Граждан һәм муниципаль хезмәт вакансияләренең бердәм базасы
Вакансияләрне карарга →
Яр Чаллы – гаҗәеп шәһәр, аның тарихында төрле чорлар үз эзләрен калдырган. Бүген шәһәребез – эре сәнәгать үзәге, ә кайчандыр ул сәүдә бөлән шөгыльләнүче авыл иде. Яр Чаллы гидростроительләр шәһәре буларак танылган вакыт аралыгы да булды.
9 май көнне Яр Чаллы шәһәрендә «Үлемсез полк» акциясе көндезге форматта узачак. Әлеге чарага чаллылылар һәм шәһәр кунаклары чакырыла. Колоннаны формалаштыру 9 майда 15:30 сәгатьтә Азатлык мәйданында башланачак. 16:00 сәгатьтә колонна Хәсән Туфан проспекты буенча шәһәр Мәйданына таба хәрәкәт итә башлыячак.
«Созвездие-Йолдызлык» XXII ачык республика телевизион яшьләр фестиваленең йомгаклау Гала-концертында төп приз ияләренең исемнәре билгеле булды. Фестивальнең Гран-приен Яр Чаллыдан «Мизгел» җыр театры алды.
Яр Чаллы шәһәре Башкарма комитетының мәгариф идарәсе ярдәме белән 14 нче номерлы балалар-яшүсмерләр үзәге 20 апрельдә «Шатлык» яшьләр үзәгендә рус һәм татар телләрендә КВН мәктәп лигасы финалын үткәрде.
9 май алдыннан 39/10 йорт ишегалдында бәйрәм оештырылды. Микрорайонда яшәүчеләр һәм Бөек Ватан сугышы ветераннары Советлар Союзы Герое Илдар Маннанов исемендәге 82 нче кадетлар мәктәбенең тынлы һәм бәрмә уен кораллары оркестрына кушылып «Җиңү көне» җырын башкардылар.
Тасмалар тарату белән шәһәр яшьләр оешмалары вәкилләре шөгыльләнә. Акция 9 майга кадәр дәвам итәчәк.
Татарстан Республикасы «Язгы игелек атнасы» Бөтенроссия акциясенә кушыла. Быел акция 18 апрельдән 1 майга кадәр уза.
23 апрель көнне икенче ел рәттән Яр Чаллы татар драма театрында «Мин татарча сөйләшәм» фестивале узачак. Быел ул тел темасына багышлана. Сәгать 16:00дән 20:00гә кадәр биредә төрле чаралар — коворкингта тел лабораториясе һәм балалар мәйданчыгы, экспозиция мәйданчыгында qot күргәзмәсе һәм маркет, кече залда татар киносын күрсәтү һәм татарча караоке һәм Театр паркында урам экскурсияләре узачак.
19 нчы мәктәптә совет халкының геноциды истәлегенә багышланган тарихи фактларны реконструкцияләүне тәкъдим иттеләр. Чара «Без срока давности» проекты кысаларында оештырылды.
«Экспо-Кама» күргәзмә үзәгендә 22-24 апрельдә 11 нче Бөтенроссия модельчеләр слеты узачак.
Картиналар галереясенең зур залында «Хөррият» юбилей күргәзмәсе ачылды.
Август аенда «Саулык»та хәрби-тарихи лагерь оештырылачак
«Бердәм Россия» партиясенең «Тарихи хәтер» федераль партия проектын тормышка ашыру кысаларында Бөек Ватан сугышы ветераннарына, тыл хезмәтчәннәренә һәм сугыш чоры балаларына «Ветеранга Открытка» дигән иң яхшы открытка конкурсы үткәрелә.
Үзәк районы хакимияте башлыгын җирләү 20 апрельдә Яр Чаллыда узачак. 9:00дән 10:00гә кадәр мәдәният сарае залында соңгы юлга озату оештырылачак.
Татарстан Республикасы гомуми белем бирү учреждениеләренең 1-11 сыйныф укучылары арасында «Душа России миру шепчет» дип исемләнгән инглиз телендә шигырь укучыларның республика лингвистик конкурсы игълан ителде.
«Үзәкләштерелгән китапханәләр системасы» Яр Чаллы шәһәре муниципаль берәмлеге Башкарма комитетының мәдәният идарәсе ярдәме белән бөек татар шагыйре Габдулла Тукайның 136 еллыгы уңаеннан #ЧитаемТукая #Тукайныукыйбыз дип исемләнгән шигъри нон-стоп оештыра.
Шәһәр мәктәпләренең 2-4 сыйныф укучыларын иҗади эшләр конкурсында катнашырга чакыралар. Конкурс «Укучының мәдәни көндәлеге» республика мәдәни-белем бирү проекты кысаларында үткәрелә. Әлеге проектның максаты – укучыларны мәдәният учреждениеләре тарафыннан үткәрелә торган төп мәдәни вакыйгалар һәм мәдәни-ял чаралары белән таныштыру.
2007 елның 26 апрелендә Яр Чаллы Үзәкләштерелгән китапханәләр системасы каршындагы Әдәбият тарихы музее үз эшчәнлеген башлап җибәрде. Ул Татарстан, Россия Язучылар берлеге әгъзасы, язучы, туган якны өйрәнүче Мансур Сафин һәм шәһәр китапханәсенең баш китапханәчесе Роза Хәмидуллина инициативасы белән оештырыла.
«Энергетик» мәдәният сараенда «Студентлар язы – 2022» шәһәр студентлар иҗаты фестиваленең гала-концерты узды. Анда шәһәрнең югары һәм һөнәри белем бирү оешмаларының иң яхшы иҗат коллективлары катнашты. Быел фестиваль 23 нче тапкыр узды.
Яр Чаллыда «Сабантуй гүзәле - 2022» шәһәр конкурсына гаризалар кабул итү башланды. Дәрәҗәле бәйгедә татар телен иркен белүче 16-25 яшьлек кызлар катнаша ала. Гаризалар 27 апрельгә кадәр kzl.tau@mail.ru электрон почтасына кабул ителә. Сайлап алу туры 28 апрельдә 17:30 сәгатьтә "Кызыл тау" мәдәният үзәгендә узачак.
