Граждан һәм муниципаль хезмәт вакансияләренең бердәм базасы
Вакансияләрне карарга →
Бу атнада Яр Чаллыда мәгариф учреждениеләрен яңа уку елына кабул итү башланды. Акцияне оператив һәм нәтиҗәле уздыру максатыннан һәр районда икешәр эш төркеме булдырылды. Кабул итүдә эш төркемнәре белән бергә шәһәр Советы депутатлары – мәгариф, мәдәният, милли мәсьәләләр, яшьләр эшләре һәм спорт буенча даими комиссия әгъзалары да катнаша.
Россия Федерациясе Пенсия фондының Татарстан Республикасы буенча бүлеге студентларның ата-аналарына балаларының институтта яисә көллияттә ана (гаилә) капиталы акчасы белән түләп уку мөмкинлеге барлыгы турында искә төшерә. Укыган өчен акчаны шәхси компьютер яки смартфон аша, Пенсия фондының клиент хезмәтенә мөрәҗәгать итмичә генә түләргә мөмкин.
Яр Чаллыда, «Саулык» сәламәтләндерү комплексында, «Солнечный» лагерендә, «Коррупциягә юк дип әйт!» дип аталган квест узды. Әлеге чараны Яр Чаллының «Шәһәр студентлар советы», «Нур» яшьләр үзәге, Яр Чаллы шәһәре Башкарма комитетының яшьләр эшләре идарәсе ярдәме белән оештырдылар.
Яр Чаллыда шәһәр яны һәм мәктәп яны лагерьларында балалар ялын оештыруны тикшерәләр. Тикшерү нәтиҗәләре турында Татарстан Республикасында кеше хокуклары буенча вәкаләтле вәкилнең Чаллы шәһәре буенча җәмәгать ярдәмчесе Ольга Силаичева сөйләде.
Татарстанда Бердәм дәүләт имтиханы буенча 200 балл җыйган чыгарылыш сыйныф укучылары саны артты. Быел ике фәннән 200 баллны 14 кеше җыйган, 2021 елда 11 кеше иде. Йомгаклау аттестациясенең төп нәтиҗәләре турында сөйләде Республиканың Мәгариф һәм фән министры Илсур Һадиуллин сөйләде.
Шәһәр мэры җәйге каникуллар вакытында эшләүче яшь чаллылыларның хезмәт хакына игътибар итте. Наил Мәһдиев шәһәрнең эре предприятиеләре җитәкчеләренә укучыларның хезмәт хакын бертөрле итәргә тәкъдим итте.
Шәһәр мэры Наил Мәһдиев 69 нчы комплекстагы яңа мәктәп төзелеш мәйданчыгында булды. Объектта Илнар Гайсин җитәкчелегендә «Евростиль» компаниясенең 350ләп белгече эшли. Эшләр план буенча бара дип билгеләп үтте мэр.
Шәһәр мэры Наил Мәһдиев, мәктәп өчен 5 га мәйданлы җир участогы билгеләнгән, дип хәбәр итте. Проект хәзер төзелә торган мәктәптән калышмый – проект 1501 урынны күздә тота. Узган ел бу комплекста балалар бакчасы төзелде, хәзер яңа бина төзү өчен урын киртәләп алынды.
Мәктәп директоры Марс Гафуров хәбәр иткәнчә, 700 гариза бирелгән инде, шуларның 200 дән артыгы – беренче сыйныф укучыларының ата-аналарыннан. Гаризалар кабул итү 1 нче ильдә башланды һәм 1 нче сентябрьгә кадәр дәвам итәчәк.
Чаллыда балалар шәһәр читендәге һәм мәктәп яны лагерьларында ял итә. И юнь аенда 30 июньгә кадәр ачылган мәктәп яны лагерьларында 10 800 укучы ял иткән, шәһәр читендәге лагерьларда 1 568 бала ялын уздырган.
Имтихан нәтиҗәләре буенча Яр Чаллыда 45 чыгарылыш сыйныф укучысы иң югары балл алды – 100 балл (рус теле – 19, математика – 4, химия – 8, әдәбият – 6, җәмгыять белеме – 4, инглиз теле – 1, биология – 3).
Ульянда VIII Бөтенроссия җәйге Универсиада уза. Анда мең ярымга якын студент һәм бөтен илдән спорт сөючеләр катнаша. Алар арасында безнең тхэквондочылар да бар: Роман Лещев, Алена Миронюк, Илья Ракин, Дмитрий Шепелев.
2021/22 уку елында шәһәрдә мәктәпне 5 203 тугызынчы сыйныф укучысы һәм 2 137 унберенче сыйныф укучысы тәмамлады.
Поташов исемендәге техник көллияттә шәһәр предприятиеләре җитәкчеләре шәһәр икътисады өчен кирәкле белгечлекләр чыгаручы көллият һәм техникум директорлары белән очрашты. Көн кадагында - кадрлар әзерләү мәсьәләсе. Чарада шәһәр мэры Наил Мәһдиев катнашты.
Орган залында КФУның Яр Чаллы институты һәм КФУның Чаллы филиалы инженер-икътисад көллиятен тәмамлаучыларга кызыл дипломнар тапшыру тантанасы узды.Чарада Башкарма комитет Җитәкчесе Фәрид Салахов катнашты. Ул вузны тәмамлаучыларга кызыл дипломнар тапшырды.
Санкт-Петербургта «Минем илем — минем Россиям " XIX Бөтенроссия конкурсында җиңүчеләрне бүләкләү тантанасы узды. Чара кысаларында илебез территорияләрен социаль-икътисадый үстерүгә юнәлдерелгән иң яхшы яшьләр проектларының 81 авторы аталды, алар арасында чаллылылар да бар иде.
Билгесез солдат кабере янында «1нче Постның иң яхшы сафта торучысы» шәһәр конкурсында җиңүчеләр вахта тота.
Татарстанда беренче тапкыр педагогия көллиятен тәмамлаучылар «башлангыч белем бирүдә коррекцион педагогика» белгечлеге буенча диплом проектын яклау һәм демонстрацион имтихан формасында дәүләт йомгаклау аттестациясен уздылар. Сынаулар "Ворлдскиллс Россия" стандартлары нигезендә "башлангыч сыйныфларда белем бирү" компетенциясе буенча узды.
Ел саен Яр Чаллы шәһәрендә «1 нче Постның иң яхшы сафта торучысы» шәһәр конкурсы үткәрелә, аның нәтиҗәләре буенча укучылар сәфәрләр белән бүләкләнәләр: кадетлар арасыннан 20 иң яхшы постчы Мәскәүдәге Президент полкы белән танышачаклар һәм Александров бакчасында Хәтер вахтасында сафта торачаклар, гомуми белем бирү мәктәпләре укучылары арасыннан 15 постчы герой-шәһәрләргә (Санкт-Петербург, Волгоград, Мәскәү, Брест, Минск) барачак.
RAEX (РАЭКС-Аналитика) рейтинг агентлыгы чыгарылыш сыйныф укучыларының көндәшлеккә сәләтлеге буенча топ-100 мәктәп рейтингын эшләп чыгарды. Россиянең иң яхшы 100 мәктәбе арасында – Татарстан Республикасының алты мәктәбе, шул исәптән Яр Чаллының 26 нчы гимназиясе.
