Бу хакта дүшәмбе киңәшмәсендә Яр Чаллы шәһәре муниципаль берәмлеге административ комиссиясе рәисе урынбасары Айзирә Хәмзина хәбәр итте.
2024 елның 9 аенда административ комиссия 108 утырыш уздырды. Анда административ хокук бозулар турында 13558 беркетмә тикшерелгән.
Юридик затларга карата – 323, вазифаи затларга – 765, физик затларга 12 470 беркетмә төзелде.
9 айда барлыгы 27 млн 241 мең 500 сум штраф салынды. Аның 21 млн 524 мең 800 сумы бюджетка кайтарылды.
Шәһәрнең рәсми сайтында «Административ комиссия» бүлегендә аеруча еш ачыклана торган хокук бозулар һәм аларны профилактикалау чаралары турында күзәтү мәгълүматлары урнаштырылган.