Бүген "Энергетик" мәдәният сарае каршындагы мәйданга Яр Чаллыдан өлешчә мобилизациягә чакырылган хәрби бурычлыларның туганнары һәм якыннары, дуслары һәм коллегалары җыелды. Барлык мобилизацияләнүчеләр дә шәһәр мэры Наил Мәһдиев исеменнән 20 мең сум һәм чаллылылар җыйган беренче кирәк-яраклар салынган рюкзакларга ия булдылар.
Наил Мәһдиев чаллылыларга теләктәшлек сүзләре белән мөрәҗәгать итте. Гаиләсе һәм иптәшләре белән хушлашканнан соң, хәрби бурычлы гражданнар автобусларга утырып, Казанга юл тота. Аларны озатыр алдыннан шәһәр мэры автобуска керде һәм егетләр белән шәхсән аралашып, ир-атларга гаиләләренең шәһәр игътибарыннан читтә калмаячагын хәбәр итте. Ул мобилизацияләнүчеләр белән аралаштыру һәм Чаллы сакчыларының кулларын кысты.