Граждан һәм муниципаль хезмәт вакансияләренең бердәм базасы
Вакансияләрне карарга →
24 октябрьдә Үзбәкстан Республикасы президентын сайлаулар узачак. Татарстан Республикасында, шул исәптән Чаллыда яшәүче яки вакытлыча торучы үзбәкстанлылар сайлауларда тавыш бирә алачак. Моның өчен шәһәрдә стационар сайлау участоклары эшләячәк.
Шәһәр төзелеше, шәһәр инфраструктурасын һәм торак-коммуналь хуҗалыкны үстерү мәсьәләләре буенча даими комиссия утырышы шәһәр мэриясендә узды. Шәһәр хуҗалыгын көзге-кышкы чорда эшләүгә әзерләүнең барышы турындагы доклад белән Башкарма комитет җитәкчесенең беренче урынбасары Илья Зуев чыгыш ясады.
Сигезенче чакырылыш Россия Федерациясе Дәүләт Думасы депутаты Әлфия Когогина Дәүләт Думасының Кече һәм урта эшмәкәрлек комитеты рәисенең беренче урынбасары итеп сайланды.
11 октябрьдән Татарстанда аерым категория гражданнар өчен яңа коронавирус инфекциясенә каршы мәҗбүри вакцинация игълан ителде. Тиешле карарны Татарстан Республикасы буенча баш дәүләт санитар табибы Марина Патяшина имзалады. Бүген журналистлар белән матбугат конференциясе барышында ул әлеге карар таләпләрен аңлатты.
Яр Чаллыда Минзәләдәге авиакатастрофада һәлак булганнар истәлегенә вакытлыча мемориал ачылды. Ул Азатлык мәйданында шәһәр хакимияте янында урнаштырылган.
Бүген L-410 җиңел моторлы самолеты Минзәләдәге РЭС базасы янында җиргә төшеп бәрелә. Соңгы мәгълүмат буенча, бортта 22 кеше булган, шуларның 20се - парашютчылар. Алты кеше исән калган, алар авыр хәлдә.
Якшәмбе, 10 октябрьдә, Яр Чаллыда аязучан болытлы һава көтелә.
Татарстанда камералар тарафыннан төшерелгән юл хәрәкәте кагыйдәләрен бозу буенча карарларның күчермәләрен алу өчен Чаллы халкына «Дәүләт хезмәтләре» порталында ЕСИА (Бердәм идентификация һәм аутентификация системасы) стандарт шәхси кабинеты ярдәмендә «ЮХИДИ хезмәтләре» бүлегендә язылуны рәсмиләштерергә кирәк.
«Татмедиа» матбугат һәм массакүләм коммуникацияләр буенча республика агентлыгы коррупциягә каршы көрәш мәсьәләләрен иң яхшы яктыртуга республика массакүләм мәгълүмат чаралары арасында “Коррупциягә журналист карашы” махсус журналистлар конкурсын үткәрү турында игълан итә.
Яр Чаллы шәһәренең һөнәри белем бирү оешмалары һәм югары белем бирү оешмалары студентлары арасында терроризмга һәм экстремизмга каршы тору проблемалары буенча тикшеренү эшләре һәм проектлар (акцияләр һәм чаралар) конкурсына гаризалар кабул итү башланды.
Автозавод районында Шайхулловлар Шәфыйк Насыйбулла улы һәм Рәисә Сәгыйт кызы гаиләсен 65 ел бергә гомер итүләре белән котладылар. Шәфыйк Насыйбулла улы - Бөек Ватан сугышы ветераны, тыл хезмәтчәне, ул үзенең 90 яшьлек юбилеен билгеләп үтте инде. Бәхетле гаиләдә өч бала тәрбияләнеп үскән, өч оныклары һәм ике оныкчыклары уңышларына сөенеп яшиләр.
8 октябрь көнне «Этюд» балалар-яшүсмерләр мәктәбендә ветераннар һәм пенсионерлар арасында Автозавод районы призына шахмат-шашка турниры узды. Билгеләп үтик, турнир Өлкән буын декадасы кысаларында күп еллар дәвамында үткәрелә.
Опека һәм попечительлек бүлеге башлыгы вазыйфасына Наталья Максимова билгеләнде. Ул филолог-укытучы белгечлеге буенча югары уку йортын тәмамлаган. Хезмәт эшчәнлеген 1996 елда 4 нче татар милли урта мәктәбе каршындагы балалар музыка мәктәбендә башлый. 2011 елдан 28 нче мәктәпнең тәрбия эшләре буенча директор урынбасары, 2015 елдан - укыту-тәрбия эшләре буенча директор урынбасары.
Үзәк районында Укытучылар көне белән Бөек Ватан сугышы ветераны Федосья Ивановна Ракитинаны котладылар.
Автозавод районында муниципаль хезмәт ветераннарын зурладылар. Анда Автозавод, Боровецк префектурасының элеккеге хезмәткәрләре һәм Автозавод районы хакимияте хезмәткәрләре катнашты.
Татарстан Республикасы Президенты Рөстәм Миңнеханов җомга көнне, 8 октябрьдә, Татарстан Республикасы Дәүләт Советына еллык юллама белән мөрәҗәгать итәчәк. Дәүләт Советы утырышы Сәйдәшев исемендәге Дәүләт зур концерт залында узачак.
Татарстанда коронавируска каршы яңа чикләүләр кертелә. Алар ТР Хөкүмәтенең 960 нчы карары нигезендә 11 октябрьдән үз көченә керәчәк.
Комсомол районында, Өлкән буын декадасы кысаларында, Бөек Ватан сугышы ветераны Надежда Павловна Мартынованың өенә килделәр. Ветеранга котлау һәм бүләкләр мэр урынбасары Ирина Сәгыйдуллина һәм Комсомол районы хакимияте башлыгы вазыйфаларын башкаручы Фидәрис Хәбибуллин тапшырдылар.
Өлкән буын декадасы кысаларында Автозавод районында 100 еллык юбилеен билгеләп үткән юбилярларны котладылар.
Яр Чалллыда Өлкән буын декадасы бара, аның кысаларында юбилярларны, шул исәптән озак еллар бергә яшәгән үрнәк гаиләләрне дә зурлыйлар.
