Бүген Тантаналар сараенда ана капиталына сертификатлар тапшырылды. Чаллының 16 гаиләсе сертификатка ия булды. ЗАГС идарәсе башлыгы Равилә Зарипова һәм Яр Чаллы шәһәренең Пенсия фонды җитәкчесе Руслан Шангараев гаиләләрне котладылар һәм сертификатлар тапшырдылар. Билгеләп үтәргә кирәк, ана капиталы суммасы ел саен индексацияләнә. Әйтик, 2022 елның 1 февраленнән беренче балага ана капиталы 40646 сумга арттырылган һәм хәзер ул 524 527,9 сум тәшкил итә. Әгәр ике бала да 2020 елдан башлап дөньяга килгән булса, капитал суммасы индексациядән соң 53 712,27 сумга артып, 693 144,1 сум тәшкил итә.