Яшьләр ярминкәсе "Азатлык" мәйданында 28 һәм 29 августта узачак. Чара 16:00 сәгатьтән 21:00 сәгатькә кадәр планлаштырылган. Яшьләр ярминкәсе кысаларында Кама аръягы төбәге осталарыннан кулдан эшләнгән товарлар сатып алырга мөмкин булачак.
Шулай ук Азатлык мәйданындагы амфитеатрда «Барысы да үзебезнекеләр» музыкаль квартирнигы узачак. Чара 18.00 сәгатьтә башлана.
Чаралар «Яшьләр кварталы» проектына керә, ул апрель аенда Татарстан Республикасы муниципаль берәмлекләренең яшьләр сәясәте муниципаль автоном һәм бюджет учреждениеләренә яшьләр сәясәте өлкәсендә социаль әһәмиятле проектларны гамәлгә ашыруга грантлар конкурсында җиңүче булды.