Граждан һәм муниципаль хезмәт вакансияләренең бердәм базасы
Вакансияләрне карарга →
Яр Чаллы шәһәре Пенсия фонды чаллылыларга йөклелекнең иртә срокларында медицина оешмаларында исәпкә баскан хатын-кызлар өчен айлык түләү сорап мөрәҗәгать итү шартларының үзгәрүе турында хәбәр итә.
Россия Федерациясе Федераль Социаль иминият фондының Татарстан Республикасы буенча 9 нчы филиалы Фондның мәгълүмат ресурсларыннан файдалану мөмкинлеген торгызу һәм производствода бәхетсезлек очракларыннан һәм һөнәри авырулардан мәҗбүри социаль иминиятләштерүгә исәпләнгән һәм түләнгән иминият кертемнәре, шулай ук иминият тәэминатын түләүгә чыгымнар (4-ФСС формасы буенча исәп-хисап) хисап ясау срогын 2022 елның 13 маена кадәр озайту турында хәбәр итә.
Кама балалар медицина үзәгенең баш табибы Марат Насыйбуллин беренчел профсоюз оешмасы рәисе Лариса Кашапова белән тыл хезмәтчәннәре яннарына кунакка бардылар. Алар барысы да лаеклы ялга чыкканчы шул медицина учреждениесендә эшләгәннәр. Алар арасында – табиб-педиатр Антонина Алексеевна Фролова , акушерка Мария Ивановна Молотникова һәм шәфкать туташы Нина Антоновна Старкова . Марат Наил улы аларга бүләкләр тапшырды һәм якынлашып килүче Җиңү көне белән котлады.
7 майдан 8 майга кадәр Яр Чаллы шәһәренең «Витязь» спорт комплексында каратэ буенча Идел буе федераль округы чемпионаты һәм беренчелеге узачак. Ярышлар кысаларында каратэ буенча «Надежды Татарстана» төбәкара турнир планлаштырылган. Ярышларны ачу тантанасы 7 майда 13:00 сәгатьтә узачак.
Бүген Автозавод районында Боровецкий бульварында Бөек Ватан сугышында Җиңүнең 77 еллыгына багышланган «Мәңгелек хәтергә лаек» дигән тантаналы чара узды. Чара Боровецкийдан киткән һәм үз гомерләрен Ватаныбызның азатлыгы һәм бәйсезлеге өчен сарыф иткән сугышчылар хөрмәтенә 2011 елда куелган Дан Обелискына веноклар салудан башланды.
9 Майга әзерлек һәм Бөек Ватан сугышына багышланган чаралар үткәрү вакытында шәһәрдә автотранспорт хәрәкәте чикләнәчәк.
Яр Чаллы халкы һәм шәһәребез кунаклары Бөек Ватан сугышында Җиңүнең 77 еллыгына багышланган «Хәтер» эшче яшьләр иҗаты шәһәр фестиваленең гала-концертына чакырыла. Гала-концерт 9 Майда Җиңү паркының төп сәхнәсендә узачак. Башлана 17:30 сәгатьтә, керү ирекле.
Шәһәр Советы депутаты Вадим Матюшин үз сайлау округы ветераннарын якынлашып килүче бәйрәм белән котлады.
Бөек Җиңүнең 77 еллыгы алдыннан 7 нче шәһәр поликлиникасының табиблары Бөек Ватан сугышы ветераны Таһир Йосыпмурза улы Мурзин да кунакта булдылар. Медиклар аның сәламәтлеген тикшерделәр һәм ветеранны якынлашып килүче бәйрәм белән котладылар.
Бүген Сугыш ветераннары өчен госпитальдә дәвалау учреждениясенең стационарында дәваланучы Бөек Ватан сугышы ветераннары һәм тыл хезмәтчәннәре өчен тантаналы чара уздырылды.
Комсомол районында Бөек Ватан сугышында Җиңүнең 77 еллыгын бәйрәм итүгә әзерлек буенча актив эш алып барыла.
Бүген Комсомол районында Бөек Ватан сугышында Җиңүнең 77 еллыгын бәйрәм итү алдыннан Орловка поселогында урнашкан һәлак булган сугышчылар һәйкәле янында чәчәкләр салу тантанасы узды.
Җиңү көнен бәйрәм итү алдыннан «Нур» яшьләр үзәгендә Бөек Ватан сугышы герой-авторларына багышланган «Строки, рождённые войной» дип исемләнгән әдәби-музыкаль очрашу узачак.
«Хуанхэ» ПИК Яр Чаллыда узган елда теркәлгән, 2021 ел ахырында алгарышлы социаль-икътисадый үсеш территориясе резиденты статусын алган.
Яр Чаллыда «Георгий тасмасы-2022» халыкара акциясе дәвам итә.
Бүген Үзәк районы хакимияте «Электротранспорт» белән берлектә, 1941-1945 еллардагы Бөек Ватан сугышында Җиңүнең 77 еллыгына багышланган чаралар кысаларында, гадәттәгечә, "Голубой трамвай - навстречу Победе" акциясен оештырды. Чарада "Подснежник" ветераннар хоры һәм 46 нчы мәктәп тимурчылары катнашты.
Яр Чаллыда Россия Эчке эшләр министрлыгының Яр Чаллы шәһәре буенча Идарәсе полиция башлыгы урынбасары Данис Илһам улы Садыйков белән хушлаштылар. Аны соңгы юлга озатырга бик күп кеше: туганнары һәм якыннары, хезмәттәшләре, җитәкчеләре, танышлары килде. Хәтер вахтасында шәһәр мэры Наил Мәһдиев , Татарстан Республикасы буенча Эчке эшләр министры урынбасары полиция генерал-майоры Алексей Соколов , Яр Чаллы шәһәре буенча Эчке эшләр идарәсе башлыгы полковник Надир Закиров , Башкарма комитет җитәкчесе Фәрид Салахов , хезмәттәшләре тордылар.
Екатеринбургта ерак дистанцияләргә ату буенча V Евроазия чемпионатының II сайлап алу матчында чаллылылар да җиңүчеләр арасында булды. Бу ерак дистанцияләргә ату буенча V Евроазия чемпионаты кысаларында сайлап алу туры, беренче сайлап алу матчы алданрак Төмәндә узды, өченчесе якындагы айларда Чиләбедә узачак.
Солдат боткасы совет солдатларының үлемсез батырлыгын искә алуның тагын бер символы булып тора. Яр Чаллыда инде икенче ел солдат боткасы белән кыр кухнясы оештырыла.
5 һәм 6 май төнге вакытта Халыклар дуслыгы проспектында, Тынычлык проспекты белән Халыклар дуслыгы проспекты киселешенә кадәрге территориядә, Машина төзелеше урамына юнәлеш буенча, «Яр Чаллы шәһәренең юл-урам челтәрен ремонтлау» программасы кысаларында трамвай кичүен ремонтлау буенча эшләр башкарылачак, шуңа бәйле рәвештә әлеге участокта транспорт чаралары хәрәкәте чикләнәчәк.
