53 нче «Крепыш» балалар бакчасында Масленицаны бәйрәм итү яхшы һәм изге гадәткә әйләнде. Масленица — иң күңелле, шау-шулы, яраткан халык бәйрәме.
Бүген балалар бакчасы тәрбияләнүчеләре Масленица бәйрәмендә, күңелле уеннарда катнаштылар. Балалар батырлыкта һәм тапкырлыкта, көч һәм җитезлектә ярыштылар. Ә Масленица тәмле коймакларсыз буламы соң? Бәйрәмдә балаларны балалар бакчасы пешекчесе мәхәббәт белән әзерләгән тәмле, хуш исле коймаклар белән сыйладылар.
Балалар бакчасында Масленица үткәрү — балалар белән күңелле вакыт үткәрү, аларга рус халкының мәдәнияте һәм гореф-гадәтләре турында сөйләү, үз тарихына карата мәхәббәт һәм хөрмәт тәрбияләү өчен менә дигән ысул. Бәйрәмебез кызыклы узды: битлек кигән кешеләр, әйлән-бәйләннәр, күңелле уеннар белән.