Яңа уку елы башлануга багышланган тантаналы чарада Чаллы хакиме Наил Мәһдиев катнашты.
Яр Чаллы шәһәрендә Өченче буын университетында яңа уку сезоны башланды. Социаль проект шәһәрдә инде 17 ел рәттән тормышка ашырыла һәм шәһәрдәшләрнең өлкән буын вәкилләре арасында популярлык казана.
Шуны билгеләп үтәргә кирәк, әлеге проектны «Россия пенсионерлары берлеге» иҗтимагый оешмасының Чаллы бүлекчәсе оештыра.
Өченче буын университетында компьютер грамоталылыгы, финанс грамоталылыгы, бакчаны төзекләндерү, хокукый белемнәр, рәсем ясау, биергә өйрәнү юнәлешләре һәм башкалар буенча курслар уздырыла.