Башкарма комитетта Кытай Халык Республикасының Харбин шәһәреннән делегация белән очрашу узды. Кытай кунакларын Яр Чаллы муниципаль берәмлеге башлыгы урынбасары Ирина Сәгыйдуллина, Башкарма комитет җитәкчесе урынбасары Наталия Кропотова һәм алдан үсеш территориясен үстерү бүлеге башлыгы Алия Бикташева каршы алды.
КХР делегациясен партия төркеме секретаре һәм Харбин район халык вәкилләре җыелышының Даими комитеты директоры Чэн Янань җитәкли. Очрашуда шулай ук Харбин югары технологияле сәнәгать үсеше зонасының 11 җитәкчесе һәм вәкиле катнашты.
Очрашу барышында Ирина Сәгыйдуллина кунакларга Яр Чаллы шәһәренең икътисади потенциалы, шәһәр тарихы, шәһәр инфраструктурасы турында сөйләде.
Кытай кунаклары үзләренең җитештерүләре, төзелеш этаплары һәм Харбин районының яңа икътисади зонасында икътисад нәтиҗәләре турында сөйләделәр.