Граждан һәм муниципаль хезмәт вакансияләренең бердәм базасы
Вакансияләрне карарга →
Шәһәр мэры Наил Мәһдиев , Россия Эчке эшләр министрлыгының Яр Чаллы шәһәре буенча идарәсе башлыгы Надир Закиров һәм «Яр Чаллы политехника көллияте» директоры Илдар Ганиев Украинаны демилитаризацияләү һәм денацификацияләү буенча махсус операция барышында хезмәт бурычын үтәгәндә һәлак булган Артур Шәрәфиев гаиләсе белән очрашты.
Кризиска каршы штаб 2014 елда Наил Мәһдиев тарафыннан шәһәрнең сәүдә-сәнәгать палатасы базасында, шәһәр предприятиеләренә – кече һәм урта бизнеска ярдәм итү максатыннан оештырылган иде. Бүген мэр Наил Мәһдиев хәбәр иткәнчә, шәһәрдәге беренче чираттагы бурычларны нәтиҗәле хәл итү өчен, кризиска каршы оператив штаб үз эшен яңадан башлап җибәрә.
Украинаны демилитаризацияләү һәм денацификацияләү буенча махсус операция барышында хезмәт бурычын үтәгәндә Яр Чаллы егете – 21 яшьлек Артур Рамил улы Шәрәфиев һәлак булган.
Татарстан Республикасында «Халык контроле» Дәүләт мәгълүмат системасын кире элемтә платформасы сыйфатында куллану турында карар кабул ителде, аның ярдәмендә гражданнарның төрле социаль-әһәмиятле проблемаларга кагылышлы хәбәрләрен автоматлаштырылган режимда җыю, эшкәртү һәм исәпкә алу башкарыла. Әлеге карарны үтәү йөзеннән системаларны интеграцияләү гамәлгә ашырылды.
Россия Федерациясе Президенты Владимир Путин һәм шәһәр мэры Наил Мәһдиев исеменнән 90 яшьлек юбилее уңаеннан тыл хезмәтчәне, Автозавод районында яшәүче Мөхәммәтназыйм Сәлим улы Сәлимов котлаулар кабул итте. Ул 1932 елның 15 мартында Татарстанның Минзәлә районы Дусай-Кичү авылында күп балалы крестьян гаиләсендә туа. 1939 елда 1 нче сыйныфка укырга керә, урта мәктәпнең 6 нчы сыйныфын тәмамлый. Бөек Ватан сугышы елларында колхозда эшли, төрле эшләр башкара: басуда чүп үләннәре утый, бодай чәчә, фронтны азык-төлек белән тәэмин итә. Аннан тракторчы һөнәрен үзләштерә.
РФ Президенты Владимир Путин , шәһәр мэры Наил Мәһдиев исеменнән Бөек Ватан сугышы ветераннары Рәисә Рәхмәтулла кызы Сәхипгәрәева һәм Фәния Шәрип кызы Кәримова юбилейлары белән котлаулар кабул иттеләр. Ветераннарны Үзәк районы хакимияте, «Паритет», «Электротехниклар» идарәче компанияләре вәкилләре, шулай ук ТИҮ рәисләре котлады.
Конкурста Татарстан Республикасы территориясендә яшәүче 18 яшьтән 35 яшькә кадәрге кешеләр катнаша ала.
Актив иҗтимагый эшчәнлек һәм җирле үзидарәне үстерүгә керткән өлеше өчен Шәһәр Советы депутаты Флера Андреева , Башкарма комитет җитәкчесе урынбасары, финанс идарәсе башлыгы Светлана Мулюкова , Башкарма комитет җитәкчесе урынбасары Рамил Хәлимов Татарстан Республикасы Президентының Рәхмәт хаты белән бүләкләнделәр.
Яр Чаллыда 2021 елга шәһәр бюджеты үтәлеше буенча ачык тыңлаулар узды. Утырыш барышында Башкарма комитет җитәкчесе урынбасарлары Наталия Кропотова , Светлана Мулюкова , Контроль-хисап палатасы рәисе Татьяна Шливе , Шәһәр Советы депутатлары, Башкарма комитетның структур бүлекчәләре вәкилләре, шәһәр халкы катнашты.
Бүген Наил Мәһдиев һәлак булган Сәхипзадә Мортаза улы Мортазинның Кызыл Йолдыз ордены таныклыгын тапшырды. Бүләкне Бөек Ватан сугышы ветеранының оныгы Рифкать Габделфәрт улы Мортазин алды.
Халыкара хатын-кызлар көне алдыннан «Татарстан Автономияле Совет Социалистик Республикасы төзелүгә 100 ел» медале белән Татарстан Республикасының Атказанган төзүчесе, шәһәрнең Мактаулы гражданины Майна Мария Ивановна бүләкләнде. Бүләкне Татарстан Республикасы Президенты Рөстәм Миңнеханов , шәһәр мэры Наил Мәһдиев исеменнән Комсомол районы хакимияте башлыгы вазыйфаларын башкаручы Фидәрис Хәбибуллин тапшырды.
Яр Чаллыда Улан-Удэ шәһәре мэры Игорь Шутенков җитәкчелегендәге Бурятия башкаласы делегациясе эш визиты белән булып китте. Алар "КАМАЗ"да, аннары "Җиңү" футбол манежында булдылар.
Россия Федерациясе Президенты Владимир Путин һәм шәһәр мэры Наил Мәһдиев исеменнән 90 яшьлек юбилее уңаеннан тыл хезмәтчәне, Автозавод районында яшәүче Мөхәммәтдинов Митьян Мостафа улы котлаулар кабул итте.
Яр Чаллыда Башкарма комитет җитәкчесе урынбасары вазифасына конкурс игълан ителде.
17 мартта Яр Чаллы шәһәренең «Нур» яшьләр үзәгендә «Читтән караш» мәктәп укучылары һәм студентлар арасында беренче дебатлар узачак. Дебатларда шәһәр мәктәпләре һәм урта махсус уку йортлары командалары катнашачак.
1 март көнне Комсомол районы хакимиятендә территориаль иҗтимагый үзидарәләр рәисләре һәм идарәче компанияләр белән киңәшмә узды. Көн тәртибендә 2022 елгы язгы ташу чорында шәһәр халкын һәм территорияләрен саклау чаралары турында мәсьәлә торды.
РФ Дәүләт Думасы депутаты Әлфия Когогина сәламәтлек саклау мәсьәләләре буенча гражданнарны кабул итү атнасы кысаларында Яр Чаллыда шәһәрнең сәламәтлек саклау идарәсе җитәкчесе Александр Николаев катнашында гражданнарны чираттагы тематик кабул итүне үткәрде.
Бүген Татарстан Республикасы президенты Яр Чаллы шәһәренә эш сәфәре кыла. Ул 2021 елда социаль-икътисадый үсеш йомгаклары һәм 2022 елга бурычлары буенча Шәһәр Советы утырышында катнашты.
Татарстан Республикасы президенты Рөстәм Миңнеханов билгеләп үткәнчә, Татарстан Республикасы казанышлары рейтингында Яр Чаллы төзелеш, төяп җибәрелгән продукция күләме буенча икенче урында тора. «КАМАЗ», «Даймлер», «Риат», «Кнорр-бремзе» һәм башка эре предприятиеләрнең актив эше нәтиҗәсендә үзендә җитештерелгән товарлар китерү күләме буенча дүртенче урында.
Бүген Шәһәр балалар һәм яшьләр иҗат сараенда югары бүләкләр тапшыру тантанасы узды.
