Граждан һәм муниципаль хезмәт вакансияләренең бердәм базасы
Вакансияләрне карарга →
Татарстанда «Ребенок в мире прав» - «Бала хокук даирәсендә» дигән VII Республика мәгълүмати - социаль видеороликлар конкурсы башланды. Конкурска 6 яшьтән 30 яшькә кадәрге кешеләр индивидуаль рәвештә дә, төркемнәр яки иҗат коллективлары составында да гариза бирә ала.
Октябрь аенда чаллылылар ике мөһим вакыйга - Халыкара өлкәннәр көнен һәм Бөтендөнья укытучылар көнен билгеләп үтәчәкләр. Башкарма комитет җитәкчесе урынбасары Рамил Хәлимов чараларның ничек узачагын сөйләде: « Өлкән буын декадасын үткәрү өлешендә билгеле бер үзгәрешләр бар. Без күп санлы кешеләр җыеп «Энергетик», «Камаз» мәдәният сарайларында, С.Садыйкова исемендәге Концертлар залында чаралар уздырмыйбыз. Әмма чаралар мәгариф, спорт, мәдәният, сәламәтлек саклау учреждениеләрендә үткәреләчәк. Әлбәттә, предприятиеләр үз ветераннарын чакырып, предприятие кысаларында бәйрәмнәрен үткәрәчәкләр ».
Чаллының 68 мәктәбендә «Аңлый торган укытучы - 2021» шәһәр конкурсы үткәрелде. Быел конкурста 562 педагог катнашты. Мәктәп советлары активистлары социаль челтәрләрдә дә, мәктәпләрдә дә тавыш бирү оештырдылар. 12 нче мәктәптә яшь белгеч – тарих укытучысы Альберт Баһабиев аңлый торган укытучы булды, ул әлеге мәгариф учреждениесендә бер ел эшли. Ә 20 нче мәктәптә иң күп тавышны 45 еллык педагогик стажы булган башлангыч сыйныф укытучысы Людмила Мифтахова җыйды.
Чаллы укучылары һәм аларның әти-әниләре «Аңлый торган укытучы»ны сайлыйлар. Һәр мәктәптә үзенең «Аңлый торган укытучы»сы булачак. 30 нчы мәктәптә бу исемгә икенче ел рәттән туган тел һәм әдәбият укытучысы Гөлнара Әминова лаек.
26 сентябрьдә Казанда Студентлар клублары милли лигасының Бөтенроссия слетын ябу тантанасы узды. Ул бөтен Россиядән 700гә якын катнашучыны – югары һәм урта махсус Россия белем бирү учреждениеләре студентларын, студентлар клублары әгъзаларын һәм җитәкчеләрен, Россия территориясендә гамәлгә ашырыла торган социаль проектлар авторларын берләштерде. Казанда Бөтенроссия слетында катнашу өчен Россиянең 81 регионыннан 2 меңнән артык гариза җибәрелгән.
Яр Чаллыда эшче яшьләр арасында Престиж Кубогына республика интеллектуаль уены узды. Уен параллель рәвештә ике форматта барды: Zoom онлайн платформасында һәм «Нур» яшьләр үзәгендә офлайн-платформада.
Укытучылар көне алдыннан Башкарма комитет җитәкчесе урынбасары Рамил Хәлимов аппарат киңәшмәсендә Чаллы педагогларының уңышлары турында сөйләде. Хәзерге вакытта Яр Чаллыда мәгариф өлкәсендә 15 меңнән артык кеше эшли, аларның 3 764е – мәктәпләрдә педагогик хезмәткәрләр, 3 399ы – мәктәпкәчә белем бирү учреждениеләре хезмәткәрләре, 2 191е – югары уку йортлары һәм урта һөнәри белем бирү оешмалары укытучылары, 555е – өстәмә белем бирү учреждениеләрендә педагоглар.
Батырлык ордены кавалеры Дмитрий Бәдретдинов исемендәге 46 нчы мәктәп логопеды Елена Азина Татарстан Республикасының М.И. Мәхмүтов исемендәге дәүләт премиясенә лаек булды. Аны бирү турындагы Указга президент Рөстәм Миңнеханов кул куйды. Бүләкне фәнни һәм фәнни-методик эшчәнлекне стимуллаштыру өчен күренекле педагоглар ала.
Шәһәр мәктәпләрендә «Аңлый торган укытучы» конкурсы старт алды. Конкурс «Шәһәр укучылар советы» балалар иҗтимагый оешмасы инициативасы белән оештырыла. Анда мәктәптә эшләүче һәр укытучы катнаша ала. Тавыш бирү мәктәп укучылары һәм ата-аналар арасында үткәреләчәк. Иң күп тавыш җыйган укытучы мәктәпнең иң «Аңлый торган укытучы» исеменә лаек булачак. Быел мәктәп этабында җиңүчеләр автомат рәвештә шәһәр конкурсында җиңүчеләр булалар. Шәһәрдә барлыгы 68 укытучы сайланачак. Конкурста кемнәр катнашканын мәктәп сайтларында һәм аларның социаль челтәрләрдәге рәсми аккаунтларында белергә мөмкин.
Соңгы вакытта булган фаҗигале вакыйгалар белән бәйле рәвештә, Чаллыда куркынычсызлык чаралары көчәйтелде һәм барлык белем бирү оешмаларына керү мөмкинлеге чикләнгән. Шәһәрнең мәгариф учреждениеләре тарафыннан террорчылыкка каршы барлык кирәкле чаралар күрелә. Әйтик, узган елдан балалар бакчаларында үткәрү режимы кертелде. Хәзерге вакытта балаларны кабул итү әти-әнисенең шәхесен таныклаучы документ һәм пропуск күрсәткәндә генә алып барыла. Мәктәпләрдә хәвеф сигнализациясе төймәләре бар. Алар төзек.
"Милли приоритетлар" автоном коммерцияле булмаган оешма Учи.ру укыту платформасы, Россия Табигать министрлыгы һәм Волонтер-экологларның "Делай" бөтенроссия иҗтимагый оешмасы белән берлектә мәктәп балалары өчен Бөтенроссия экологик олимпиадасын башлап җибәрде. Олимпиада "Экология" милли проекты ярдәмендә 2021 елның 4 октябренә кадәр үткәрелә.
О. Кухаренко исемендәге картодромда шәһәр студентлары арасында «Техногород» Кубогына картинг буенча турнир узды. Анда шәһәрнең 11 белем бирү оешмасыннан 18 кеше катнашты. Ярышларны ачу тантанасында «КАМАЗ» ААҖ генераль директоры Сергей Когогин , «КАМАЗ-Мастер» командасы җитәкчесе, ТР Дәүләт Советы депутаты Владимир Чагин , физик культура һәм спорт идарәсе башлыгы Роман Насрединов , яшьләр белән эшләү идарәсе башлыгы Айзат Мәхмүтов катнашты.
Яр Чаллыда балалар бакчаларын ремонтлау программасы үтәлде: бүген 75 нче «Канәфер» балалар бакчасын ачу тантанасы узды.
Бүген һәм иртәгә Яр Чаллының гомуми белем бирү мәктәпләре укучыларына шәхсән яки төркем проекты ясау тәкъдим ителде. Яклау һәм бәяләү ял көннәреннән соң булачак. Проект эшчәнлегендә 1-11 сыйныф укучылары җомга һәм шимбә көннәрендә катнаша.
Наил Мәһдиев яңа 14 нче гимназиядә шәһәрдәшләр белән очрашты. Актлар залында предприятие җитәкчеләре, укытучылар җыелды. Шәһәр мэры беренче яртыеллыкның социаль-икътисади нәтиҗәләре турында сөйләде һәм перспектив бурычларны билгеләде. Әңгәмә шәһәрнең икътисади уңышлары турында фикер алышудан башланды. « Һичшиксез, бу - «КАМАЗ», ул аягында нык басып тора, югары дәрәҗәдәге катлаулы көнкүреш техникасы җитештерә торган Haier компаниясе. Легендар КАМАЗлар чыгара торган шәһәр белән беррәттән без телевизор, суыткычлар чыгара торган шәһәргә әйләнәбез.
Бүген "Бердәм РОССИЯ" Бөтенроссия сәяси партиясенең Төбәк бүлегенең партия проекты кысаларында Шәһәр Советы депутаты Эдуард Фәттаховның финанс ярдәме белән Н. Кайманов исемендәге кадет мәктәбендә «Каймановец» шахмат клубы ачылды.
Укучылар мөстәкыйллеккә өйрәнәләр: җомга, шимбә, 17 һәм 18 сентябрь көннәрендә 1-11 сыйныф укучылары өйләрендә проект уйлап табачаклар һәм киләсе атнада аларны сыйныф алдында яклыячаклар. Проектларны индивидуаль һәм төркемнәрдә эшләргә була, берничә фәннәрне берләштерергә мөмкин.
Бүген Яр Чаллыда тантаналы рәвештә 130 нчы «Калейдоскоп» балалар бакчасы ачылды. Мәктәпкәчә учреждение Раскольников урамындагы 34 микрорайонда урнашкан. Бәйрәм чарасында мэр Наил Мәһдиев һәм Дәүләт Думасы депутаты Әлфия Когогина катнашты.
14 сентябрьдә Казан Кремлендә Татарстан Республикасы Президенты Рөстәм Миңнеханов «Яшь профессионаллар» (WorldSkills Russia) IX Милли чемпионаты финалында җиңүчеләрне һәм призерларны тантаналы рәвештә бүләкләде. Татарстан җыелма командасы гомуми медаль зачетында 1 нче урынны яулады – Республика конкурсантлары WorldSkills стандартлары буенча Россиядә иң масштаблы һөнәри осталык ярышларының 140 бүләгенә ия булдылар.
Дәресләр ял көннәрендә атнага бер тапкыр, икешәр дәрес, "НУР" яшьләр үзәгендә уза. «Нигез салучы» бизнес-мәктәбендә 6-15 яшьлек балалар төрле факультативлар буенча белем ала: тайм-менеджмент өйрәнәләр, үз-үзеңә ышанырга өйрәнәләр.
