Кичә "Нур" яшьләр үзәгендә террорчылыкка һәм экстремизмга каршы көрәш проблемалары буенча тикшеренү эшләре һәм проектлар конкурсында турыдан-туры яклау узды. Конкурсны Яр Чаллы шәһәре Башкарма комитетының яшьләр белән эшләү идарәсе ярдәме белән «Яр Чаллы шәһәренең яшь галимнәре» һәм «Нур» яшьләр үзәге оештырды.
Проект яклау ике номинация буенча үтте: конкурс эше, конкурс проекты. Катнашучылар терроризмга каршы тема буенча үз тикшеренүләрен һәм проектларын тәкъдим иттеләр. Бәйге нәтиҗәләре декабрьдә бүләкләү тантанасында игълан ителәчәк.