Граждан һәм муниципаль хезмәт вакансияләренең бердәм базасы
Вакансияләрне карарга →
Дәүләт Думасы депутаты Әлфия Когогина ярдәме белән мастер-классларда катнашу өчен Яр Чаллы сәнгать мәктәпләрендә тәрбияләнүчеләр генә түгел, ә Әгерҗе, Актаныш, Менделеевск, Минзәлә һәм Тукай районнарыннан сәләтле балалар да чакырылган.
Хөрмәтле чаллылылар!
Яр Чаллы шәһәрендәге Россия пенсионерлар берлеге бүлеге каршындагы Өченче буын Университетында "Планшетта, смартфонда эшләү" курсы дәресләре үткәрелә.
Шәһәр китапханәсендә Куркынычсыз Рунет атнасы кысаларында автоматлаштыру бүлеге хезмәткәрләре өченче буын вәкилләре өчен «Өлкәннәр өчен Интернет әлифбасы» дип исемләнгән практик дәрес үткәрделәр. Катнашучыларга компьютер һәм интернет белән эшләү өчен кирәкле төп мәсьәләләрне аңлаттылар: электрон почта, браузер белән эш итү, социаль челтәрләрдә аккаунтлар ясау, коммуналь түләүләрне яки телефондагы бурычларны тиз арада түләү мөмкинлеге булсын өчен интернет-банкингтан файдалану. Чакырылучылар шулай ук Россия Федерациясе прокуратурасы тарафыннан эшләнгән, гражданнарның хокукый грамоталылыгын үстерүгә һәм «Компьютер гигиенасы»н пропагандалауга юнәлдерелгән мәгълүмати видеоролик карадылар. Компьютер грамоталылыгы курслары өлкән яшьтәге кешеләргә яңа технологияләр үзләштерүдә булышып кына калмый, ә китапханәнең заманча мәгълүмати һәм мәдәни учреждение буларак статусын да раслый.
Чаллы укучылары коммуналь хезмәтләргә ярдәм итте. 55 нче мәктәп укучылары һәм Кама техник-икътисад көллияте студентлары Боровецкий һәм Кереселидзе бульварында кар чистартты.
Быел Яр Чаллыда азык-төлек блокларын ремонтлау программасы дәвам итәчәк. Бу максатларга республика бюджетыннан 143,5 млн сум бүлеп биреләчәк. 6, 23, 40, 44, 45, 53, 58 нче мәктәпләрдә һәм 54, 76 нчы гимназияләрдә ашханәләрне капиталь ремонтлау планлаштырыла.
Чаллы укучылары республика олимпиадаларында җиңүчеләр арасында
Бүген Яр Чаллыда «Яр Чаллы шәһәренең сыйныф җитәкчесе» һөнәри осталык конкурсы узды.
«Имин Рунет атналыгы» беренче тапкыр 2008 елда оештырылды, һәм шул вакыттан бирле аны үткәрү Яр Чаллы шәһәре муниципаль китапханәләре өчен яхшы традициягә әверелде.
Бу атнада «Танышыгыз – профессионаллар!» һөнәри юнәлеш бирү проекты кысаларында 32 нче мәктәп укучылары «РИАТ» предприятиесендә булдылар. Алар өчен җитештерү буенча танып-белү экскурсиясе оештырылды. Укучыларга «РИАТ» ААҖ тарихы һәм эшчәнлегенең төп юнәлешләре турында фильм күрсәтелде. Җитештерү системасын үстерү департаменты башлыгы урынбасары Ирек Абдуллович комплектлау әйберләре складын, әзерләү-штамплау цехын, автомобильләр җыю участогын, эретеп ябыштыру участогын, утыргычлар җыю участогын һәм пластик эшкәртү цехын күрсәтте. Аеруча полиуретан участогы һәм тегү цехы зур кызыксыну уятты. Шулай ук укучылар һөнәрләр, эш шартлары һәм хезмәткәрләрнең квалификациясе турында да белделәр. Экскурсиянең һәр катнашучысы оештыручыларга үзләрен кызыксындырган сорауларын бирә алды.
Яр Чаллыда югары уку йортлары студентлары урам җыештыручыларга шәһәр паркларын һәм скверларын кардан чистартырга булышалар. Шулай, Казан федераль университетының филиалы студентлары Азатлык мәйданын кардан чистарттылар. Энтузиастлар бульварында Казан инновацион университеты филиалы студентлары тәртип урнаштырдылар.
Кадерле дуслар!
21 гыйнварда 42 нче мәктәптә «Ел укытучысы – 2022» шәһәр һөнәри осталык бәйгесенең финалы булды. Жюрига финалның җиде катнашучысыннан абсолют җиңүчене, призерларны һәм лауреатларны сайларга, ә катнашучыларга «Видеовизитка» һәм «Ел укытучысына сорау» пресс-конференциясе»н узарга кирәк иде.
2022 елның 1 февраленә кадәр 2022 елда БДИ тапшыру өчен гаризалар кабул ителә.
Яр Чаллыда «Өстәмә белем бирү педагогы – 2022» һөнәри осталык муниципаль конкурсының финалы узды. Конкурс 2021 елның 25 ноябрендә старт алды, шәһәрнең өстәмә белем бирү оешмаларыннан җиде педагог конкурс сынауларында катнашырга теләк белдергән.
7 февральдә Алабугада «Алабуга-skills» ачык республика һөнәри осталык конкурсы узачак. Ул эшче һөнәрләрне популярлаштыруга, төрле тармакларда иң яхшы белгечләрне ачыклауга, яшьләрдә сайлаган һөнәр белән кызыксынуны үстерүгә, остазлык институтын формалаштыруга, хезмәткә иҗади мөнәсәбәт һәм һөнәри компетенцияләргә ышаныч формалаштыруга юнәлдерелгән.
«Заман» яшьләр үзәгендә «Татар теле - туган телем» шәһәркүләм интеллектуаль-танып-белү уены узачак. Чара Халыкара туган тел көненә багышланган.
14 гыйнварда Гайдар форумы кысаларында «Цифрлы үрләр 2021» конкурсының финал этабы узды.
«Демография» илкүләм проекты кысаларында «Өч яшькә кадәрге балалар өчен яңа урыннар булдыру» федераль программасы буенча Яр Чаллы шәһәрендә 2021 елда 660 урынлык өч балалар бакчасы төзелде. Финанслау суммасы 815,2 млн сум тәшкил итте.
Бүген Яр Чаллыда тантаналы рәвештә 85 нче «Карусель» балалар бакчасы ачылды. Мәктәпкәчә учреждение «Притяжение» торак районында Николай Мальнев урамында урнашкан һәм 220 урынга исәпләнгән. Аны төзү белән Раил Миңнегалиев җитәкчелегендәге «СтройТраст» компаниясе шөгыльләнде, аларның исәбендә инде шундый дүрт балалар бакчасы.
