Граждан һәм муниципаль хезмәт вакансияләренең бердәм базасы
Вакансияләрне карарга →
Чаллыда шосседа велоспорт буенча Татарстан Республикасы Чемпионаты һәм Беренчелеге кысаларында "Закарин Кубогы" узачак. Шуңа бәйле рәвештә шәһәрнең кайбер урыннарында юл хәрәкәте чикләнәчәк.
Яр Чаллы мэры Наил Мәһдиев бүген иртән Шамил Усманов урамындагы ремонт эшләренең барышы белән танышты. Сүз Халыклар дуслыгы проспектыннан Хәсән Туфан проспектына кадәр 1,3 км озынлыктагы участок турында бара. Биредә төзүчеләр 26 мең квадрат метр яңа асфальт салачаклар, 350 яңа парковка урыны барлыкка киләчәк, 205 юл билгесе, 10 ясалма тигезсезлек урнаштырылачак.
Яр Чаллыда парковка кагыйдәләрен бозучы автомобильләрне фотофиксацияләү өчен яңа «Дозор» системасы барлыкка килде. Сүз автомобильгә куела торган сертификацияләнгән мобиль аппарат комплексы турында бара. Ишегаллары буйлап узганда ул хокук бозуларны берьюлы ике яктан теркәп барачак, аппарат шулай ук караңгы төшкәндә һәм төнлә эшли ала. Әлеге система турында тулырак административ комиссия рәисе урынбасары Айзирә Хәмзина сөйләде.
Сишәмбе көнне Яр Чаллыда алмашынучан болытлы һава көтелә. Урыны белән кыска вакытлы яңгыр, көндез һәм кич яшен булуы ихтимал. Җил төньяк-көнчыгыштан секундына 4-9 м, яшен вакытында кыска вакытлы көчәйгәндә 15-18 метрга кадәр тизлектә.
7 июньдә 8:00 сәгатьтән 13:00 сәгатькә кадәр электр энергиясе өзелү сәбәпле, Расскольников һәм Марат Йосыпов урамнары киселешендәге светофор сүндереләчәк.
7 июньдә Яр Чаллыда алмашынучан болытлы һава көтелә. Җил көньяк-көнчыгыштан,секундына 4-9 метр тизлектә.
Шимбә көнне Яр Чаллыда алмашынучан болытлы һава көтелә, явым-төшемсез.
Яр Чаллының 14 нче,19 нчы комплексларында, шулай ук 17,18,21,45 нче комплексның кайбер йорталырнда, торбаларны опрессовкалаганнан соң кайнар су бирүне вакытыннан алда бирделәр.
Опрессовканың икенче этабы 31 майдан 13 июньгә кадәр узачак. Бу вакытта кайнар су белән тәэмин итү түбәндәге объектларда туктатылып торачак:
Яр Чаллының санитар-экологик икеайлык йомгаклары турында Башкарма комитет җитәкчесенең беренче урынбасары Илья Зуев сөйләде. Шәһәр территориясен массакүләм җыештыру эшендә Чаллының 3 мең оешмасыннан 50 меңнән артык кеше катнашты, дип хәбәр итте ул. Эшкә 816 берәмлек техника җәлеп ителде. Экологик чара барышында 5 мең га шәһәр территориясе чистартылды, 15 600 куб. м. чүп-чар һәм үсемлек калдыклары чыгарылды, 5 меңгә якын төп агач һәм куаклар утыртылды.
Бүген Яр Чаллыда «Россия Пенсионерлар берлеге» иҗтимагый оешмасының җирле бүлекчәсе инициативасы белән «Рисуем любимый город» проекты старт алды. Проектта «Мәдәният һәм мәгариф» факультетының өченче буын университеты студентлары катнаша. Өч уку елы дәвамында бу факультетта 163 чаллылар белем алган. Проект программасында ачык һавада мастер-класслар каралган. Рәсем укытучылары пейзаж, натюрморт, портрет, рәсем, натурадан ясау жанрларын үзләштерергә ярдәм итәчәк. Бүген ГЭС поселогының Үзәк урамында мастер-класс узды.
25 майдан 31 майга кадәр Татарстан Республикасы территориясендә, аеруча көнчыгыш район урманнарында янгын куркынычы югары (5 класслы) булыр дип көтелә.
26 нчы майда шәһәрдә алмашынучан болытлы һава көтелә. Төнлә урыны белән кыска вакытлы яңгыр. Көндез явым-төшемсез. Җил төньяктан, төньяк-көнбатыштан секундына 4-9 метр тизлектә, урыны белән көчәйгәндә 14 метрга кадәр. Минималь һава температурасы төнлә +8..+11˚. Көндез максималь һава температурасы +19..+23˚.
Бүген 8:00 дән 17:00 гә кадәр М-7 федераль трассасының 1049 чакрымында светофор эшләмәячәк. Хәрәкәт иткәндә өстенлекне бирүче юл билгеләренә таянып эш итү сорала.
Яр Чаллыда торбаларны опрессовкалаганнан соң кайнар су бирүне вакытыннан алда бирделәр. 22 һәм 23 майда, ял көннәрендә, Яр Чаллы җылылык челтәрләре ЗЯБ поселогы йортларында кайнар су бирүне башлап җибәрде.
Чаллыда су коену сезоны 1 июньнән башлана һәм 31 августка кадәр дәвам итәчәк. ТР буенча Россия МЧС Баш идарәсенең ГИМС Үзәгенең Яр Чаллы инспекторлык бүлеге җитәкчесе Әбүзәр Ногманов сөйләвенчә, Яр Чаллы инспекторлык бүлегендә биш пляж һәм аз сыешлы суднолар өчен тугыз база (корылма) исәптә тора. Хәзерге вакытта аларны әзерләү бара.
Санитар-экологик икеайлык кысаларында Чаллыда 5 тапкыр өмә чәршәмбе көннәрендә һәм 4 тапкыр өмә шимбә көнндәрендә үткәрелде, шул исәптән 17 апрельдә - гомумшәһәр өмәсе, 24 апрельдә – Бөтенроссия өмәсе, 8 майда – «Хәтер бакчасы» халыкара акциясе, 22 майда – «Россия суы»бөтенроссия акциясен үткәрү.
"Автостанция" тукталышында бакчаларга бару өчен автобус көтүче пассажирлар өчен өстәмә 10 эскәмия урнаштырылды. Шәһәрдәшләрне бакчаларга йөртү 30 сентябрьгә кадәр дәвам итәчәк.
Хәсән Туфан һәм Чулман проспектлары кисешкән урында светофор эшләми. Әлеге вакытта биредә Автозавод РЭСы тарафыннан ремонт эшләре алып барыла. Светофор якынча 16:00 сәгатьтә эшли башлаячак.
Опрессовканың беренче этабы 17 майдан 30 майга кадәр узачак. Шәһәрнең көньяк-көнбатыш өлешендә урнашкан объектларында: ЗЯБ поселогында; Замелекесьеның 25, 26 микрорайоннарда кайнар су бирү туктатылып торачак.
