15 июльгә кадәр XIV Бөтенроссия яшь талантлар фестивале «Зәңгәр агымның сихри көче – МОСГАЗ йолдызлар кабыза» оештыру комитеты гаризалар кабул итә. Фестиваль традиция буенча ике юнәлештә үткәрелә: «МОСГАЗ йолдызлар кабыза» вокал конкурсы һәм «Зәңгәр агымның сихри көче» яшь рәссамнар конкурсы. Беренче этап читтән торып үткәрелә, гаризалар фестивальнең рәсми сайтында электрон формада бирелә.
«МОСГАЗ» АҖ тарафыннан Мәскәү Хөкүмәте һәм башкаланың шәһәр хуҗалыгы комплексы ярдәме белән оештырылган хәйрия фестивале, үзенең 14 еллык тарихында Россиянең мәдәни тормышында уникаль күренешкә әйләнде.
2026 ел Россия Федерациясе Президенты Владимир Путин тарафыннан Россия халыклары бердәмлеге елы дип игълан ителде. Фестивальнең вокал конкурсы темасы да әлеге вакыйгага багышланган – «Илнең көче – халыкларның һәм аларның мәдәниятенең бердәмлегендә», ул барлык катнашучылар өчен иҗади юнәлеш булачак.
Конкурс өч номинациядә үткәрелә: «Академик вокал», «Эстрада вокалы» һәм «Халык вокалы». Катнашучылар өч яшь төркеменә бүленгән: сигездән 11 яшькә кадәр, 12 яшьтән 14 яшькә кадәр һәм 15 яшьтән 18 яшькә кадәр.
Вокал конкурсына гаризалар 15 июльгә кадәр кабул ителә. Башкаручыларның видеоязмалары нигезендә, читтән торып үткәрелә торган этап жюрие иң яхшыларын сайлап алачак һәм аларны 2026 елның октябрь-ноябрь айларында Мәскәүдә узачак конкурсның очно турына чакырачак. Читтән торып тавыш бирү нәтиҗәләре 10 сентябрьдән дә соңга калмыйча бастырылачак.«Зәңгәр агымның сихри көче – МОСГАЗ йолдызлар кабыза» фестивале – Россиядә яшәүче барлык милләтләрнең җырлары, гореф-гадәтләре һәм буяулары берләшкән киңлек. Ул һәр елны яңа йолдызлар кабыза, безгә шуны искәртә: илебезнең чын көче – Россия дип аталган бу бөек мәдәниятләр йолдызлыгының балкышында.
Оештыру комитеты: телефон:+7 915 161-74-24, stars@mos-gaz.ru