Граждан һәм муниципаль хезмәт вакансияләренең бердәм базасы
Вакансияләрне карарга →
2 марттан башлап ана капиталыннан айлык түләү алу өчен яңадан гариза язарга кирәк була.
Язның беренче көнендә, Халыкара хатын-кызлар көне алдыннан, Үзәк районда "Язгы көйләр" дип исемләнгән бәйрәм концерты үтте. Аны "Кызыл Тау" мәдәният үзәгенең иҗат коллективлары һәм җырчылары әзерләде.
Проект контроль-касса техникасын кулланып теркәлә торган керемне арттыруга һәм җәмәгать туклануы предприятиеләрен күләгә секторыннан чыгаруга юнәлдерелгән. Проект кысаларында җәмәгать туклануы хезмәтләре күрсәтү өлкәсендә табышны яшереп калуга китерә торган сәбәпләр ачыкланачак һәм әлеге өлкәне үстерү өчен механизмнар эшләнәчәк.
2021 нче елның 15 нче апреленә кадәр Яр Чаллы социаль иминият фондының теркәлү урыны буенча филиалында исәптә торучы иминиятләштерүчеләргә икътисадый эшчәнлекнең төп төрен раслау һәм производствода бәхетсезлек очракларыннан һәм һөнәри авырулардан мәҗбүри социаль иминиятләштерү тарифын билгеләү өчен мөрәҗәгать итәргә кирәк.
2021 елның 1 нче гыйнварыннан ел саен декларация кампаниясе старт алды, аның барышында гражданнар 2020 елда алынган керемнәр турында хисап тотарга тиеш. Үз исәпкә алу урыны буенча салым органына декларацияне 2021 елның 30 апреленә кадәр тапшырырга кирәк , ә декларациядә исәпләнгән НДФЛны 2021 елның 15 июленә кадәр түләргә кирәк .
6 нчы санлы «ДА-ДА» балалар сәнгать мәктәбе укучылары Пензада «Татлин» Халыкара архитектура-сәнгать иҗаты фестивалендә уңышлы чыгыш ясадылар. Фестиваль мәктәп укучылары һәм укучы яшьләр арасында үткәрелә. Чаллы командасы 11 диплом алды һәм икенче ел рәттән Гран-при яулады.
Яр Чаллыда 2020 елда салым контроле чаралары нәтиҗәләре буенча Татарстан Республикасының берләштерелгән бюджетына өстәмә рәвештә 14 млн сум күләмендә НДФЛ керде, шул исәптән шәһәр бюджетына-3,4 млн сумнан артык.
2020 елда Яр Чаллыда барлык дәрәҗәдәге бюджетларга салым керемнәре 62,7 млрд сум тәшкил иткән, бу 2019 ел белән чагыштырганда 13% ка күбрәк. Федераль бюджетка 42,7 млрд сум акча мобилизацияләнгән, республика бюджетына – 15,8 млрд сум, шәһәр бюджетына - 4,2 млрд сум. Шәһәр бюджетына керемнәрнең үсеше 123 млн сум тәшкил иткән, ягъни 2019 ел дәрәҗәсенә карата 103%. Бу хакта Чаллы салым хезмәте башлыгы Диана Сагетдинова хәбәр итте.
Агымдагы ел башына Яр Чаллыда 12516 «үзмәшгуль» теркәлгән, шул исәптән: физик затлар – 11909, шәхси эшмәкәрләр - 607. Бу 2020 ел башына караганда 1,4 тапкырга күбрәк. Хәзер шәһәрдә 13740 үзмәшгуль исәптә тора.
Ел башыннан бирле «Рәсәй эше» кадрлар үзәгенә 1 789 кеше мөрәҗәгать иткән. Учетта торучы эшсезләр саны бүгенге көндә 3 074 кеше тәшкил итә. Ел башыннан эшсезләр саны 1 553 кешегә кимегән. Бу хакта иртәнге киңәшмә барышында «Яр Чаллы шәһәре халыкны эш белән тәэмин итү үзәге» ДКУ директоры урынбасары Жанна Хайрова сөйләде. Кадрлар үзәгенең мәгълүматлар базасында бүген 6 068 вакансия бар. 930 предприятие "Рәсәй эше" порталында теркәлгән. Ел башыннан бирле 1 182 кеше эш белән тәэмин ителгән, шуларның 611е февраль аенда. "Эшсезлек дәрәҗәсе кими, вакансияләр саны Яр Чаллы шәһәрендә эшләргә теләүчеләр өчен җитәрлек. Шуңа күрә шәһәрдә эшләү мөмкинлеге һәм теләге булучылар өчен зур киеренкелек юк. Алты меңнән артык вакансия-бу нәкъ менә үз-үзеңне тормышка ашыру мөмкинлеге" , - дип билгеләде шәһәр мэры Наил Мәһдиев.
Хәзерге вакытта Яр Чаллыда яңа коронавирус инфекциясенең лабораториядә расланган 1 901 очрагы теркәлгән. Б үген 48 кеше медицина күзәтүе астында тора, шуларның 33е – элемтә нәтиҗәсендә инфекция йоктырган. 7 866 кеше, авыру билгеләре булмау һәм күзәтү вакыты бетү сәбәпле, медицина исәбеннән төшерелгән.
Роспотребнадзорның Чаллы территориаль бүлеге белгечләре тарафыннан белем бирү учреждениеләрен, җәмәгать туклануы, сәүдә предприятиеләрен, почта бүлекләрен, даруханәләрне, сәнәгать предприятиеләрен, югары уку йортларын, медицина оешмаларын, ягулык салу станцияләрен, автосалоннарны эпидемиягә каршы чараларны үтәү буенча тикшерү дәвам итә.
Чаллыда аязучан болытлы һава көтелә. Төнлә урыны белән кар. Көндез явым-төшемсез. Төнлә һәм иртән аерым районнарда томан. Җил төньяк-көнбатыштан секундына 5-10 метр тизлектә, төнлә һәм иртән һаваның минималь температурасы -22 метр..-25˚. Көндез максималь һава температурасы -12..-15˚. Юлларда бозлавык.
28 февральдә 15:00 сәгатьтә шәһәр үзәк китапханәсендә профессиональ һәм үзешчән рәссамнарның "Без бердәм" дип аталган региональ төркем сәнгать күргәзмәсе ачыла.
Якшәмбе Чаллыда аязучан болытлы һава көтелә. Төнлә һәм иртән кар, аерым районнарда буран. Көндез урыны белән бераз кар. Төньяк-көнчыгыштан төньяк-көнбатышка таба күчүче җилнең тизлеге секундына 6-11 метр, урыны белән көчәйгәндә 13 метрга кадәр. Минималь һава температурасы төнлә һәм иртән -10..-15, көндез максималь һава температурасы -8..-12˚. Юлларда бозлавык.
Яр Чаллы шәһәрендә быел беренче мәртәбә авыл хуҗалыгы ярминкәләре узды. Г. Тукай исемендәге яр буенда («Строитель» стадионы каршындагы мәйдан), Ипподром һәм «Южный» агросәнәгать паркы территориясендә. Дәүләт ветеринария берләшмәсе хезмәткәрләре тарафыннан ярминкә мәйданчыкларында 3,9 млн сумлык 15,8 тонна авыл хуҗалыгы продукциясе тәкъдим ителде. Киләсе ярминкәләр 6 мартта шул ук мәйданчыкларда узачак.
Бөек Ватан сугышы ветераны Прасковья Андреевна Строкинаны 100 яшьлек юбилее белән котладылар. Прасковья Андреевна Мамадыш районы Омар авылында туа. Бөек Ватан сугышы елларында Соколка – урман хуҗалыгында эшләгән. Сугыштан соң туган авылы Омар урта мәктәбендә пенсиягә чыкканчы техник хезмәткәр булып хезмәт куйган. 1948 елда кияүгә чыга. Ә 1986 елда гаиләсе белән Яр Чаллы шәһәренә күчеп килә. Прасковья Андреевна 4 бала тәрбияләп үстергән. Аның 5 оныгы, 7 оныкчыгы һәм 3 оныкчыгының оныкчыгы бар.
Хәзер юллардагы камералар турында чаллылылар и нтернет аша белә ала. Юл хәрәкәте кагыйдәләрен бозуны автоматик фотовидеофиксацияләүнең техник чараларын урнаштыру урыннарын түбәндәге адрес буенча белергә мөмкин: https://гибдд.рф/r/16/milestones .
Бүген "Нур"яшьләр үзәгендә Татарстан Республикасы студентларының IX конгрессының дискуссия мәйданчыгы ачылды. Катнашучыларны мэр урынбасары Ирина Сәгыйдуллина сәламләде: "Яр Чаллы яшьләргә ярдәм итүгә зур игътибар бирә. Соңгы елларда, республика программаларын гамәлгә ашыру, Татарстан Хөкүмәте һәм Президент Рөстәм Нургали улы Миңнеханов ярдәме белән уку йортларының һәм яшьләр үзәкләренең матди-техник базасы шактый ныгытылды. «Нур» яшьләр үзәге моның ачык дәлиле булып тора. Биредә яңа креатив киңлекләр, коворкинг зоналар, студияләр һәм остаханәләр булдырылган", - дип билгеләп үтте ул. Конгресс дүрт этапта узачак. Шуларның берсе Татарстан Республикасының барлык районнарын берләштерүче алты территориаль зонада түгәрәк өстәлләр үткәрүне күздә тота, алар кысаларында VIII Конгресс резолюциясе тикшереләчәк, студентлар запрослары ачыкланачак, шулай ук мөһим мәсьәләләр буенча дискуссияләр үткәреләчәк. Мәсьәләләр буенча фикер алышу нәтиҗәләре кысасында түгәрәк өстәлләрдә катнашучылар һәм экспертлар тарафыннан шәһәрнең дискуссия мәйданчыгы резолюциясен формалаштыручы карарлар тәкъдим ителәчәк.
Т арихи-туган якны өйрәнү музеенда танылган туган якны өйрәнүче, шәһәр тарих музееның һәйкәлләрне саклау буенча өлкән фәнни хезмәткәре, «Яр Чаллы шәһәре энциклопедиясе» җаваплы мөхәррире Билал Канеевның 80 яшьлек юбилее уңаеннан тантаналы чара узды.
