Чаллы яшьләре «Зур үзгәреш» («Большая перемена») Бөтенроссия конкурсы җиңүчеләренең беренче җыенына Сочига юлланды, аның кысаларында Бөтенроссия конкурсының дүртенче сезоны башлана. Чара «Сириус» фән һәм сәнгать паркы территориясендә уза.
Җыенга «Зур үзгәреш» («Большая перемена») конкурсының өч сезоны җиңүчеләре һәм аларның остазлары чакырылган. Чаллыдан: Камилә Юнусова, Виктория Андрианова, Малика Бәдретдинова, Арина Евдокименко, Данил Гасилов һәм Элина Абдуллина, шулай ук «Орион» үзәгенең яшьләр белән эшләү буенча белгече Дарья Колесникова катнаша.