Идарә башлыгы урынбасары, шәһәр хуҗалыгы һәм халык яшәешен тәэмин итү идарәсенең икътисадый анализ һәм прогнозлау бүлеге башлыгы итеп Марина Лесникова билгеләнде. Башкарма комитетка билгеләнгәнче ул алты ел Яр Чаллы районара торак инспекциясендә әйдәп баручы белгеч-эксперт, консультант вазыйфасында хезмәт куя.
Ул - Чаллы кызы. Ике белем ала: "Биналарны һәм корылмаларны төзү һәм эксплуатацияләү" белгечлеге һәм "Математика - өстәмә белгечлек белән "Информатика" белгечлеге буенча. Хезмәт карьерасын Яр Чаллы дәүләт педагогия университетында башлый, анда методист, программист буларак эшли. Хәзер Казан дәүләт энергетика университеты магистратурасында "Предприятиеләрне энергия белән тәэмин итү" белгечлеге буенча укый.