Граждан һәм муниципаль хезмәт вакансияләренең бердәм базасы
Вакансияләрне карарга →
Казанда Татарстан Республикасы Президенты Рөстәм Миңнеханов катнашында Бөтенроссия Туган телләр форумы узды. Форум кысаларында Татар теленнән VIII Халыкара олимпиадасы, «Илһам» Бөтенроссия яшь шагыйрьләр һәм язучылар конкурсы җиңүчеләрен, Каюм Насыйри һәм Ризаэддин Фәхреддин премияләре лауреатларын бүләкләү тантанасы булды.
«Дельфин» бассейнында Комсомол районының гомуми белем бирү мәктәпләре укучылары арасында йөзү буенча ярышлар узды. Аларда 7 команда катнашты. Ярышлар программасына түбәндәгеләр кертелгән иде: «Су полосы» эстафетасы, «Субботник» уены, кулда такта тотып йөзү һәм ирекле стиль белән йөзү. Ярыш нәтиҗәләре буенча 1 урынны 6 нчы мәктәп командасы, 2 нче урынны 56 нчы мәктәп командасы, 3 нче урынны 7 нче мәктәп командасы яулады.
16-22 апрельдә Липецк шәһәрендә география фәне буенча Бөтенроссия олимпиадасының йомгаклау этабы узды. Олимпиадада Россия Федерациясенең 64 субъектыннан 265 кеше катнашты. Татарстан Республикасы командасында Казан, Яр Чаллы, Түбән Кама һәм Әлмәттән алты укучы катнашты.
21 апрельдә 18:00 сәгатьтә Россия кооперация университетының Казан кооператив институты укытучылары Яр Чаллы шәһәренең булачак абитуриентларын һәм аларның ата-аналарын «2021 елда уку йортларына керү буенча яңа кагыйдәләргә күзәтү» онлайн-конференциясенә чакыра. Онлайн-конференциядә югары уку йортына керү өчен бердәм дәүләт имтиханында ничә минималь балл җыярга кирәклеген, кабул итү документларын ничек тапшыру ысулларын һ. б. аңлатачаклар.
«Математиканы гадиләштерү!» - физика-математика фәннәре докторы Алексей Савватеевның төп девизы. Яр Чаллы студентлары һәм укытучылары, мәктәп укучылары һәм укытучылары да моңа инанды. Көн дәвамында Алексей Савватеев Яр Чаллы дәүләт педагогика университетында ачык лекцияләр укыды. Алар түбәндәге темалар буенча үтте: «Авторское введение в матанализ», «Четыре доказательства Малой Теоремы Ферма», «100 уроков математики», «Формула Эйлера и замечательные многогранники».
Бүген Чаллының политехника көллиятендә Татарстан Республикасында һөнәри белем бирүне үстерүнең актуаль мәсьәләләре буенча Татарстан Республикасы Мәгариф һәм фән министрлыгының коллегия утырышы узды. Коллегия эшендә Татарстан Республикасы мәгариф һәм фән министры Илсур Һадиуллин , мэр урынбасары Ирина Сәгыйдуллина , республиканың һөнәри белем бирү оешмалары җитәкчеләре катнашты.
Чаллылылар «SOTKA: Үзеңне үзгәртергә вакыт җитте!» программасында катнаша ала. Бу - түләүсез белем бирү һәм тренировка программасы, аның кысаларында катнашучылар күнегүләр, туклану, үз-үзеңне үстерү, мотивацияләү һәм сәламәт яшәү рәвеше өлкәсендә белем һәм күнекмәләр ала.
15 апрельдә мини-футбол буенча ярышларга заявкалар нәтиҗәләре буенча «Мәктәп футбол лигасы» проекты командаларының җирәбәсе узды. Быел проектта катнашу өчен 32 мәктәп футбол командасы гариза бирде. Бу 2006 елда туган һәм алардан кечерәк балалар. Шулай итеп, футбол уйнарга теләк белдерүчеләрнең гомуми саны 400 дән арткан.
1 нче балалар сәнгать мәктәбендә рәсем сәнгате буенча мастер-класс узды Дәресләрне Россиянең Атказанган рәссамы, Россия Сәнгать академиясе каршындагы В.И. Суриков исемендәге Мәскәү дәүләт академия сәнгать институты Россия профессоры Сергей Сиренко үткәрде.
15 нче балалар иҗат йортында Комсомол районы хакимияте вәкилләре һәм шәһәр укучылары Советы активы катнашында якынлашып килүче Җирле үзидарә көненә багышланган интеллектуаль уен оештырдылар. Чараның максаты – яшьләрдә актив гражданлык позициясен формалаштыру, шулай ук яшь буынның хокукый һәм сәяси грамоталылыгын арттыру.
7 нче апрельдән 14 нче апрельгә кадәр Уфада М. Акмулла исемендәге башкорт дәүләт педагогия университетында рус теле буенча мәктәп укучылары арасында Бөтенроссия олимпиадасының йомгаклау этабы узды. Анда Татарстаннан 16 кеше катнашты.
Шәһәр укучылар Советы балалар иҗтимагый оешмасының спикеры Милена Викторова «Балалар форсайты» Бөтенроссия социаль үзгәрешләр конкурсында җиңү яулады. Конкурста ул үзенең экологик юнәлештәге «КниGO» дип аталган мәктәп буккроссингы проекты белән таныштырды. Бүгенге көндә әлеге проект шәһәрнең 34 мәктәбендә уңышлы тормышка ашырыла.
Бүген Яр Чаллының 41 нче мәктәбендә «Яңа интеллект» республика фәнни-тикшеренү конференциясенең финал этабы тәмамланды. Ул 5 апрельдән 12 апрельгә кадәр дистанцион форматта узды.
Казанда «Татарстан Республикасында Ел укытучысы» Бөтенроссия конкурсының төбәк этабында җиңүчеләрне бүләкләү тантанасы булды. Быел өч сайлап алу этабыннан торган «Ел укытучысы - 2021» исемен алу өчен республиканың 152 педагогы көч сынашты.
Яр Чаллыда, WorldSkills Russia стандартларын исәпкә алып, мәктәпкәчә яшьтәге балалар өчен BabySkills-2021 башлангыч һөнәри юнәлеш бирү буенча балалар чемпионатының муниципаль этабы тәмамланды. Җиңүчеләрне бүләкләү педагогия көллиятендә узды.
14-15 апрель көннәрендә Яр Чаллы шәһәренең балалар сәнгать мәктәпләрендә Иветта Воронова исемендәге «Яңа исемнәр» Хәйрия фондының әйдәп баручы педагоглары катнашында мастер-класслар узачак. Чара Президент грантлары Фонды һәм «КАМАЗ» ААҖ ярдәме белән оештырыла.
Яр Чаллыда мәгариф, мәдәният, милли мәсьәләләр, яшьләр эшләре һәм спорт буенча даими комиссия утырышы булды. Депутатлар җәйге каникуллар вакытында балаларның ялын, сәламәтләндерүен, мәшгульлеген оештыру турында фикер алыштылар. Әлеге темага доклад белән Башкарма комитет Җитәкчесе урынбасары Рамил Хәлимов чыгыш ясады.
10 апрельдә 14:00 сәгатьтә Яр Чаллыда «Тоталь диктант» Бөтендөнья белем бирү акциясе узачак. Акциядә теләге булган һәркем катнаша ала.
Эшләр график буенча бара, объектта 300 дән артык хезмәткәр эшли. Хәзерге вакытта металл конструкцияләрне монтажлау, вентиляция һәм җылыту системасы буенча эшләр тәмамланган, барлык катларда идәнгә плитәләр җәелгән.
«Бу уку елында БДИ ны (бердәм дәүләт имтиханы н ) 11 нче сыйныфны тәмамлаган 2005 укучы тапшыра. Аттестациягә 15 апрельдә йомгаклау иншасы язган укучылар кертелә. Әлеге эшнең нәтиҗәсе - «зачет» яки «зачет түгел» . Бу хакта бүген матбугат конференциясендә мәгариф идарәсе башлыгы Рөстәм Хуҗин сөйләде.
