Граждан һәм муниципаль хезмәт вакансияләренең бердәм базасы
Вакансияләрне карарга →
Яр Чаллы - 2021 елда шәһәрләр рейтингында 8 нче урында. Социологик сораштыру SuperJob сервисы тарафыннан үткәрелде . Тикшеренүдә илнең иң эре 36 шәһәреннән икътисадый яктан актив саналган 1000 нән артык вәкил катнашкан.
Хәтер көне кысаларында ябык һәм гамәлдәге шәһәр зиратларында чистарту эшләре башкарылды.
Яр Чаллы Бөтенроссия өмәсенә һәм «Экояз 2021» республика акциясенә кушылды. Өмә барышында Казан белән видеоэлемтә оештырылды, эшкә Татарстан Республикасы Президенты Рөстәм Миңнеханов җитәкчелек итте. «Сезнең барыгызга да зур рәхмәт. Бүген Татарстанда бөтен халык өмәгә чыкты. Без моңа бер генә көнне багышларга тиеш түгел. Без яшәү рәвешенә, табигатькә мөнәсәбәтебезне үзгәртергә тиеш. Бу системалы эш. Балаларга э кологик тәрбия б ирә торган мәктәпләргә зур рәхмәт сүзләре н җиткерәм» , - дип билгеләп үтте ул.
21 апрельдә шәһәр территориясен санитар чистарту һәм төзекләндерү буенча өмә үткәрелде, аларда 2530 кеше катнашты, 55 берәмлек техника җәлеп ителде. Өмәдә 347 га шәһәр территориясе чистартылды, 97 км юлны грунттан чистарту башкарылды, 216,4 га газоннар чүптән арындырылды, 671 куб. м. чүп-чар һәм үсемлек калдыклары чыгарылды, 2 135 төп агач һәм куакны санитар кисү эшләре башкарылды, 144 төп агач һәм куаклар утыртылды.
Яр Чаллы шәһәренә эш сәфәре кысаларында «Татарстан Республикасы шәһәрләрен үстерү институты» фондының стратегик проектлар белән идарә итү департаменты җитәкчесе Венера Камалова бизнес-берләшмәләре вәкилләре белән очрашу үткәрде. Очрашу «Шатлык» яшьләр үзәгендә узды. Катнашучылар шәһәр үсеше өчен креатив индустрияләр потенциалы турында фикер алыштылар.
Эшмәкәрлек субъектлары өчен уңайлы шартлар тудыру максатында, стационар булмаган сәүдә объектлары урнашкан урыннарны күрсәтеп, расланган урнаштыру схемалары нигезендә, шәһәр Башкарма комитеты тарафыннан карта төзелде. Карта ике төргә бүленә:
Һәр яз саен эшче яшьләр Советы Яр Чаллы өлкәннәр һәм инвалидлар өчен интернат-йорты территориясендә өмә оештыра.
Санитар-экологик икеайлык кысаларында 17 апрельдә шәһәр территориясен санитар чистарту һәм төзекләндерү буенча шәһәркүләм шимбә өмәсе үткәрелде. Өмәдә 27 035 кеше катнашты, 317 берәмлек техника җәлеп ителде. Экологик чара барышында 494,6 га шәһәр территориясе чистартылды, 194,1 га газоннар чүптән арындырылды, 2 050 км юлны грунттан чистарту башкарылды, 2 223,65 куб. м. чүп-чар һәм үсемлек калдыклары чыгарылды, 1 847 төп агач һәм 3 429 төп куакны санитар кисү эшләре башкарылды, 383 төп агач һәм куаклар утыртылды.
Санитар-экологик икеайлык кысаларында 1 апрельдән шәһәр территориясен җыештыру һәм төзекләндерү эшләре башланды, аларда 2 640 кеше катнашты, 53 берәмлек техника җәлеп ителде, аның барышында: газоннарда кар көпшәкләндерелде; 726,3 га шәһәр территориясе чистартылды; 41,6 га газоннар тырмалап җыештырылды; 381 куб. м чүп-чар һәм үсемлек калдыклары чыгарылды; 3 351 данә агач санитар киселде.
10 апрельдән 12 апрельгә кадәр Яр Чаллы проспектыннан 35 һәм 41 номерлы биналар арасында, җылылык челтәрләре сузу сәбәпле, Яр Чаллы проспекты буенча квартал эчендә транспорт чаралары хәрәкәтенә вакытлыча чик кертеләчәк.
Татарстан Республикасында 12 апрельдә төнлә һәм иртән урыны белән томан көтелә. Яр Чаллыда болытлы һава фаразлана, көндез аязучан. Төнлә, иртән һәм көндез бераз, урыны белән уртача яңгыр, аерым районнарда томан төшүе көтелә. Җил төньяк-көнчыгыштан секундына 3-8 метр, урыны белән көчәйгәндә 12 метрга кадәр. Минималь һава температурасы төнлә +3..+5 градус. Көндез максималь һава температурасы +11..+16 градус булачак.
Шәһәр укучылар Советы «Кошларны ашатыгыз» дип аталган экологик акция үткәрә. Ул Халыкара кошлар көненә багышланган һәм экологик айлык кысаларында уздырыла. «Җиңү» паркында укучылар Советы депутатлары кошларга 250 дән артык җимлек элделәр.
Россиянең Төзелеш һәм торак-коммуналь хуҗалык министрлыгы 2020 ел өчен шәһәр тирәлеге сыйфат индексының нәтиҗәләрен бастырып чыгарды.Тикшеренү нәтиҗәләре буенча Яр Чаллы 360 баллдан 198 балл җыйган.
Быел Яр Чаллыда төп программа кысаларында 99 лифтны яңаларына алмаштыру планлаштырыла, шуларның 26 сы шәһәрнең алты йортында урнаштырылачак, алар 61,42 млн сумга төшәчәк. Бу хакта мәгълүмат «Жилой квартал» газетасының яңа санында урын алган.
1 апрельдә Яр Чаллыда санитар экологик икеайлык башланды. Шәһәрне төзекләндерү һәм санитар чистарту буенча чаралар җәй башына кадәр дәвам итәчәк. Традицион өмә 17 апрельгә планлаштырылган.
Татарстан Республикасы территориясендә 5 апрельдә төнлә һәм иртән урыны белән томан, юлларда бозлавык.
Яр Чаллыда Татарстан Республикасы Президенты Рөстәм Миңнеханов инициативасы белән оештырылган «Безнең ишегалды» программасы буенча 2021 елда 88 ишегалдын төзекләндерәчәкләр.
Яр Чаллыда шәһәркүләм өмә 17 апрельгә планлаштырыла. Бу хакта бүген аппарат киңәшмәсендә Башкарма комитет Җитәкчесенең беренче урынбасары Илья Зуев хәбәр итте. 1 апрельдән шәһәрдә санитар-экологик икеайлык старт ала.
1 апрельдә 8:00 дән 17:00 сәгатькә кадәр "Челныгорстрой" тукталышында светофор эшләмәячәк. Хәрәкәт иткәндә өстенлекле юл билгеләренә таянып эш итү сорала.
ЛИАЗ маркалы автобуслар бүген шәһәр маршрутларына чыкты.
