Наил Мәһдиев яңа мәктәп төзелеше барышы белән танышты

Бүген иртән Наил Мәһдиев 34 нче комплекстагы төзелеш объектында – яңа мәктәптә булды. Хәзерге вакытта анда тышкы стеналарны кирпеч белән тышлау, түбә эшләре, эчке инженерлык челтәрләре төзелеше, бизәү эшләре, лифтлар монтажлау башкарылган, фасад эшләре тәмамланган. 1501 урынга исәпләнгән гомуми белем бирү мәктәбе төзелеше план режимында бара. Хәзер мәктәпнең булачак хезмәткәрләре кандидатларыннан резюме эшкәртелә. "Мәктәп укучыларын комплектлау 1 нче сыйныфтан 7 нче сыйныфка кадәр барачак. Бу мәктәп 16 нчы мәгариф үзәге булачак, чөнки микрорайон зур, башка мәгариф учреждениеләре юк, түгәрәкләр, секцияләр булачак», – дип билгеләп үтте мәгариф идарәсе башлыгы Рөстәм Хуҗин.