Граждан һәм муниципаль хезмәт вакансияләренең бердәм базасы
Вакансияләрне карарга →
Хәзерге вакытта документларны кабул итү, документларны рәсмиләштерү эшләре бара. Башкарма комитет җитәкчесенең беренче урынбасары Илья Зуев 2022 елның төп программалары буенча барлык эшләр дә тәмамланды, дип хәбәр итте.
Бүген «Хайер Корпорациясе» урамындагы төзекләндерелгән автомобиль юлы участогында чаллылылар 500 агач (180 миләш һәм 220 тирәк) утырттылар. Шәһәрне яшелләндерү чарасына Башкарма комитет җитәкчесе вазыйфаларын башкаручы Илья Зуев, Башкарма комитет идарәләре һәм бүлекләре башлыклары, Автозавод районы администрациясе хезмәткәрләре, Поташов исемендәге техник көллият студентлары һәм Горзеленхоз хезмәткәрләре катнашты.
Башкарма комитет җитәкчесенең беренче урынбасары Илья Зуев матбугат конференциясе барышында, күп фатирлы йортлар идарәче компанияләре тарафыннан җылылык җибәрелә башлаганнан соң ике атна эчендә барлык җылыту системалары җайга салынган, дип хәбәр итте. Ул билгеләп үткәнчә, су температурасы җитмәүгә бәйле кисәтүләр булса, яшәү урыны буенча идарәче компаниягә, чараларны кабул итү өчен адресны төгәл күрсәтеп мөрәҗәгать итәргә кирәк. Сәбәбен ачыклау, җитешсезлекләрне бетерү өчен ике сәгатьтән артык вакыт кирәк. "Шәһәрнең барлык социаль-мәдәни объектлары, балалар бакчалары, мәктәпләрдә 26 сентябрьдән җылылык бирелеп бетте. Җылылык биргәннән соң ике атна эчендә стоякларда һава кудыру буенча мөрәҗәгатьләр каралды", - дип билгеләде ул.
Бүген 12-нче мәктәпнең 50 еллыгы хөрмәтенә 50 агач утыртылды. Мәктәп яны территориясен яшелләндерүдә Комсомол районы администрациясе башлыгы вазыйфаларын башкаручы Фидарис Хәбибуллин, Шәһәр Советы депутаты Рубин Бадыйков катнашты. Чарадан укытучылар, укучылар һәм аларның ата-аналары да читтә калмады.
Иртәгә, 9нчы ноябрь көнне, Яр Чаллыда болытлы һава күзәтелә. Юеш кар һәм яңгыр рә вешендә явым-төшем. Җ ил көньяк-көнбатыштан секундына 6-11 метр тизлектә, урыны белән секундына 14 метрга кадәр көчәюе ихтимал. Төнлә минималь һава температурасы 0..+2˚. К өндез максималь һава температурасы +2..+4˚.
Шәһәр мэры Наил Мәһдиев, Шәһәр Советы депутатлары белән агач утыртуда катнаштылар. "Шимбә, иртәнге 7дә, без яхшы кәеф белән мөһим һәм кирәкле эш башкарабыз", - дип билгеләп үтте автокала башлыгы. Депутатлар корпусы Гостева урамында агачлар утыртуда катнашты. 180нән артык агач юлның бу өлешен бизиячәк. Автозавод районының Моторная урамында 285 пирамидаль тирәк утыртылган. Агач утыртуда ТИҮ рәисләре, «Горзеленхоз» ААҖ, Автозавод районы администрациясе хезмәткәрләре катнашты. Агымдагы елның 5 ноябрендә 562 агач утыртылган. Көзге чорда 5 ноябрьгә 23 855 агач һәм куак утыртылды.
Комсомол районында 2022 елда "Безнең ишегалды" программасын тормышка ашыруга йомгак ясадылар. Район администрациясе башлыгы вазыйфаларын башкаручы Фидарис Хәбибуллин "32 комплекс", "10 комплекс" , "Центральный" территориаль иҗтимагый үзидәрә рәисләренә, идарече компанияләр вәкилләренә, шулай ук бу микрорайоннардагы актив кешелерге Рәхмәт хатлары һем истелекле булеклер тапшырды.
Яр Чаллыда «Безнең ишегалды» программасы буенча быел 119 ишегалды төзекләндерелгән. Проект буенча эшләр киләсе елда дәвам итәчәк, төзекләндерү схемалары әзерләнгән, халык белән очрашулар уздырылган. Автокала мэры Наил Мәһдиев хәзерге вакытта халык белән проект буенча фикер алышулар үткәрелүен билгеләп үтте. "Хәзер нәкъ менә шул вакыт, һәр проектны тыныч кына бюджет кысаларында төрле вариантлар да карарга, бергәләп фикер алышырга була. Уиләсе елга җылы чор җитү белән бу эшләрне башларга кирәк. Фикер алышу өлешендә тукталырга ярамый, - дип билгеләп үтте ул. - Без бу проектны тормышка ашырырга тиеш. - Тыныч кына фикер алышырга, тәкъдимнәрне тыңларга, барлык документларны тиешенчә рәсмиләштерергә, халык фикерен игътибарга алырга кирәк", - дип билгеләп үтте ул.
Октябрь башыннан шәһәр территориясен чистарту һәм яшелләндерү буенча традицион көзге санитар-экологик айлык башланды, аның кысаларында 4 чәршәмбе һәм 5 шимбә өмәсе үткәрелде, - дип хәбәр итте бүген аппарат киңәшмәсе барышында Башкарма комитет җитәкчесенең беренче урынбасары Илья Зуев. "Көзге айлыкны үткәрү барышында түбәндәге эшләр башкарылды: 10 325 га мәйданда территорияләрне яфрак һәм чүп-чардан чистарту; 6 529 куб.метр чүп чыгару; 1,1 мең агач һәм 2 мең куакны санитар кисү; 22 913 агач һәм куак утырту; барлык спорт һәм балалар уен мәйданчыкларын тәртипкә китерү, ял итү, торак фонды территорияләрендә эскәмияләрне яңарту һәм ремонтлау", - диде ул.
Бүген автокалада агачлар утырту дәвам итте.
Тантаналар сараенда шәһәрнең автотранспорт һәм юл хуҗалыгы предприятиеләре хезмәткәрләренә багышланган тантаналы чара оештырылды. Шәһәр башлыгы Наил Мәһдиев тантанада катнашучыларга сәламләү сүзе белән мөрәҗәгать итте. "Чаллы шәһәре – легендар КамАЗларның туган ягы гына түгел, ә автотранспорт, юл комплексы предприятиеләре дә. Нәкъ менә сез Яр Чаллы шәһәренең заманча йөзен билгелисез. Яр Чаллы юлларның сыйфаты буенча Россия Федерациясенең топ-10 шәһәренә керә. Бу эштә юллар төзүче, төзекләндерүче һәм асфальтлаучы оешмаларның зур казанышы. 8 ел эчендә без бу максатларга төрле программалар буенча 16 млрд сумга якын акча алдык. Бу РФ субъекты өчен зур акчалар. Яр Чаллы шәһәре – эре транспорт компанияләренең башкаласы. Алар бик күп".
Яр Чаллыда көзге айлык кысаларында шәһәрнең санитар һәм эстетик торышын тәэмин итү максатыннан чаралар тормышка ашырыла. Автозавод, Үзәк, Комсомол районнары территориясендә йорт яны территорияләрен чүп-чардан һәм яфрактан чистарту, агачларны һәм куакларны санитар кисү, чүп-чар һәм үсемлек калдыкларын чыгару, чәчәк түтәлләрен казу, санкцияләнмәгән чүплекләрне бетерү, агачлар утырту эшләре башкарылды.
Быел Чаллыда урам утлары яңартылды. 74,9 млн сумга 5539 урам яктырткычлары яңартылды. Яктырткычлардан тыш 18 млн сумлык урам утлары белән идарә итүнең 99 яңа шкафы монтажланган. Эшләргә акча беренче тапкыр республика бюджетыннан гына түгел, шәһәр бюджетыннан да бүленеп бирелгән, эшне «Автомобиль юллары предприятиесе» МУП башкарган.
Экологик икеайлык кысаларында 117 нче «Уенчык» балалар бакчасында «Һәр ишегалдында тере чыршы» акциясе үткәрелде. Акциянең максаты-ишегалларын яшелләндерү, балаларны һәм аларның ата-аналарын агачлар утыртуга, табигатькә сакчыл караш тәрбияләү. Быел 58 микрорайон «Безнең ишегалды» программасы буенча төзекләндерелде. 117нче «Уенчык» балалар бакчасының ата-аналары әлеге программаны хупларга һәм йорт яны территориясен яшелләндерүдә катнашырга булды. Яшелләндерү акциясендә 30 гаилә катнашты, алар ярдәме белән 45 зәңгәр чыршы, 19 декоратив куак утыртылды.
Автокалада территорияне төзекләндерү буенча көзге айлык кысаларында чаралар дәвам итә. Бүген Башкарма комитет хезмәткәрләре Халыклар дуслыгы проспекты буенча Раскольников урамыннан Чулман проспектына кадәр 37 комплекс ягыннан 135 төп агач утырттылар. Рәис Беляев урамы буенча Тынычлык проспектыннан Сөембикә проспектына кадәр чүп-чар һәм яфраклар җыелды. "Горзеленхоз" хезмәткәрләре Сарман трактында 27а торак йорт ягыннан 95 сирень куагы утырттылар.
Иртәгәдән (22.10) 2 яңа светофор объекты эшли башлый. Берсе - «Лукойл» ягулык салу станциясе янындагы КАМАЗ проспектындагы транспорт светофоры Хәсән Туфан проспекты юнәлешендә. Икенчесе - «Илдар Маннанов урамы» җәмәгать транспорты тукталышы янындагы Чулман проспектында җәяүлеләр өчен чакыру фазасы булган светофор.
Аязучан болытлы һава. Явым-төшемсез. Төнлә һәм иртән аерым районнарда томан. Җил төньяк-көнбатыштан секундына 5-10 метр тизлектә. Төнлә минималь һава температурасы +1..-3˚. Көндез максималь һава температурасы +2..+5˚.
Бүген парк-менеджерлар һәм PR-менеджерлар вазыйфасына конкурс узды-нәкъ менә алар шәһәрнең иҗтимагый киңлекләрен тулыландыру белән шөгыльләнәчәк. Жюри хөкеменә Яр Чаллы паркының үзпрезентациясе һәм үсеш концепциясе тәкъдим ителде. Нәтиҗәдә, ике парк-менеджер Анна Балашова һәм Мария Кондратьева, PR-менеджеры Миләүшә Габделхакова җиңүче булды.
Бүген автокалада каты коммуналь калдыклар белән эш итү буенча «Гринта» төбәк операторыннан яңа партия контейнерлар кабул ителде. Компания күпфатирлы йортларда яшәүчеләр өчен 2 меңнән артык евроконтейнер сатып алган, хәзер шәһәрнең идарәче компанияләре искергән һәм яраксыз хәлгә килгән савытларны алыштыра. "Вилюй" идарәче компаниясендә яңа контейнерларны күрсәттеләр.
Бүген чәршәмбе өмәсе узды, анда актив чаллылылар, идарәче компания вәкилләре, территориаль иҗтимагый җирле үзидарә вәкилләре катнашты. Автозавод районы территориясендә йорт яны территорияләрен чүп-чардан һәм яфрактан чистарту, агачларны һәм куакларны санитар кисү, чүп-чар һәм үсемлек калдыкларын чыгару, чәчәк түтәлләрен казу, рөхсәтсез чүплекләрне бетерү, агачлар утырту эшләре башкарылды. В. Д. Поташов ис. Техник көллият студентлары "Мәктәп" тукталышыннан алып "КАМАЗ" мәдәният сараена кадәр Тынычлык проспекты буенча яфраклар җыйдылар. Үзәк районы территориясендә йорт яны территорияләрен чүп-чардан чистарту, газоннар тигезләү, агачларны һәм куакларны санитар кисү үткәрелде. Үзәк районы администрациясе хезмәткәрләре, тулы составта, 13 нче мәктәп белән берлектә, Тынычлык проспекты буендагы 3 комплексның иҗтимагый киңлегендә өмә үткәрделәр.
