Граждан һәм муниципаль хезмәт вакансияләренең бердәм базасы
Вакансияләрне карарга →
7 нче поликлиниканың баш табибы Александр Попов Ижау дәүләт медицина академиясе чыгарылышларын эшкә юнәлтү чарасында катнашты.
Яр Чаллыда гражданнарның сәламәтлеген саклау һәм социаль яклау мәсьәләләре буенча даими комиссиянең күчмә утырышы узды.
Татарстан Республикасы буенча Роспотребнадзор 16 майдан 27 майга кадәр талпан йогышын профилактикалау мәсьәләләре буенча "кайнар линия" үткәрә.
Яр Чаллыда «Меланома-Стоп» акциясе старт алды, аның кысаларында күп балалы ата-аналар тире авыруларын диагностикалауны бушлай уза алачаклар. Тире яман шешен скрининглау буенча хәйрия медик-социаль проектын гамәлгә ашыру Республика клиник онкология диспансеры филиалында узачак.
Россиянең һәр эшкә урнашкан гражданины, түләүле дәваланып, дарулар сатып алган очракта, медицина хезмәтләре һәм даруларга чыгымнар буенча салым тотып калынган акчаны ала алачак.
Яр Чаллының Шәһәр Советында «Мәрхәмәт-Милосердие» хатын-кыз депутатлар берләшмәсе утырышында «Меланома СТОП» тире яман шешләренә каршы профилактика һәм көрәшүгә юнәлдерелгән медик-социаль проектны тормышка ашыру турында фикер алыштылар. Очрашуга шулай ук идарә башлыклары һәм район хакимиятләре вәкилләре дә чакырылган иде.
12 майда Бөтендөнья шәфкать туташы көне билгеләп үтелә. Һөнәри бәйрәмнәре уңаеннан, Яр Чаллының 7 нче поликлиникасының өлкән шәфкать туташлары «Ак йөрәк» дигән исем астында бәйрәм флешмобын үткәрделәр.
Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Яр Чаллы бүлеге җитәкчесе Илгизәр Бариев Яр Чаллыда яңа коронавирус инфекциясе белән авыручылар саны күрсәткече 100 мең кешегә 3208,5 тәшкил итә, бу республика күрсәткеченнән 18%ка кимрәк дип хәбәр итте. Ул билгеләп үткәнчә, коронавирус белән авыру очракларының кимүе күзәтелә. Соңгы атнада 102 очрак теркәлгән – бу алдагы җиде көнлек чор белән чагыштырганда 26 очракка кимрәк.
Җиңү көне алдыннан Дәүләт Советы депутаты Андрей Фомичев , Шәһәр Советы депутатлары Сергей Хлебников, Евгений Залогин , ТИҮ рәисе Галина Мамонтовадан бүләкләр тапшырылды.
Яр Чаллы шәһәре Пенсия фонды чаллылыларга йөклелекнең иртә срокларында медицина оешмаларында исәпкә баскан хатын-кызлар өчен айлык түләү сорап мөрәҗәгать итү шартларының үзгәрүе турында хәбәр итә.
Бөек Җиңүнең 77 еллыгы алдыннан 7 нче шәһәр поликлиникасының табиблары Бөек Ватан сугышы ветераны Таһир Йосыпмурза улы Мурзин да кунакта булдылар. Медиклар аның сәламәтлеген тикшерделәр һәм ветеранны якынлашып килүче бәйрәм белән котладылар.
«Һава шартлары талпаннарның зур активлыгын билгеләде. Бүлеп бирелгән республика субвенцияләре һәм шәһәр парклары һәм скверларының расланган мәйданнары кысаларында тычкансыман кимерүчеләргә каршы дератизация һәм территорияләрне талпаннарга каршы акарицидлы эшкәртү эшләре башланырга тиеш. Чаралар үткәрүнең нәтиҗәлелеген тикшерү Яр Чаллы шәһәренең Гигиена һәм эпидемиология үзәгенә йөкләнгән» , - дип хәбәр итте Роспотребнадзор идарәсенең Яр Чаллы территориаль бүлеге җитәкчесе Илгизәр Бариев.
«Пандемия башланганнан бирле Яр Чаллыда яңа коронавирус инфекциясенең 16 621 лабораториядә расланган очрагы теркәлгән. Шуларның 6200се терелгән. Хәзерге вакытта бер провизор госпитале – йогышлы авырулар хастаханәсе эшли» - дип хәбәр итте шәһәр сәламәтлек саклау идарәсе җитәкчесе урынбасары Айгөл Борһанова .
5 нче шәһәр хастаханәсенең 5 нче һәм 9 нчы поликлиникалары хезмәткәрләре гомумшәһәр өмәсенә кушылды.
Бүген Россия Федерациясе Сәламәтлек саклау министрлыгы COVIDка күмәк иммунитет дәрәҗәсе 43,7%ка кадәр кимеде дип хәбәр итте. Авырулар саны артуы май-июнь айларында ук көтелә. Коронавирусны вакцинация ярдәмендә генә җиңеп була.
5 нче шәһәр хастаханәсе Татарстан оешмалары – "Татэнерго" АҖ җылылык энергиясен кулланучылар арасында "Ышанычлы партнер – 2021" номинациясендә җиңүче дип табылды. Энергетика һәм энергия ресурсларының нәтиҗәлелеге буенча халыкара форумы – 2022 «Казан Экспо» Халыкара күргәзмә үзәгендә Россия Федерациясе Федераль Собраниесенең Икътисадый сәясәт комитеты ярдәмендә узды.
Пандемия башланганнан бирле Яр Чаллыда 16 501 яңа коронавирус йогышының лабораториядә расланган очрагы теркәлгән. Әлеге күрсәткеч 100 мең кешегә 3074,3 тәшкил итә, бу республика буенча уртача күрсәткечтән 17,2%ка кимрәк.
26 апрельдә 10:00 сәгатьтән 15:00 сәгатькә кадәр «Хатын-кыз игътибары» дигән темага «Бала карау буенча отпускта булган хатын-кызларда барлыкка килә торган актуаль мәсьәләләр турында» кайнар линия оештырылачак.
Татарстан Республикасы буенча Пенсия фонды бүлекчәсе хәбәр иткәнчә, 2022 елның 1 гыйнварыннан инвалидлык буенча иминият һәм социаль пенсияләр гражданнарның шәхси мөрәҗәгатеннән башка билгеләнә. Пенсия һәм аңа тиешле социаль түләү, шул исәптән социаль хезмәт күрсәтүләр җыелмасы, гражданны инвалид дип тану көненнән алып, инвалидларның Федераль реестры (ФРИ) мәгълүматлары нигезендә билгеләнә. Пенсиягә хокукны раслаучы документларны Пенсия фондына тапшыру зарурлыгы юк.
3 апрельдә Г.Тукай исемендәге яр буенда «Тормышка 10000 адым» Бөтенроссия акциясе старт алды. Шәһәрдә акцияне оештыручылар - «Россия Пенсионерлар берлеге» иҗтимагый оешмасының Яр Чаллы бүлекчәсе һәм физик культура һәм спорт идарәсе.
