Чаллыда көзге ярминкәдә график буенча Тукай, Сарман, Мөслим, Менделеевск, Әгерҗе, Актаныш, Минзәлә районнары фермерлары сәүдә итә.
Яр Чаллы шәһәренең ярминкә мәйданчыкларына җиде муниципаль район беркетелде. Быел Яр Чаллы шәһәрендә 55 авыл хуҗалыгы ярминкәсе уздырылды. Аларга 244 млн сумнан артык 3100 тоннадан артык продукция китерелде.
2023 елның узган чоры белән чагыштырганда ярминкәләрдә авыл хуҗалыгы продукциясен сату 19 процентка артты.
«Ике ярминкә мәйданчыгын төзекләндерү Татарстан Республикасы бюджетыннан 41,4 млн сумга бүленгән акчалар хисабына башкарылды. Шәһәр бюджеты хисабына ярминкә мәйданчыклары территорияләрендә төзекләндерү эшләре башкарылды», – дип билгеләп үтте Башкарма комитетның кулланучылар базары бүлеге башлыгы Рәисә Солтанова.