Граждан һәм муниципаль хезмәт вакансияләренең бердәм базасы
Вакансияләрне карарга →
50дән артык өлкән буын вәкиле «Көмеш биохакинг» социаль проекты кысаларында уздырылган традицион «Скандинав биатлоны» чарасында катнашты. Спорт чарасын Мәйданда оештырдылар.
Бүләкләү тантанасы Идел буе физик культура, спорт һәм туризм академиясендә узды, анда Татарстан Республикасы Волейбол федерациясенең 2020 ел нәтиҗәләре буенча хисап конференциясе үтте. Утырыш республика парламенты башлыгы, ТР Волейбол федерациясе президенты Фәрит Мөхәммәтшин рәислегендә барды. Чаллы волейбол федерациясен «Татарстан Республикасында массакүләм волейболны үстерү буенча уңышлы эш өчен» бүләкләделәр. Автокаланың пляж волейболы үзәген «пляж волейболы буенча ярышларны югары дәрәҗәдә оештырганнары һәм уздырганнары өчен» бүләкләп уздылар. Татарстан Республикасы спорт министры Владимир Леонов кулыннан «Татарстан Республикасында волейболны үстерүгә һәм популярлаштыруга керткән өлеше өчен» грамотасын Яр Чаллы шәһәре Башкарма комитетының Физик культура һәм спорт идарәсе башлыгы Роман Насрединов алды.
«Бомбей» боулинг үзәгендә шәһәр предприятиеләре һәм оешмаларының эшче яшьләре арасында боулинг турниры узды. Чара эшләүче яшьләрнең XX Спартакиадасы кысаларында, шулай ук яшьләрнең актив ялын оештыру, сәламәт яшәү рәвешен пропагандалау максатыннан үткәрелде.
Яр Чаллыда 2020-2021 еллар сезонында ир-атлар командалары арасында волейбол буенча Идел буе федераль округы ачык Чемпионаты - I лигасы чемпионатының өченче туры тәмамланды.
Яшел Үзән районының Васильево бистәсендә 2005-2007 елларда туган егетләр һәм кызлар арасында самбо буенча Татарстан Республикасы Беренчелеге узды. Ярышларда Казан, Яр Чаллы, Яшел Үзән, Чистай, Нурлат, Әлмәт, Буа, Актаныш районнары һ.б. командалар катнашты. Яр Чаллыда «Заман» яшьләр үзәгендә тәрбияләнүче ике бала катнашты. 49 кг авырлык категориясендә чыгыш ясаган Әмир Хәлилов 2 нче урынны яулады. Алга таба ул Татарстан Республикасы җыелма командасы составында Идел буе федераль округы беренчелегендә чыгыш ясаячак.
Чаллы волейболчылары 21-22 февральдә Бөгелмәдә узган волейбол буенча турнирда җиңү яулады. Ярышлар Татарстанның волейбол хәрәкәте ветераннары арасында «Факел» спорткомплексында узды. Команда 50 яшьтән олырак ир-атлар һәм составына ике хатын-кыз кергән алты уенчыдан торды. Турнир нәтиҗәләре буенча чаллылылар җиңүче булды, икенче урынны Бөгелмә командасы, өченче урынны Түбән Кама командасы алды.
Яр Чаллыда "Салават Кубогы"на 25 нче юбилей ярышлары узды. Бүген ярышларны ачу тантанасы булды. Чарада шәһәр мэры Наил Мәһдиев, ТР спорт министрының беренче урынбасары Хәлил Шәйхетдинов, Татарстан Республикасының халык артисты Салават Фәтхетдинов катнашты.
1 нче Шәһәр балалар һәм яшьләр иҗат сараенда «Әтиләр парады» спорт бәйрәме узды.
Яр Чаллыда традицион Кама чаңгы марафоны 28 февральгә, һава шартлары белән бәйле рәвештә күчерелә. Быел ул 20 нче тапкыр узачак. Спортчыларга дистанцияләрне сайлап алырга тәкъдим итәчәкләр: 10, 15, 20, 30, 50 км дистанциядә. Ярышларның приз фонды 1 млн сум тәшкил итә.
Яр Чаллыда "Яр Чаллы" олимпия резервы спорт мәктәбе базасында төрле яшь категориясендәге гражданнар арасында Бөтенроссия ГТО фестиваленең II этабы узды. Фестивальдә шәһәрнең белем бирү, спорт учреждениеләреннән, шулай ук шәһәр оешма-предприятиеләреннән барлыгы 300гә якын кеше катнашты.
Традицион Кама марафоны 23 февральдә Яр Чаллыда узачак. Быел ул 20 нче тапкыр үтәчәк. Спортчыларга 10, 15, 20, 30,50 км дистанцияләрне сайлап алырга тәкъдим итәчәкләр: ярышларның приз фонды 1 млн сум тәшкил итә. "Дистанцияләр төрле. Приз фонды моңарчы күрелмәгән, ул беркайчан да Кама чаңгы марафонында булмаган. Барыгызны да аның өчен көрәшергә чакырабыз, - диде Яр Чаллы шәһәренең чаңгы ярышлары федерациясе эшләре идарәчесе Ләйлә Вопшина. - Хәзерге вакытта актив катнашучылар 75-алар абсолют категориядә катнашучылар: 15, 20, 30 һәм 50 км. балаларны без түләүсез теркибез. Алар район һәм күрше республика спорт мәктәпләре. Хәзергә 200 тирәсе бала текәлгән".
20 һәм 21 февральдә шәһәр ипподромында Татарстан Республикасының халык артисты - «Салават Кубогы»на кышкы трек автомобиль ярышлары узачак, аның кысаларында Татарстан Республикасы Чемпионаты «1400», «1600» һәм «Ирекле» дисциплиналарында оештырыла.
«Титан» спорт мәктәбе спортчысы Сергей Ардашев 23 яшькә кадәрге спортчылар арасында узган чаңгы ярышлары буенча яшьләр чемпионатында тагын бер медаль яулады. Катнаш эстафетада Чаллы чаңгычысы чыгыш ясаган Россия җыелма командасы көмеш медальгә ия булды. Аннан алдарак Сергей Ардашев классик стиль белән спринтта бронза медаль яулады.
Татарстан Республикасы ДОСААФ региональ иҗтимагый оешмасы тирында, Ватанны саклаучылар көненә багышланган, шәһәр предприятиеләре һәм оешмаларының эшче яшьләре арасында, вак калибрлы винтовкадан ату буенча ел саен үткәрелә торган турнир булып узды. Ярышлар XX Спартакиада кысаларында оештырылды.
15 февральдә 16:30 сәгатьтә «Яшүсмер» үзәгенең яшьләр клублары командалары арасында РФ Пенсия фонды идарәсе Кубогына алкалы хоккей буенча VI турнирны ябу һәм җиңүчеләрне бүләкләү тантанасы була. Чараны оештыру урыны Яңа шәһәр, 30/20, 19 нчы мәктәп шугалагы.
Яр Чаллыда балалар, яшүсмерләр һәм яшьләр арасында картинг буенча «КАМАЗ-мастер» командасы Кубогына ачык кышкы республика ярышлары уза. Ярышларны ачу тантанасы бүген Казанның Олег Кухаренко картодромында узды.
13 февраль көнне Яр Чаллыда «Татарстан чаңгы юлы – 2021» массакүләм чаңгы ярышлары узды. Стартка мәктәпкәчә белем һәм уку йортларыннан, гомуми белем бирү мәктәпләреннән һәм хезмәт коллективларыннан катнашучылар чыкты. Чара елдагыча "Прибрежный" паркында үткәрелде. Ярышларга 80 судья хезмәт күрсәтте. Чараны ачу тантанасында Башкарма комитет җитәкчесе Фәрит Сәлахов, Башкарма комитет җитәкчесе урынбасары Рамил Хәлимов катнашты.
«Титан» спорт мәктәбендә шөгыльләнүче Сергей Ардашев, бу көннәрдә Финляндиядә 23 яшькә кадәрге спортчылар арасында узучы чаңгы ярышлары буенча яшьләр чемпионатында, бронза медаль яулады. Ул классик стиль белән спринтта өченче булды.
«Заман» яшьләр үзәген дүрт тәрбияләнүче тәкъдим итте, алар 3 - беренче һәм 1 - өченче урыннарны яуладылар: Данил Бабаев ( 50 кг га кадәр авырлык категориясендә), Әсхәд Вәлиев (53 кг га кадәр авырлык категориясендә), Роберт Мөхәммәдиев (71 кг га кадәр авырлык категориясендә) – беренче урыннар яуладылар. Сергей Степанов (50 кг га кадәр авырлык категориясендә) өченче урын алды.
13 февральдә 10:00 сәгатьтә Татарстан Республикасы ДОСААФ Чаллы автомәктәбе тирында, XX Спартакиада кысаларында, шәһәр предприятиеләре һәм оешмалары яшьләре арасында, вак калибрлы винтовкадан ату буенча беренчелек узачак. Ярышларда катнашу өчен дүрт кешедән торган шәһәр оешмалары һәм учреждениеләре командалары чакырыла. Катнашучылар яткан килеш 50 метрдан мишеньга атачак. Өч сынау һәм биш зачет атуы башкарыла.
