8-12 декабрь көннәрендә «Звездный» балалар лагерында (Троицкий бистәсе) «Сәләт-Рухият» кышкы сменасы узачак. Сменада 9 яшьтән 18 яшькә кадәрге балалар катнаша ала. Катнашучыларның гомуми саны – 165 бала.
«Сәләт – Рухият» иҗади профильле сменасы – сәнгать һәм мәдәният өлкәсендә сәләтле балаларның һәм талантлы яшьләрнең иҗади потенциалын тормышка ашыру өчен старт мәйданчыгы.
Әлеге проектның максаты – сәләтле балаларга һәм яшьләргә рухи һәм һөнәри яктан үсү өчен куәтле этәргеч бирү, укучыларда иҗади потенциалны ачу.
Сменаның уку-укыту программасы 5 төрле юнәлешне үз эченә ала:
- театр;
- сәнгать (рәсем сәнгате);
- вокал;
- бию (хореография);
- логика.
Профильле уку процессы белән беррәттән, смена программасы
үз эченә күп кенә иҗади һәм спорт чараларын да ала.
«Сәләт – Рухият» кышкы сменасына гаризалар кабул итү 2022 елның 3 декабренә кадәр дәвам итәчәк. Катнашучыларга selet.biz сайтында гугл-форманы тутырырга кирәк.
Белешмәләр өчен телефон: 89991572216 (Гүзәл Хафизова, смена директоры).