18 апрель төнендә Татарстан Республикасы территориясендә һәм Казан шәһәрендә урыны белән кар, юеш кар һәм яңгыр рәвешендә көчле явым-төшем көтелә; юлларда кар боткасы, төнлә һәм иртәнге сәгатьләрдә төньяк районнарда урыны белән бозлавык көтелә.
Яр Чаллыда болытлы һава көтелә, көндез аязучан болытлы. Төнлә явым-төшем, нигездә, яңгыр рәвешендә. Көндез явым-төшемсез. Төньяк-көнчыгыштан, төньяк-көнбатыштан исүче җилнең тизлеге секундына 5-10 м, урыны белән көчәйгәндә секундына 13 метрга кадәр тизлектә.
Төнлә минималь һава температурасы 0..+3 ̊, көндез максималь һава температурасы +8..+13 ̊. Төнлә һәм иртән юлларда урыны белән бозлавык.