111 нче «Батыр» балалар бакчасы соңгы өч елда федераль республика һәм шәһәр грант конкурсларында катнаша. Җиңгән грантларның гомуми суммасы 5 миллион сумнан артып киткән. Быел шәһәр мэры Наил Мәһдиев балалар бакчасына узган уку елында актив эшләгән өчен 500 мең сумлык грант тапшырды. Бу акчалар балалар бакчасының барлык хезмәткәрләренә – җыештыручылардан алып тәрбиячеләргә кадәр премияләргә китәчәк.
111 нче балалар бакчасының төп казанышларының берсе-Федераль грант акчасына өч яшькә кадәрге балаларның ата-аналары өчен консультация үзәге булдыру. Консультация үзәгендә балалар бакчасына яраклашу, сабыйларны үстерү буенча дәресләр уза. Консультацияләрне педагоглар, психологлар, логопедлар, музыка һәм спорт укытучылары үткәрә. Барлык дәресләр дә бушлай.