Граждан һәм муниципаль хезмәт вакансияләренең бердәм базасы
Вакансияләрне карарга →
Яр Чаллы шәһәренең ИТ-паркында төрле фәнни дисциплиналардан яшь тикшеренүчеләрне берләштерүче «Алга таба нәрсә булды?» дигән фәнни көрәшләр узды. Чара «Яр Чаллы шәһәренең яшь галимнәре» яшьләр оешмасы, Яр Чаллы шәһәренең «Кайнау ноктасы» күмәк эш киңлеге ярдәмендә Яр Чаллы студентлары лигасы һәм «Нур» яшьләр үзәге ярдәмендә тарафыннан оештырылды.
«Рәсәй эше» кадрлар үзәгендә исәптә 1819 кеше эшсез дип теркәлгән. Эшсезлек дәрәҗәсе 0,65% тәшкил итә. Бүген аппарат киңәшмәсендә "Рәсәй эше" кадрлар үзәге җитәкчесе Татьяна Быданова шундый мәгълүматлар җиткерде. Ел башыннан 2752 Чаллы кешесе эшкә урнаштырылган, шуларның 281е – май аенда.
Бүген Чаллының җиде меңнән артык чыгарылыш сыйныф укучылары өчен соңгы кыңгырау чыңлады. 30 нчы мәктәпне тәмамлаучыларны тантаналы вакыйга белән котларга шәһәр мэры Наил Мәһдиев килде. Ул укытучыларны, балаларны һәм аларның ата-аналарын, бәйрәм чарасына җыелучыларны җылы сәламләде.
26 май көнне 18:00 сәгатьтә «Заман» яшьләр үзәгендә әти-әниләр һәм эшләүче яшьләр өчен «ВИЧ һәм СПИД. Үз-үзеңне ничек сакларга» темасына WORKSHOP-практикум узачак. Чарада Республикада СПИД һәм йогышлы авыруларны профилактикалау һәм аларга каршы көрәш үзәгенең Яр Чаллы шәһәрендәге филиалының профилактика бүлеге мөдире Надежда Иванова чыгыш ясаячак.
Яңа уку елында Чаллыдагы «Адымнар» полилингваль мәктәбе 2 нче сыйныфтан алып 7 нче сыйныфка кадәр укучылар кабул итәчәк. Бу хакта матбугат конференциясендә мәгариф идарәсе башлыгы Рөстәм Хуҗин сөйләде.
Чаллы мәктәпләрендә һәм балалар бакчаларында чыгарылыш кичәләре, Роспотребнадзор таләпләрен исәпкә алып узачак. Бу хакта матбугат конференциясендә Роспотребнадзорның Яр Чаллыдагы территориаль бүлеге җитәкчесе Илгизәр Бариев сөйләде.
Россия Федераль салым хезмәтенең ТР Чаллы шәһәре буенча идарәсе Россиядә масштаблы белем бирү акциясе – «Бөтенроссия салым диктанты» старт алуы турында хәбәр итә. Ул 30 майга кадәр дәвам итәчәк. Һәркем диктант язуда катнашып, салым өлкәсендә үз белемнәрен бәяләү һәм арттыру мөмкинлеген алачак. Анда балалар да, өлкәннәр дә катнаша ала. Диктант онлайн-тест форматында 60 минут дәвамында оештырылган. Аның нәтиҗәләре буенча һәр катнашучы электрон сертификат алачак.
25-26 майда Яр Чаллыда «Мәгариф: чынбарлык һәм перспективалар» IX Халыкара ачык педагогика форумы үтәчәк. Аны Чаллы дәүләт педагогика университеты Реймс шәһәре Шампань-Арденны университеты (Франция) белән берлектә үткәрә.
19 майда Яр Чаллыда балалар һәм яшьләр иҗтимагый оешмалары көнен билгеләп үтәчәкләр. Чара шәһәрнең иҗтимагый хәрәкәте активын җыячак һәм берьюлы берничә локциядә узачак: Азатлык мәйданында, Тукай яр буенда, шәһәр балалар һәм яшьләр иҗаты сараенда, "Шатлык" яшьләр үзәгендә.
Яр Чаллы дәүләт педагогика университетында III Бөтенроссия фәнни-гамәли конференциясе узды. Оештыручылары – Яр Чаллы дәүләт педагогика университеты, ТР Фәннәр академиясе, Ш. Мәрҗани исемендәге Тарих институты.
Бүген 35 нче урта гомуми белем бирү мәктәбендә "БЕРДӘМ РОССИЯ" Бөтенроссия сәяси партиясенең Татарстан төбәк бүлеге проекты кысаларында һәм Шәһәр Советы депутаты Эдуард Фәттаховның финанс ярдәме белән шахмат зонасы ачылды.
Наил Мәһдиев бүген автокалада мәктәпкәчә белем бирү учреждениеләрен төзүнең барышы белән танышты. Шәһәр Хакиме өч төзелеш мәйданчыгында булды. Быел Яр Чаллыда төзүчеләр өч яңа мәктәпкәчә белем бирү учреждениесен тапшырачаклар. Бу – «Притяжение» торак микрорайонындагы 85 нче «Карусель», 34 комплекста урнашкан 130 нчы «Калейдоскоп», 63 комплекста төзелеп килгән 131 нче «Лучики» балалар бакчалары.
Бүген иртән Наил Мәһдиев Мулланур Вахитов исемендәге 2 нче гимназиядә булды. Ул мәгариф учреждениеләрендә куркынычсызлыкны тәэмин итүнең ничек оештырылуын тикшерде. Шуны әйтеп утәргә кирәк, биредә хәзер муниципаль хезмәткәр кизү тора.
Бөек Ватан сугышында Җиңүнең 76 еллыгы уңаеннан оештырылган Парадта укучылар хоры чыгыш ясады. Җиңү җырларын «Җырлаучы Чаллы» шәһәр конкурсы лауреатларының катнаш хоры башкарды. Бу 5,21,30, 34,35, 38 һәм 7 нче балалар сәнгать мәктәбе хор коллективлары.
Чаллының 2 нче балалар музыка мәктәбе ярты гасырлык юбилеен билгеләп үтте. Мәгариф учреждениесенең 50 еллыгы уңаеннан Орган залында концерт узды.
Мәскәүдә җәмгыять белеме буенча мәктәп укучыларының бөтенроссия олимпиадасының йомгаклау этабы узды. Олимпиаданың җиңүчесе дип А. С. Пушкин исемендәге 78 нче лицейның 11 сыйныф укучысы Арина Александрова игълан ителде.
Чаллыда май ялларында балалар бакчаларында дежур төркемнәр булдыру мәсьәләсе буенча ата-аналар арасында сораштыру үткәрелә. Мәгариф идарәсе башлыгы Рөстәм Хуҗин сөйләвенчә, ш уңа карап 4-7 майда бакчаларда дежур төркемнәр оештырылачак. Шулай итеп, ата-аналардан сораштыру нигезендә, бу көннәрдә бакчаларга 9 500 дән артык нәни чаллылы йөриячәк дип көтелә.
Яр Чаллыда мәктәпкәчә яшьтәге балалар арасында «Татар малае-2021» һәм «Татар кызы-2021» конкурсларына йомгак ясалды. Конкурслар татар телендә, яшь талантларны ачыклау һәм үстерү, балаларны туган телгә өйрәтү, театр сәнгатенең иң яхшы үрнәкләрен , Татарстан Республикасының тарихи-мәдәни мирасын өйрәнү, балаларга эстетик тәрбия бирү максатыннан үткәрелде. Аларда Чаллының 124 балалар бакчасыннан 124 бала катнашты.
14-20 апрель көннәрендә Кырым Республикасында «Артек» Халыкара балалар үзәге базасында әдәбият буенча Бөтенроссия мәктәп укучылары олимпиадасының йомгаклау этабы узды. Анда Россиянең төрле төбәкләреннән 324 укучы катнашты. Татарстан Республикасын сигез кешедән торган команда тәкъдим итте. Олимпиада нәтиҗәләре буенча аларның җидесе призлы урыннар яулады. Алар арасында А.С. Пушкин исемендәге 78 нче лицейның 11 сыйныф укучысы Вера Верхотурова да бар. Ул өченче ел рәттән әдәбият буенча Бөтенроссия мәктәп укучылары олимпиадасының призеры булды. Мәгълүмати-технологик юнәлеш буенча укуга карамастан, Вера Верхотурова әдәбият белән дә кызыксына.
Чаллының 19 нчы мәктәп укучысы Роман Хоцанович Riki.lab зурлар өчен анимация сериаллары конкурс-лабораториясендә катнашып уңышка лаек булды. Конкурсны «Смешарики» мультсериалын уйлап табучы һәм ясаучы «Рики» компанияләр төркеме һәм КиноПоиск HD онлайн-кинотеатры вәкиллләре үткәрә. Конкурска Чаллы егете дүрт эш тәкъдим итә, шуларның берсе – «Бер максат» дип исемләнгәне Апокалипсис чорында исән калган кешеләр турында сөйли. Ул жюри тарафыннан югары бәя ала һәм махсус приз белән бүләкләнә.
