчәк. Бу хакта Башкарма комитет җитәкчесе урынбасары Рамил Хәлимов хәбәр итте.
ТР Дәүләт Советы Рәисе урынбасары Татьяна Ларионова милли проектларны гамәлгә ашыруны контрольдә тоту буенча эшче төркем белән 63 микрорайонда «Нуркайлар» балалар бакчасына сәфәр кылды. 220 урынга исәпләнгән объектны төзү белән Илнар Гайсин җитәкчелегендә «Евростиль» компаниясе шөгыльләнә. Объект 99%ка әзер.
Бүген Яр Чаллыда тагын бер шахмат классы ачылды. Ул 15 нче балалар иҗат йортында урнашкан. Ачылу тантанасында ТР Дәүләт Советы Рәисе урынбасары Татьяна Ларионова, ТР Дәүләт Советы депутаты Елена Кузьмичева , шәһәр мэры урынбасары Ирина Сәгыйдуллина, Башкарма комитет җитәкчесе урынбасары Рамил Хәлимов , Мәгариф идарәсе Башлыгы Рөстәм Хуҗин катнашты.
Автозавод районында балалар бакчалары, мәктәпләр һәм өстәмә белем бирү учреждениеләре җитәкчеләре белән яңа 2021-2022 уку елына кабул итү буенча киңәшмә узды.
Чаллы укучылары Александр бакчасында Билгесез солдат кабере янында Мәскәүдә «Хәтер вахтасында». торалар. Исегезгә төшерәбез, «Иң яхшы постчы» шәһәр конкурсында җиңүчеләр 2011 елдан бирле ел саен бирегә «Хәтер вахтасына»китәләр.
57 нче гимназиядә шахмат зонасы барлыкка килде. Шахмат зонасын ачу ТР Дәүләт Советы депутаты Олег Коробченконың финанс ярдәме белән оештырылды.
Комсомол районында, 10 нчы мәктәпнең спорт мәйданчыгында сәламәт яшәү рәвешен пропагандалау, укучыларны физик культура һәм спорт белән даими шөгыльләнүгә җәлеп итү максатыннан мәктәп яны лагерьлары арасында традицион җәйге Спартакиада булып узды. Ярышлар Комсомол районы хакимияте тарафыннан 15 нче балалар иҗат йорты белән берлектә оештырылды һәм үткәрелде.
«Диалог» балаларга һәм яшьләргә психологик-педагогик ярдәм күрсәтү үзәге директоры Ирина Лундовских авыр тормыш ситуациясенә эләккән яшь кешеләр белән эшләүләре турында сөйләде.
Шәһәр җитәкчелеге һәм шәһәр укучылар Советы активистлары катнашында "Эшлекле иртәнге аш" узды. Ул «Мастеровые» рус драма театры кафесында үтте. Укучылар белән мэр урынбасары Ирина Сәгыйдуллина , Башкарма комитет Җитәкчесе урынбасары Рамил Хәлимов , Мәгариф идарәсе башлыгы Рөстәм Хуҗин , Шәһәр Советы депутаты Таһир Сөнгатуллин аралашты. Иртәнге аш вакытында мәктәп укучыларының проектлары һәм Яр Чаллы шәһәренең балалар иҗтимагый оешмалары эшчәнлеге турында фикер алыштылар.
