Экология һәм табигать ресурслары министрлыгы «ЭКОВЕСНА-2026» Республика конкурсын үткәрә. Үткәрү вакыты – 1 апрельдән 24 майга кадәр. Конкурс дәвамында катнашучылар марафон биремнәрен үти (һәр атна аерым тематикага багышланган). Катнашучыларга «ВКонтакте»дагы чат-бот аша гариза бирергә кирәк.
Билгеләп үтик, үтәлгән бирем турында мәгълүматны катнашучылар «ВКонтакте» социаль челтәрендәге үз сәхифәсендә бастыра (конкурс үткәрү вакытына социаль челтәрдәге сәхифә ачык булырга тиеш). Һәр атна ахырында (аның тәмамлануына кадәр) катнашучы чат-ботка хисап җибәрә. Хисап «ВКонтакте»да бастырылган постка сылтаманы (сылтамаларны) һәм чараның кыскача тасвирламасын үз эченә алырга тиеш.