Граждан һәм муниципаль хезмәт вакансияләренең бердәм базасы
Вакансияләрне карарга →
Матбугат конференциясе барышында БДИның нәтиҗәләре турында мәгариф идарәсе башлыгы Рөстәм Хуҗин сөйләде. Хәзерге вакытта биш фән буенча нәтиҗәләр билгеле: рус теле, математика, география, химия, рус әдәбияты.
Автозавод районында балалар бакчалары, мәктәпләр һәм өстәмә белем бирү учреждениеләре җитәкчеләре белән яңа 2022-2023 уку елына әзерлек буенча киңәшмә узды.
Бүген мәгариф идарәсе башлыгы Рөстәм Хуҗин «Саулык» сәламәтләндерү комплексында булды, ул үз эченә «Звездный», «Крылатый», «Солнечный» лагерьларын ала. Территория буйлап экскурсияне «Саулык» сәламәтләндерү комплексы җитәкчесе Наталья Шакирова үткәрде.
Казанда Ленин исемендәге мәдәни-ял итү комплексында «Ел казанышы-2021» республика премиясе белән бүләкләү тантанасы узды. 17 номинациядә җиңүчеләр билгеләнде. Иң алдынгыларны котларга бик күп дәрәҗәле кунаклар җыелды, алар арасында Татарстан Республикасы мәгариф һәм фән министры Илсур Һадиуллин да бар иде.
Комсомол районында 10 нчы мәктәпнең спорт мәйданчыгында сәламәт яшәү рәвешен пропагандалау, уку йортлары арасында дустанә мөнәсәбәтләрне ныгыту максатыннан мәктәп яны лагерьлары арасында җәйге спартакиада булып узды.
Бүген 59 нчы «Адымнар» гимназиясендә шәһәр мэры Наил Мәһдиев Шәһәр укучылар советы активистлары белән очрашты. Билгеләп үтик, Яр Чаллы шәһәренең Укучылар советы республикада иң яхшысы дип табылды һәм Татарстан Республикасы балалар иҗтимагый оешмалары советлары арасында «Ел активы» республика смотр-конкурсының Гран-При иясе булды.
Яр Чаллыда 20 июньдә 18:00дән 22:00гә кадәр «Фән төне» узачак – бу Казан федераль университетының балалар һәм өлкәннәр өчен уникаль белем бирү проекты. Быел кунаклар өчен түбәндәге бүлекләр оештырылачак: сәнәгать робот техникасы, гаҗәеп электр энергиясе, сакчыл җитештерү нигезләре. Шулай ук төрле тәҗрибәләр һәм экспериментлар, мастер-класслар һәм лекцияләр үткәрү, уен һәм интерактив мәйданчыклар оештыру планлаштырыла.
Яр Чаллыда Россия көне уңаеннан яшь чаллылыларга паспортлар тапшырылды.
Чиләбенең «Трактор» боз аренасында «Россия студентлар язы» XXX Бөтенроссия фестивален ябу тантанасы узды. Бу – Россия яшьләр берлеге, «Россия – мөмкинлекләр иле» президент платформасының һәм Чиләбе өлкәсе Хөкүмәтенең уртак проекты. Фестиваль илебезнең 70 регионыннан килгән конкурсантларны берләштерде. 9 иҗади юнәлеш буенча 336 финалист фестиваль лауреатлары булды.
«Шәһәр укучылар советы» балалар иҗтимагый оешмасы Татарстан Республикасы балалар иҗтимагый оешмалары советлары өчен «Ел активы» республика смотр-конкурсының Гран-При иясе булды. Конкурста республиканың 42 муниципаль берәмлегеннән 161 балалар оешмалары командасы катнашты.
Быел соңгы кыңгырау 9 нчы сыйныфны тәмамлаучы 5 261 укучы һәм 11 нче сыйныфны тәмамлаучы 2 145 укучы өчен яңгырады. 31 майда 1-8, 10 нчы сыйныфларда белем алучы 60 745 укучы уку елын тәмамлады. 2022 елда Яр Чаллыда бердәм дәүләт имтиханын һәм төп дәүләт имтиханын үткәрү турында мәгариф идарәсе башлыгы Рөстәм Хуҗин сөйләде.
Идел буе федераль округының "іВолга" яшьләр форумының гариза бирү кампаниясе 7 июньгә кадәр озайтылды.
Бүген Яр Чаллыда мәгариф, мәдәният, милли мәсьәләләр, яшьләр эшләре һәм спорт буенча даими комиссия утырышы узды. Депутатлар беренче мәсьәлә буларак мәгариф учреждениеләрен яңа уку елына ремонтлау турында фикер алыштылар. Доклад белән мәгариф идарәсе башлыгы Рөстәм Хуҗин чыгыш ясады.
Чиләбедә һөнәри белем бирү оешмаларының XXX (I) бөтенроссия «Россия Студентлар язы» фестивале уза.
2 июньдә профильле математика буенча имтихан уза. Бу көнне имтиханга 1109 кеше теркәлгән, шул исәптән 26 һөнәри белем бирү учреждениеләрен тәмамлаучылар. Имтиханны оештыру өчен 7 имтихан үткәрү пункты эшли.
Быел республика программасы буенча Яр Чаллыда җиде мәктәп ашханәсе яңартылачак. 6, 40, 44, 45, 53, 54, 78 нче гомуми белем бирү учреждениеләрендә азык-төлек блогларын капиталь ремонтлау көтелә. Бу хакта мәгариф идарәсе башлыгы Рөстәм Хуҗин мәгариф, мәдәният, милли мәсьәләләр, яшьләр эшләре һәм спорт буенча даими комиссия утырышында хәбәр итте.
Бүген мәктәп яны һәм шәһәр яны лагерьлары яшь чаллылыларны кабул итә башлады. Бу җәйдә 51 мәктәп базасында 7 800 бала өчен мәктәп яны лагерьлары эшләячәк.
Хөрмәтле чаллылылар!
Яр Чаллы дәүләт педагогика университетында «Мәгариф: чынбарлык һәм перспективалар» X халыкара ачык педагогик форумы узды.
Шәһәр хакимиятендә Башкарма комитет җитәкчесе Фәрид Салахов рәислегендә юл хәрәкәте иминлеген тәэмин итү буенча шәһәр комиссиясенең чираттагы утырышы узды. Җәяүлеләрнең юл хәрәкәте иминлеген тәэмин итү чаралары һәм җәйге каникуллар вакытында балалар юл-транспорт имгәнүләрен профилактикалау буенча күрелгән чаралар турындагы нотык белән Россия Эчке эшләр министрлыгы идарәсенең Яр Чаллы шәһәре буенча ЮХИДИ бүлеге башлыгы Радий Кадиков чыгыш ясады. Шулай, агымдагы елның 4 аенда шәһәрдә 129 юл-транспорт һәлакате теркәлгән, аларда 3 кеше һәлак булган һәм 156 кеше төрле дәрәҗәдәге җәрәхәтләр алган. «Һәлакәтләр саны 5,8%ка һәм яраланучылар 5,5%ка кимегән. Шул ук вакытта һәлак булучылар саны 2 кешегә арту күзәтелә», – дип билгеләп үтте Радий Кадиков.
