Граждан һәм муниципаль хезмәт вакансияләренең бердәм базасы
Вакансияләрне карарга →
2022 елның 1 февралендә Татарстан Республикасы территориясендә урыны белән күрү мөмкинлеге 1-2 километрга кадәр начараю белән буран, көчәйгәндә секундына 15-18 метрга кадәр көчле җил, бозлавык көтелә.
Яр Чаллыда 31 гыйнвардан 6 февральгә кадәр җирле юлларны кардан чистарту графигы төзелде. Чаллылылардан, махсус техника эшенә комачауламас өчен, автомобильләрен юл буенда калдырмаулары сорала.
«Шәһәрне яшелләндерү хуҗалыгы» теплицаларында лалә суганнары утырталар. Язгы бәйрәмгә яңа чәчәкләр өлгерсен өчен, аларны, гадәттәгечә, гыйнвар башында утырту каралган. Утырту материалын кабыгыннан чистарталар, аннары субстратка утырталар. Белгечләр сүзләренә караганда, ике атнадан соң суганнар тамыр җибәрәчәк, моның өчен теплицаларда 7-9° температурасы саклана. 3-4 атнадан беренче бутоннар барлыкка килә башлаячак. Быел чаллылыларны лаләләрнең 15 сорты сөендерәчәк. Бу узган ел белән чагыштырганда ике тапкырга күбрәк.
Яр Чаллы юлчылары көчле кар яву нәтиҗәләрен бетерүне дәвам итәләр. Автомобиль юллары предприятиесе хезмәткәрләре тарафыннан юлларны чистарту тәүлек әйләнәсе дәвам итә. Көн саен юлларны чистартуга предприятиенең 100 берәмлектән артык техникасы һәм 90га якын эшчесе чыга.
Яр Чаллыда Казан Федераль университетының Яр Чаллы институты студентлары территорияне кардан һәм боздан чистартуга кушылды.
Яр Чаллы юлчылары көчле кар яву нәтиҗәләрен бетерүне дәвам итәләр. Автомобиль юллары предприятиесе хезмәткәрләре тарафыннан юлларны чистарту эшләре шул исәптән төнге вакытта да дәвам итә. Ул 19:00 сәгатьтә башлана һәм иртәнге 7:00 сәгатьтә тәмамлана.
«Татэнерго» АҖ халык тыңлауларында кергән тәкъдимнәр нигезендә «2036 елга кадәрге перспективага Яр Чаллы шәһәренең җылылык белән тәэмин итү схемасын эшләү» проектына тиешле үзгәрешләр кертте.
19 гыйнварда Яр Чаллы шәһәрендә гыйбадәт кылу һәм суны изгеләндерү йоласы башкарылачак. Шулай итеп, шәһәрнең иске өлешендә Мәләкәс елгасында 10:30дан 12:00гә кадәр суны изгеләндерү булачак. Боровецкий чишмәсе янында шулай ук Хач йөреше һәм 01:30дан 02:15кә кадәр суны изгеләндерү дә узачак. Чиркәүдән 02:30 сәгатьтә Чулман проспекты буенча «Автостанция» тукталышына кадәр автобус белән йөрү оештырылачак.
Сишәмбе, 18 гыйнварда, Яр Чаллыда болытлы, төнлә аязучан һава торышы көтелә. Көндез кар явуы, урыны белән буран чыгуы көтелә. Җил көньяктан секундына 7-12 метр, көчәйгәндә секундына 18 метрга кадәр тизлектә.
Яр Чаллыда юлларда кар чистарту эше көчәйтелгән режимда дәвам итә. Башкарма комитет җитәкчесенең беренче урынбасары Илья Зуев хәбәр иткәнчә, бер атна эчендә шәһәр юлларыннан 54 мең кубометр кар чыгарылган.
16 гыйнварда 9:00 сәгатьтән 18:00 сәгатькә кадәр план эшләре сәбәпле түбәндәге светофор объектлары сүндерелә:
Яр Чаллыда урамнарны кардан чистарталар. Көн саен «Автомобиль юллары предприятиесе» МУП көче белән магистраль юлларны һәм тротуарларны чистартуга 110 берәмлектән артык техника һәм 80 юл эшчесе чыгарыла. Квартал эчендәге юлларны һәм тротуарларны чистарту өчен җаваплы идарәче компанияләр тарафыннан көн саен 70тән артык махсус техника һәм 1100дән артык ишегалды җыештыручы чыгарыла.
"Татарстан Республикасының иң яхшы территориаль иҗтимагый үзидарәсе" республика конкурсының беренче этабында катнашу өчен гаризалар кабул итү башланды. Конкурста катнашырга теләүчеләргә 17 гыйнвардан 28 гыйнварга кадәр Хәсән Туфан проспекты, 23 йорт, 416 кабинет адресы буенча шәһәр хакимиятенә мөрәҗәгать итәргә кирәк (эл. адрес: feo416@mail.ru). Гаризалар 10:00дән 16:00гә кадәр кабул ителә.
11 нче гыйнварда Яр Чаллыда болытлы һава, кар явуы көтелә . Җил көньяк-көнчыгыштан, көнчыгыштан, секундына 5-10 метр тизлектә.
2022 елда Яр Чаллыда шәһәр автоюлларын ремонтлау дәвам итәчәк. Шулай итеп, «Имин сыйфатлы юллар» илкүләм проекты кысаларында Хайер урамын (I чират) 338,7 млн сумлык реконструкцияләү планлаштырыла. Гостев урамындагы юлны реконструкцияләү дәвам итәчәк, Аэродром урамыннан алып Батенчук урамына кадәрге участок һәм күпер юлын төзү. Ремонт бәясе – 686,6 млн. сум.
2022 елда Яр Чаллыда 10,1 млрд сумга социаль һәм инженерлык инфраструктурасын төзү һәм капиталь ремонтлау буенча 20 федераль һәм республика программасын гамәлгә ашыру планлаштырыла. Бу хакта бүген аппарат киңәшмәсендә Башкарма комитет җитәкчесе Фәрид Салахов сөйләде.
Йөздән артык махсус техника – тракторлар, «КАМАЗ»лар, грейдерлар шәһәр юлларын кардан чистарту өчен эшлиләр.
Рәис Беляев проспекты 9 йорт адресы буенча урнашкан шәһәр мунчасы 31 декабрь, шимбә көнне 8:00 сәгатьтән 19:00 сәгатькә кадәр эшләячәк. Касса 17:00 сәгатькә кадәр ачык. 2023 елның 1-4 гыйнвары - ял көннәре. 2023 елның 5 гыйнварыннан мунча гадәти режимда эшли. Хөсәен Ямашев бульвары 23 йорт адресы буенча урнашкан шәһәр мунчасы 31 декабрь көнне 8:00 сәгатьтән 19:00 сәгатьтә кадәр, касса 17:00 гә кадәр эшләячәк. 2023 елның 1-5 гыйнвары - ял көннәре. 2023 елның 6 гыйнварыннан мунча гадәти режимда эшли.
4 гыйнварда Яр Чаллыда аязучан болытлы һава көтелә. Урыны белән бераз кар явачак. Җил көньяк-көнбатыштан, төньяк-көнбатыштан 3-8 м/с тизлектә.
Гостев урамы буенча, Батенчук урамыннан Аэродром урамына кадәрге участокта, автомобиль юлын реконструкцияләү эшләре башкару сәбәпле, транспорт чараларының ике юнәлештә дә хәрәкәте 2022 елның 3 гыйнварыннан 30 апреленә кадәр чикләнәчәк. Автомобиль йөртүчеләрдән маршрутларын алдан сайлап кую сорала.
