Граждан һәм муниципаль хезмәт вакансияләренең бердәм базасы
Вакансияләрне карарга →
19 нчы мәктәптә Халыкара Туган тел көненә багышланган шәһәр бәйрәме узды. Күп кенә халыклар телендә «Бергә тату гаилә» дигән девиз астында туган телебезнең матурлыгы һәм бөеклегенә мисаллар китерелде.
1 нче шәһәр балалар һәм яшьләр иҗат сараенда Ватанны саклаучылар көне алдыннан бәйрәм концерты булды. Чарада Башкарма комитет җитәкчесе Фәрит Салахов катнашты.
Яр Чаллы картиналар галереясенең зур залында «Ел рәссамы-2020» шәһәр конкурсы күргәзмәсе ачылды. 2021 елда күргәзмәдә төрле жанрдагы һәм техникалардагы 113 авторның 215 эше тәкъдим ителгән. «Ел рәссамы-2020» шәһәр конкурсы күргәзмәсендә югары һөнәри осталык һәм рәсем сәнгатен үстерүгә зур өлеш кертүе өчен «Рәсем сәнгате» номинациясендә - Александр Петров; югары профессиональлек, тематик карарларның байлыгы, графиканы үстерүгә зур өлеш керткәне өчен «Графика» номинациясендә Рият Мөхәммәтшин; Факил Гайфетдинов иҗтимагый әһәмияткә ия монументаль әсәрләр һәм скульптурада тарихи темасын ачкан өчен «Скульптура» номинациясендә; югары профессионализмы һәм шамаил сәнгатен үстерүгә зур өлеш кертүе өчен «Декоратив-гамәли сәнгать һәм скульптура» номинациясендә Чулпан Шәрифуллина; акварель техникасында зәвык һәм осталык өчен «Яңа исемнәр» номинациясендә Татьяна Низамова; халык сәнгатен үстергәне һәм агачтан оригиналь эшләнмәләр ясаганы өчен "Халык сәнгате" номинациясендә Фоат Закиров; югары профессиональлек һәм Яр Чаллы шәһәре образын матур итеп гәүдәләндергән өчен "Яр Чаллы шәһәре. Тарих һәм хәзерге заман" номинациясендә Рауза Иванова җиңү яулады.
Үзәк шәһәр китапханәсендә «Чаллы – дуслар каласы» дип исемләнгән төбәк халыкларының милли мәдәниятләре һәм әдәбиятлары фестивале узды. «Чишмә» халыклар дуслыгы йорты белән берлектә оештырылган фестивальдә төрле милләт вәкилләре очрашты.
Чаллыда эшче яшьләр өчен Престиж кубогына интеллектуаль уен узды. Бу юлы уенның темасы "Америка - төрле, күпмилләтле, тулы контрастлар иле" булды. Уенда шәһәр предприятиеләре һәм оешмаларының 18 командасы катнашты. Уенның авторы һәм алып баручысы Рәзилә Кузнецова ярдәме белән катнашучылар Америка турында күбрәк мәгълүмат белде.
17-21 февраль көннәрендә Яр Чаллы шәһәрендә «УДМУРТИЯ» күргәзмә үзәгенең «Яркая зима» ярминкәсе узачак. Күп кенә кызыклы товарлар куелган павильон «Мегастрой» гипермаркеты территориясендә 32 комплекста урнашачак.
2021 елның 19 февралендә Сугыш чоры балалары турында иң яхшы волонтер-режиссерлар, операторлар һәм сценаристлар билгеле булачак. 12:00 сәгатьтә YouTube – каналының туры эфирында «Минем балачак – сугыш чоры» Бөтенроссия акциясенә йомгак ясала. Акция Россия Федерациясе иҗтимагый палатасы, региональ һәм муниципаль иҗтимагый палаталар ярдәмендә тормышка ашырыла. Россиянең 70 төбәгеннән, шулай ук Луганск Халык Республикасыннан һәм Аргентинадан 4000 волонтер акциядә катнашты. Акция кысаларында Хәтер һәм Дан елы дәвамында волонтерлар сугыш чоры балалары белән меңләгән очрашулар узды, активистлар музей һәм китапханәләрдә булдылар, архивларда эшләделәр.
Яр Чаллы депутатлары Татарстан президенты Рөстәм Миңнехановка «Чишмә» халыклар дуслыгы йортын ремонтлау үтенече белән мөрәҗәгать иттеләр.
17 февральдә «Мисс һәм Мистер студент – 2021» шәһәр матурлык һәм талант бәйгесенең сайлап алу туры узачак. Конкурста катнашучыларны сайлап алу 15:00 сәгатьтә «Нур» яшьләр үзәгендә булачак. Катнашучыларның яше 16-22 яшь булырга тиеш. Конкурсантларга сайлап алу турында катнашу өчен сылтама буенча узарга https://forms.gle/kRw6fpZ5JERNcPUY6 һәм 15 февральгә кадәр анкета тутырырга кирәк.
Бүген, Муса Җәлилнең туган көнендә, бөек татар шагыйренең исемен йөрткән скверда «Җиңү яулап өйгә кайткач...» дип исемләнгән искә алу чарасы узды.
Яр Чаллыда гаскәрләрне Әфганстаннан чыгаруга 32 ел тулуны билгеләп үттеләр. «Ватан-ана» мемориалы каршында чәчәкләр салу һәм бер минутлык тынлык белән тантаналы чара узды. Әфганчыларга хөрмәт йөзеннән сугыш хәрәкәтләрендә катнашучылар, Әфганстанда һәлак булганнарның туганнары һәм якыннары, ветераннар, җәмәгатьчелек вәкилләре, Шәһәр Советы депутатлары, Башкарма комитет хезмәткәрләре һәм студентлар килде.
Орган залында балалар музыка һәм сәнгать мәктәпләре укытучыларының «Творческое многоцветие» башкару осталыгы шәһәр фестиваленең Гала-концерты булды. Быел фестиваль программасы Туган телләр һәм халыклар бердәмлеге елына багышлана. Өстәмә белем бирү учреждениеләренең 100дән артык мөгаллиме сәхнәгә солистлар һәм ансамбль артистлары сыйфатында чыкты. Концерт программасы төрле стильләр, жанр һәм юнәлеш әсәрләреннән төзелгән.
14 февральдә Яр Чаллыда Гашыйклар көненә багышланган бәйрәм чаралары оештырылачак. Бу көнне Азатлык мәйданындагы шугалакта «Бозда мәхәббәт» программасы планлаштырылган. Чаллылыларны һәм шәһәр кунакларын «Гашыйклар парады» флешмобы, тимераякта никах теркәү тантанасы, «Мәхәббәт хаты» гашыйклар почтасы, бәйрәм партнерларыннан отышсыз калмый торган бүләкләр лотереясы, «Романтик пар-2021» фотоконкурсында җиңүчеләрне бүләкләү, бозда дискотека, «Европа Плюс»тан күңел ачу программасы, конкурслар һәм уеннар көтә. Кичәнең төп призы партнерлардан сертификатлар булачак.
«Заман» яшьләр үзәге «Безгә кырык өченчедә – медальләр бирделәр. Һәм бары тик кырык бишенчедә паспортлар» дигән шәһәр хәрби-тарихи онлайн викторина үткәрде. Ул Россиянең Хәрби дан көненә – Ленинградны фашист блокадасыннан тулысынча азат итүгә багышланды.
2021 елның 8-14 февралендә балаларны китап укуга тарту буенча "Китап сөючене үстерәбез" мәдәният, сәнгать һәм мәгариф эшлеклеләре ассоциациясе 14 февральдә билгеләп үтелә торган Халыкара китап бүләк итү көненә багышланган "Яратып китаплар бүләк итегез" исемле бишенче гомумроссия акциясен уздыра. Акция кысаларында китапханәләр, китап кибетләре, музейлар, мәктәпләр, гимназияләр мәйданчыкларында гадәттәгечә китапханәләр һәм балалар учреждениеләре өчен китаплар җыю оештырылачак. Яр Чаллы үзәкләштерелгән китапханәләр системасыда әлеге чарадан читтә калмый, шуңа күрә китап сөючеләрне «Яратып китаплар бүләк итегез» акциясендә катнашырга чакыра.
Фестивальдә Яр Чаллы шәһәренең 35 яшькә кадәрге әниләре катнаша ала. Гаризалар 10 февральгә кадәр «Lady МАМА - 2020» тамгасы белән rgazizyanova@bk.ru электрон адреска кабул ителә. Шулай ук онлайн анкетаны күрсәтелгән сылтама буенча тутырырга мөмкин: https://forms.gle/Dd3KAyXeFBzEr6qMA / АИС.
18 февраль көнне Үзәк шәһәр китапханәсендә Туган телләр һәм халыклар бердәмлеге елы кысаларында төбәк халыкларының милли мәдәниятләре һәм әдәбиятлары фестивале узачак. Кичәдә Яр Чаллы шәһәре территориясендә яшәүче төрле милләт вәкилләре катнашачак. Килүчеләр өчен төрле мәйданчыклар эшләячәк. Фестиваль кысаларында милли җәмгыятьләрнең, фольклор коллективларның чыгышлары, язучылар белән иҗади очрашулар, шигъри укулар планлаштырылган.
Башкарма комитетның мәдәният идарәсе 2021 елга әдәбият һәм сәнгать өлкәсендә шәһәр конкурсы игълан итә. Ул «Әдәбият», «Сынлы сәнгать», «Музыкаль һәм башкару сәнгате», «Театр сәнгате» номинацияләре буенча үткәрелә. Конкурска әдәбият һәм сәнгать әсәрләренең яңалыклары, оригинальлеге, югары сәнгать дәрәҗәсе белән аерылып торган, мәдәният һәм сәнгать өлкәсендә иң яхшы казанышларны булдыруга, саклауга һәм таратуга ярдәм итүче иң талантлы, үзенчәлекләре белән аерылып торган әсәрләр тәкъдим ителә.
Дәүләт Думасы депутаты, Дәүләт Думасының Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина төбәк атнасы барышында «Мастеровые» рус драма театры төзелеше мәйданчыгын карады, шулай ук театр коллективы белән очрашты.
Бүген "Мастеровые" театрында яңа бина һәм театрның үсеш концепциясе буенча фикер алыштылар. Яр Чаллыда рус драма театрын төзүгә керештеләр, бина Чулман проспектында, Тантаналар сарае янында урнашачак. Очрашуда Дәүләт Думасы депутаты Әлфия Когогина, ТР мәдәният министры Ирада Әюпова, Башкарма комитет җитәкчесе урынбасары Рамил Хәлимов, мәдәният идарәсе җитәкчесе Румил Кәрамиев, «Мастеровые» рус драма театры хезмәткәрләре, шәһәрнең яшьләр активы катнашты.
