Яр Чаллы халкының шәһәр өчен нәрсә мөһимрәк икәнен үзләре хәл итү мөмкинлеге бар: 15 апрельдән Татарстанда «Уңайлы шәһәр мохитен формалаштыру» федераль программасы кысаларында төзекләндерү объектларын сайлау буенча онлайн-тавыш бирү башлана.
31 майга кадәр Татарстан Республикасы Дәүләт хезмәтләре порталында, «Шәһәр мохите» сайтында һәм «ТР Хезмәтләре» мобиль кушымтасында республиканың 14 яшьтән һәр кешесе теге яки бу иҗтимагый яки ишегалды территориясе өчен үз тавышын бирә алачак.
Мәсәлән, үз ишегалды өчен тавыш бирергә мөмкин. Шулай ук беренче чиратта төзекләндереләчәк паркларны, скверларны, мәйданнарны билгеләргә мөмкин.