Үзәк районы хакимияте «Электротранспорт» ҖЧҖ белән берлектә Бөек Ватан сугышында Җиңүнең 79 еллыгын бәйрәм итү кысаларында «Зәңгәр трамвай - Җиңүгә каршы чаба» традицион акциясен оештырды. Чарада Үзәк районның «Умырзая» ветераннар хоры һәм 46 нчы мәктәп тимурчылары катнашты. Шәһәр буйлап мавыктыргыч сәяхәт вакытында ветераннар яраткан җырларын җырлый, ә тимурчылар пассажирларга Георгий тасма һәм шарлар тапшыра.
Катнашучылар «Мәңгелек ут» ка чәчәкләр салды.