Яр Чаллының балалар йортында һәм «Асылташ» социаль приютында тәрбияләнүчеләр өчен Шәһәр Советы депутаты Рөстәм Гайнуллов инициативасы белән «Домкор Индустрия» хезмәткәрләре традицион хәйрия акциясе оештырдылар.
Балаларга җиләк-җимеш, тәм-том, гигиена предметлары салынган тартмалар алып килделәр. Моннан тыш, балалар бүләккә бәйрәмдә чыгыш ясау өчен бакалар костюмнары алдылар. Шулай ук мәктәпкәчә яшьтәге балаларга Җиңү паркында карусельләрдә йөрү оештырдылар. Акция кысаларында «Асылташ» социаль приютында тәрбияләнүчеләр Яр Чаллы дельфинариенда булдылар.