Граждан һәм муниципаль хезмәт вакансияләренең бердәм базасы
Вакансияләрне карарга →
15 апрельдә мини-футбол буенча ярышларга заявкалар нәтиҗәләре буенча «Мәктәп футбол лигасы» проекты командаларының җирәбәсе узды. Быел проектта катнашу өчен 32 мәктәп футбол командасы гариза бирде. Бу 2006 елда туган һәм алардан кечерәк балалар. Шулай итеп, футбол уйнарга теләк белдерүчеләрнең гомуми саны 400 дән арткан.
Шахмат-шашка клубында «Сәламәт бул!» Бөтенроссия акциясе кысаларында Яр Чаллының сәламәтлек саклау учреждениеләре хезмәткәрләре арасында шахмат буенча турнир узды.
Яр Чаллы шәһәренең медицина учреждениеләре хезмәткәрләре арасында бадминтон ярышлары КФУ спорт комплексында узды. Спорт чарасы Бөтендөнья сәламәтлек көне уңаеннан Бөтенроссия "Сәламәт бул!" акциясе кысаларында оештырылды.
11 апрельдә Яр Чаллының Боз спорт сараенда «Йолдызлар матчы» узачак. Спорт чарасы 11:45 сәгатьтә башлана. «Йолдызлар матчы» 2020 - 2021 елгы сезон командалары арасында 2003-2004 елгы Татарстан Республикасы Беренчелегенең иң яхшы уенчыларыннан торган күрсәтмә спорт чарасы буларак уза. Анда «Көнбатыш» һәм «Көнчыгыш» дип аталган ике команда катнашачак.
Бу көннәрдә Мәскәүдә авыр атлетика буенча Европа чемпионаты бара. Ярышларда Европа континентыннан 361 иң көчле атлет: 182 ир-ат һәм 179 хатын-кыз катнаша. Традиция буенча, спортчылар ыргым белән күтәрүдә, этеп күтәрүдә һәм әлеге ике дисциплина суммасында иң көчле атлетларны билгеләячәк.
Орел шәһәрендә армрестлинг буенча Россия чемпионаты узды. Анда Россия Федерациясе шәһәрләреннән 40 команда катнашты. Татарстан Республикасын Яр Чаллы шәһәренең ветеран инвалид спортчылары – ике дисциплина буенча ике алтын медаль алган Фәнис Нуретдинов һәм ике бронза медаль яулаган Илшат Мингалиев тәкъдим иттеләр.
Кировта Россия Чемпионатының беренче ярымфиналы – 2020 - 2021еллар сезонында ирләр командалары арасында волейбол буенча Идел буе федераль округы ачык Чемпионатының беренче ярымфиналы тәмамланды.
"Заман" яшьләр үзәгендә тәрбияләнүче арасында хәрби самбо буенча Чечня конфликтында һәлак булган Россия сугышчылары истәлегенә багышланган XVII Бөтенроссия турнирында катнаштылар. Ярышлар 26-27 мартта Түбән Новгород өлкәсендә узды.
Казанда 20-28 мартта Валерий Петрович Яндемиров (берничә ел Яр Чаллы шахмат клубында тренер булып эшләгән) мемориалы шахмат буенча Россия балалар Кубогы этабы узды. Анда Яр Чаллы "Этюд" мәктәбендә тәрбияләнүчеләр дә катнаша.
25 мартта Яр Чаллының Боз сараенда Континенталь хоккей лигасында чыгыш ясаучы «Чаллы» һәм «Нефтехимик» (Түбән Кама) хоккей командалары арасында иптәшләрчә матч узачак.
Яр Чаллыда, WorldSkills Russia стандартларын исәпкә алып, мәктәпкәчә яшьтәге балаларга иртә һөнәри юнәлеш бирү буенча «BabySkills-2021» балалар чемпионатының муниципаль туры башланды. Анда 6 - 7 яшьлек 100 гә якын бала катнашачак.
4 апрельдә Яр Чаллыда татарча көрәш буенча «Көрәш» Берләштерелгән XII Бөтенроссия мөселманнарының ачык турниры һәм ТР мөселманнары Диния нәзарәте кубогына армспорт ярышлары узачак. Ул Туган телләр һәм халык бердәмлеге елына багышлана. Ярышлар «Витязь» спорт комплексында узачак.
«Бастион» тактик уеннар полигоны территориясендә XX Спартакиада кысаларында эшче яшьләр арасында лазертаг буенча турнир үткәрелде. Анда предприятие һәм оешмаларның биш кешедән торган 20 командасы катнашты. Командалар бишәр командалы дүрт төркемгә бүленде. Һәр төркемдәге очрашуларда финал стадиясенә узган иң яхшы команда билгеләнде.
Турнир башлану белән спортчыларны ярышларның баш судьясы, табиблык-физкультура диспансерының баш табибы Рафис Әхмәтҗанов котлады һәм уңышлар теләде. «Сезгә яхшы кәеф һәм алдагы уенда яхшы нәтиҗәләр телим», - диде ул.
Өлкән буын өчен өстәл теннисы – организмның спорт һәм сәламәт физик халәтен саклап калу яки ял итү, рухи бушану чарасы. Россия Пенсионерлар берлеге советы рәисе, Шәһәр Советы депутаты Эдуард Фәттахов билгеләп үткәнчә: “ Яш ьләренә карамастан, спорт ярышларында п енсионерлар башка профессионаллардан бер дә калышмыйлар - чын күңелдән уйныйлар! Ярышлар безнең шәһәрдә өлкән яшьтәге кешеләрнең спорт белән шөгыльләнүен һәм сәламәт яшәү рәвеше хәрәкәт ендә актив катнашуын күрсәтә» .
12 - 14 март көннәрендә Болгар шәһәренең «Олимп» спорт мәктәбендә2007-2009 елда туган үсмерләр арасында самбо көрәше буенча Татарстан Республикасы беренчелеге үткәрелде. Анда 2021 елга Татарстан Республикасының самбо буенча җыелма командасына сайлап алу һәм аны комплектлау булды. Ярышларда Татарстаннан 212 спортчы катнашты.
Яр Чаллыда флорбол мәктәп лигасы проекты старт алды. Бүген 34 нче урта гомуми белем бирү мәктәбендә туплы хоккей спортының бер төре булган флорбол буенча команда төренең беренче уены булды. Әлеге чарада Татарстан Республикасы Флорбол федерациясе киңәшчесе Булат Габдрахманов катнашты. Ул укучыларга кирәкле инвентарь: уен өчен кәшәкәләр, туплар һәм капкачы формасы тапшырды. Яр Чаллыда флорболны 1 – 9 сыйныф укучылары арасында биш мәктәптә кертәчәкләр: 21, 23, 27, 34, 37 мәктәпләр.
11 нче Олимпия резервы спорт мәктәбендә хатын-кызлар командалары арасында 8 нче мартка багышланган турнир тәмамланды. Уеннар 15 февральдән 12 мартка кадәр шәһәр мәктәпләре һәм 11 нче олимпия резервы спорт мәктәбе базасында оештырылды. Ярышларның финал өлешенә дүрт команда чыкты: "Стрела", "КФУ", "НГПУ-1" һәм "Термата". Турнир нәтиҗәләре буенча «Термата» командасы җиңүче булды, икенче урында - «Стрела», өченче урында - «НГПУ-1» командасы.
Бүген Яр Чаллы медицина хезмәткәрләренең «Спартакиадасы-2021» исәбенә ир-атлар командалары арасында волейбол буенча ярышлар узды. Аларда сигез команда катнашты, уенчылар артыннан квалификацияле судьялар бригадасы күзәтте. Уенчыларга сәламләү сүзе белән ярышларның баш судьясы, дәвалау-физкультура диспансерының баш табибы Рафис Әхмәтҗанов мөрәҗәгать итте: « Бүген без командаларның призлы урын өчен кызыклы һәм мавыктыргыч көрәшенең шаһитлары булачакбыз. Һәр катнашучыга хәрби кәеф телим, иң көчлеләр җиңүгә ирешсен!».
Казанда муниципаль хезмәткәрләр Спартакиадасы бара. Яр Чаллы Башкарма комитеты командасы гомумкоманда һәм шәхси зачетларда чаңгы ярышларында өченче булды. Команда составында: Башкарма комитет җитәкчесе урынбасары Илмир Исхаков, Үзәк районы администрациясе башлыгы Искәндәр Галимов, физик культура һәм спорт идарәсенең баш белгече Зөһрә Фәйзуллина һәм күчемсез милек объектларын өлешләп төзү өлкәсендә дәүләт контроле һәм күзәтчелеге бүлегенең әйдәп баручы белгече Регина Минхәйдәрова. Искәндәр Галимов шәхси зачетта да өченче урын яулады.
