Чаллыда 2026 елда «Безнең ишегалды» республика программасына 68 ишегалды территориясе кертелде. Бу хакта дүшәмбе киңәшмәсендә шәһәр хуҗалыгы һәм халык яшәешен тәэмин итү идарәсе башлыгы Руслан Вилданов хәбәр итте.
Руслан Вилданов искәрткәнчә, «Безнең ишегалды» программасы 2019 елда Татарстан Рәисе Рөстәм Миңнеханов инициативасы белән эшли башлады һәм халык арасында иң кирәкле программаларның берсенә әверелде.