Автозавод районы хакимияте башлыгы Айрат Хөснуллин Бөек Ватан сугышы ветераннары – фашист концлагерьләренең элеккеге балигъ булмаган әсире Мария Гринны һәм тыл хезмәтчәне Илгиз Галеевны якынлашып килүче Җиңү көне белән котлады.
«9 Май – һәрберебез өчен изге бәйрәм. Без фронтта һәм тылда Җиңү яулаганнарның батырлыгын истә тотарга бурычлы. Баш өстебездәге тыныч күк йөзе өчен сезгә изге ихтирам һәм рәхмәт», – дип мөрәҗәгать итте Айрат Хөснуллин ветераннарга.
Ветераннарга истәлекле бүләкләр, котлау открыткалары һәм чәчәкләр тапшырылды. Җылы, күңелле шартларда ветераннар сугыш еллары һәм сугыштан соңгы чор турында истәлекләре белән уртаклаштылар.
Фашист лагерьләренең сынауларын узган Мария Васильевна Грин һәм тылда Җиңү өчен хезмәт иткән Илгиз Абрамович Галеев кунакларга игътибарлары өчен рәхмәт әйттеләр һәм барлык чаллылыларга тынычлык, изгелек һәм иминлек теләделәр.
Автозавод районы хакимиятендә ветераннарны хуплау – эшнең өстенлекле юнәлеше икәнен ассызыклыйлар. Җиңү көненә котлау акцияләре район территориясендә яшәүче сугышта катнашучыларның барлыгын да колачлый.