Граждан һәм муниципаль хезмәт вакансияләренең бердәм базасы
Вакансияләрне карарга →
Мулланур Вахитов исемендәге 2 нче гимназиянең яңа директоры – Лиза Нәбиуллина . Моңа кадәр ул 58 нче гомуми белем бирү мәктәбе директоры иде. Педагог «Татар теле һәм әдәбияты» белгечлеге буенча Бөре дәүләт педагогика институтын тәмамлаган.
Яр Чаллыда ел саен үткәрелә торган «Теләкләр чыршысы – 2021» хәйрия акциясе узды, аның кысаларында 350 Яңа ел бүләге җыелды.
Яр Чаллының 86 нчы «Өмет» интернат-мәктәбендә сәламәтлек ягыннан мөмкинлекләре чикләнгән балалар өчен Яңа ел бәйрәме үткәрелде. Яшь чаллылыларны Шәһәр Советы депутаты Илнур Исмәгыйлев сәламләде.
Компьютер грамоталылыгыннан тыш, Өченче буын Университетында башка факультетлар да бар. Популяр юнәлешләрнең берсе – «Хокукый белемнәр мәктәбе». Тыңлаучылар гаилә, мирас хокукын, шулай ук кулланучылар хокукларын яклау турындагы законны өйрәнгәндә аеруча зур кызыксыну күрсәтәләр. Дәресләр тормыштан мисаллар белән ныгытыла. Бу юнәлештә дәресләрне юрист Наилә Мөксинова алып бара.
«Нур» яшьләр үзәгендә югары уку йортлары һәм урта махсус уку йортлары студентлары арасында терроризм һәм экстремизмга каршы тору мәсьәләләре буенча иң яхшы курс эше яки диплом эше конкурсына йомгак ясалды.
Халыкның тормыш сыйфатының иң мөһим күрсәткечләреннән берсе – аның эш белән тәэмин ителүе. Эшсезлек дәрәҗәсе буенча шәһәр пандемиягә кадәрге дәрәҗәгә җитте, бүген ул 0,4% тәшкил итә, 1130 кеше исәптә тора. Мәшгульлек үзәгенең мәгълүматлар базасында 9 меңгә якын вакансия бар.
Яр Чаллыда 69 комплекста мәктәп төзелеше башланачак. Бу хакта бүген аппарат киңәшмәсендә шәһәр мэры Наил Мәһдиев хәбәр итте: «69 комплекста 1500 урынга исәпләнгән төзелешне башлау турында карар кабул ителде. Төзүчеләр мине ишетә. 2021 елның 1 сентябренә, тугыз айдан соң, яңа мәктәп ишекләрен ачу бурычы куелды».
Мәктәп укучылары, иҗтимагый оешмалар лидерлары һәм активистлары, олимпиадаларда һәм конкурсларда җиңүчеләр, уку алдынгылары һәм башкалар бүген республика Яңа ел чыршысында катнаша. Быел бәйрәм программасы Казанда Баскет-холлда узачак.
Яр Чаллыда «Ел студенты – 2021» шәһәр конкурсының гаризалар кабул итү кампаниясе тәмамланды. Оештыру комитетына рекордлы сандагы гаризалар килгән – 13 номинациядә катнашу өчен йөзләгән студент һәм студентлар коллективы гариза биргән.
«Мәдәният һәм мәгариф» курсы тәмамлану уңаеннан, Өченче буын университетының студентлары үз эшләреннән күргәзмә әзерләделәр.
Татарстан Республикасы Дәүләт Советы депутаты Олег Коробченко 57 нче гимназия укучыларына Яңа ел бүләкләре тапшырды.
Чаллы укучылары «Минем әти-әнием һөнәре» дигән видеороликлар конкурсына гариза бирә алалар. Катнашуга 8-11 сыйныф укучылары чакырыла. Моның өчен 22 декабрьдән 17 гыйнварга кадәр укучыга ата-анасы һөнәре турында видеоролик төшерергә һәм VKontakte, Tik Tok яки Instagram социаль челтәрендә #ЗаманПрофи хэштэгы белән урнаштырырга кирәк.
Мәктәпкәчә учреждениеләрдә яңа ел бәйрәменең форматы турында атналык матбугат конференциясендә шәһәрнең баш санитар табибы Илгизәр Бариев сөйләде: « Ата-аналар һәм туганнар COVID-19дан вакцинация узу турында яки соңгы алты айда кичерелгән авыру турында расланган мәгълүматка ия булырга тиеш . Бинага кергәндә контактсыз термометрия үткәрелергә тиеш, тән температурасы 37,1дән арткан затларга әлеге чараларда катнашу тыела ».
Үзәк шәһәр китапханәсе Чаллы һәм Финляндиянең татар телле яшьләре арасында Zoom платформасында «Китап укучы яшьләр – милләтнең киләчәге» дип аталган телекүпер оештырды.
21 ноябрьдән 9 декабрьгә кадәр шәһәрнең мәктәпкәчә белем бирү учреждениеләренең балалар коллективлары арасында «XXI гасыр йолдызчыклары» шәһәр конкурсы узды. Балаларның иҗади сәләтләрен «Нәфис сүз», «Вокал», «Хореография» номинацияләрендә бәяләделәр.
Финанс белемнәр дәрәҗәсен бәяләү һәм гражданнарның, бизнес вәкилләренең финанс грамоталылыгын арттыру мөһимлегенә игътибар җәлеп итү максатыннан 30 ноябрьдән 15 декабрьгә кадәр финанс грамоталылыгы буенча IV Бөтенроссия онлайн-зачеты уздырыла. Зачет финанс грамоталылыгының дәрәҗәсен күтәрүгә ярдәм итә, чөнки һәр катнашучы зачет нәтиҗәләре буенча үсеш өчен индивидуаль тәкъдимнәр алачак.
104 нче «Бәләкәч» балалар бакчасында Президент грантлары фонды, «Татнефть» ААҖ хәйрия фонды, шулай ук «Зенит» Банкы финанс ярдәме белән «Фәннәр дөньясында» «ЛабораториУМ»ы – инженерлык фикерләвен үстерү клубы ачылды.
Форумның максаты – яшьләргә гражданлык-патриотик тәрбия бирү, патриотик юнәлештәге чаралар уздыру, яшьләрне тарихи мирасны саклау һәм популярлаштыру эшенә җәлеп итү технологияләрен өйрәтү, «Җиңү Волонтерлары» хәрәкәте район бүлекчәләренең координаторларын һәм активистларын муниципаль районнарда хәрәкәт планын тормышка ашыру өчен әзерләү.
Шәһәрнең мәгариф учреждениеләрендә мәктәп һәм балалар бакчалары хезмәткәрләре тарафыннан өстәмә белем бирү педагоглары белән берлектә 610 яңа ел тамашасы оештырылачак. Мәктәпләрдә барлык чыршы бәйрәмнәре дә бушлай.
Ел йомгаклары буенча балалар һәм яшьләрне бүләкләүнең популяр формасы – Татарстан Республикасы Президенты Рөстәм Нургали улы Миңнехановның Яңа ел бәйрәме белән котлавы. 25 декабрьдә узачак президент чыршысында 300 укучы катнашачак. Чарага бөтенроссия һәм республика конкурсларында, олимпиадаларында җиңүчеләр, иҗтимагый оешмалар активистлары чакырылган.
