Омскида XXVI Федераль Сабантуй уза, аңа Татарстан Республикасы Рәисе Рөстәм Миңнеханов һәм Омск өлкәсе губернаторы Виталий Хоценко килде. Кунаклар милли йортларны, осталык дәресләрен, көрәш ярышларын һәм концерт программасын карадылар.
Бәйрәмнең абсолют батыры — ярышчы РадикСалахов. Рөстәм Миңнеханов җиңүчегә төп бүләк — Lada Granta автомобилен тапшырды.Җиңүче Зай районыннан, «Витязь» олимпия резервы спорт мәктәбенең тәрбияләнүчесе. Аның спорт юлы һәм югары казанышлары «Россия спорты» милли проекты кысаларында спортчылар һәм спорт учреждениеләре ала торган ярдәмнең нәтиҗәлелеген ачык күрсәтә. Әлеге проект ил буенча спорт инфраструктурасын үстерүгә һәм чемпионнар тәрбияләүгә юнәлдерелгән. Хәзерге вакытта Радик шулай ук Яр Чаллы җылылык челтәрләрендә диспетчерлык хезмәтендә 4 разрядлы җылылык челтәрләренә хезмәт күрсәтү слесаре булып уңышлы эшли.