Граждан һәм муниципаль хезмәт вакансияләренең бердәм базасы
Вакансияләрне карарга →
Моношәһәрләрдәге хатын-кызларга «Бизнес хатын-кызлары» Гомумроссия иҗтимагый оешмасы оештырган «Lady 007» түләүсез онлайн бизнес-акселераторында катнашырга тәкъдим итәләр. Проект нәтиҗәләре буенча катнашучыларга дипломнар, призлар һәм грантлар биреләчәк, шулай ук бизнес-проектларны үстерү буенча ярдәм күрсәтеләчәк.
Яр Чаллыда җылылык бирү башланды. Беренче чиратта җылылык белән социаль билгеләнештәге объектлар тәэмин ителә: гомуми белем бирү мәктәпләре, мәктәпкәчә учреждениеләр, сәламәтлек саклау, социаль яклау, мәдәният, физик культура һәм спорт учреждениеләре, яшьләр оешмалары. Җылылык бирү учреждениеләрнең гаризалары буенча башкарыла. Башкарма комитетның мәгариф идарәсе тарафыннан мәгариф учреждениеләренә һәм мәктәпкәчә учреждениеләргә җылылык бирү турында НЧТСга 10 сентябрьдән гариза бирелгән. Сәламәтлек саклау объектларына җылылык бирү 9 сентябрьдән башланды.
Мәгариф, мәдәният, милли мәсьәләләр, яшьләр эшләре һәм спорт буенча даими комиссия Яр Чаллы педагогика университетында чираттагы утырышын үткәрде. Фикер алышуның темасы – мәгариф учреждениеләрендә һөнәри юнәлеш бирү эшен оештыру. Университет ректоры, Шәһәр Советы депутаты Әлфинур Галиәкбәрова хезмәттәшләре өчен таныштыру экскурсиясе үткәрде, университет базасында мәктәп укучыларына иртә һөнәри юнәлеш бирү эшен оештыру мөмкинлекләре турында сөйләде.
«Мәктәп футбол лигасы» җиңүчеләре командасы мәктәп өчен зур бүләк ясады: спорт залында ремонт эшләре башкарылды. Быел «Яшүсмер» яшүсмер-яшьләр клублары үзәге оештырган турнирда 32 мәктәп футбол командасы катнашты. Нәтиҗәдә 77 нче гимназия укучылары -«Волки 77» командасы җиңде.
Яр Чаллыда Өченче буын университетында яңа уку сезоны башланды. Социаль проект шәһәрдә инде 14 ел рәттән тормышка ашырыла һәм шәһәрдәшләрнең өлкән буын вәкилләре арасында популярлык казана. Бүген Яр Чаллы дәүләт педагогика университетында шәһәр мэры Наил Мәһдиев катнашында тантаналы чара узды.
1 нче балалар сәнгать мәктәбе укучылары «Нур» яшьләр үзәгендә үз эшләрен тәкъдим иттеләр. Барлыгы унбиш иҗади эш, алар төрле техникаларда башкарылган. Исегезгә төшерәбез, 27 августта үзәк территориясендә Татарстан Республикасы көненә багышланган «Челнинский НеФестиваль» узды. Чарага яшь рәссамнар чакырылган иде, алар чараның төп мизгелләрен һәм аларның катнашучыларын виртуаз рәвештә төшерделәр.
Яр Чаллыда 8 сентябрьдә Өченче буын университетында 14 нче уку сезоны ачыла. Чара НГПУның актлар залында узачак. Чыгарылыш укучылары-пенсионерлар үз картиналары күргәзмәсен тәкъдим итәчәкләр, теләүчеләр өчен учреждение территориясендә скандинавия йөреше буенча мастер-класс үткәрәчәкләр. Холлда гаризалар кабул итү дәвам итәчәк.
Проектта Яр Чаллының 11 мәдәният учреждениесе катнаша: Орган залы, «КАМАЗ» мәдәният йорты, «Болгар» бию театры, «Энергетик» мәдәният йорты, Игорь Лерманның камера оркестры, Яр Чаллы картиналар галереясе, «Визит» джаз оркестры, Тарихи-туган якны өйрәнү музее, «Мастеровые» рус драма театры, Яр Чаллы дәүләт курчак театры, А. Гыйләҗев исемендәге Яр Чаллы татар дәүләт драма театры.
1 сентябрьдән яшьләр арасында мәдәни чараларны популярлаштыру буенча «Пушкин картасы» программасы гамәлгә керде.
"Адымнар-Чаллы" полилингваль гимназиясен ачу 1 сентябрьгә төп бүләк булды. Аның мәйданы 24 625 кв.м., белем бирү учреждениесе Чулман проспекты, 91 адресы буенча урнашкан. Казанның "Грань" компаниясе генераль подрядчы булды.
Бүген шәһәр мэры Наил Мәһдиев , уку процессының башлануын һәм мәктәп туклануын оештыруны тикшерү өчен татар гимназиясенә кунакка барды.
ТР Дәүләт Киңәшчесе Минтимер Шәймиев , ТР Дәүләт Советы Рәисе урынбасары Татьяна Ларионова , Чаллы мэры Наил Мәһдиев һәм РФ Дәүләт Думасы депутаты Әлфия Когогина гимназия эчендә булдылар һәм "Адымнар-Чаллы"да белем алачак балалар белән аралаштылар.
Бүген Яр Чаллыда «Адымнар–Чаллы» полилингваль гимназиясе ачылды.
Яр Чаллыда Белем көнен билгеләп үтәләр. Шәһәр мэры Наил Мәһдиев Замелекесье районының яңа ачылган 14 нче гимназиясендә булды, укытучыларны, укучыларны һәм аларның әти-әниләрен бәйрәм белән котлады.
Бүген Яр Чаллыда 14 нче гимназия ачылды, ул башка шәһәр мәктәпләреннән үзенең уникаль тышкы һәм эчке кыяфәте белән аерылып тора. Дизайнер Елена Сафиуллина мәгариф учреждениесенең интерьер концепциясе турында сөйләде.
Хөрмәтле чаллылылар!
Очрашу мэр инициативасы белән уку елы алдыннан гимназиянең актлар залында узды. Модератор булып «Адымнар-Чаллы» гимназиясе директоры Азат Галиев чыгыш ясады.
Яр Чаллыда республика программасы кысаларында мәктәп территорияләрендә спорт мәйданчыклары төзү дәвам итә. Быел ике мәйданчык файдалануга тапшырылды.
Яр Чаллының 86 нчы «Өмет» интернат-мәктәбе 1993 елның 6 сентябреннән эшли. Бина тулысынча яңартылуны 40 ел көткән (анда элек балалар бакчасы булган). Ремонтка республика бюджетыннан 67 млн сумнан артык акча бүлеп бирелгән.
79 нчы «Чиякәй» балалар бакчасында капиталь ремонт тәмамланган, инженерлык коммуникацияләре алыштырылган, бизәү, территорияне төзекләндерү эшләре башкарылган.
