Граждан һәм муниципаль хезмәт вакансияләренең бердәм базасы
Вакансияләрне карарга →
Бүгенге көндә авыл хуҗалыгы ярминкәләре шәһәр халкына турыдан-туры авыл хуҗалыгы җитештерүчеләреннән кулай бәяләрдән сертификацияләнгән һәм сыйфатлы авыл хуҗалыгы продукциясе белән тәэмин итүгә һәм ярдәм итүгә юнәлдерелгән.
Хәзерге вакытта Яр Чаллыда эшсезләр сыйфатында 1 415 граждан теркәлгән. Ел башыннан барлыгы 9 192 кеше эш эзләү өчен мөрәҗәгать иткән, 7 145 кеше эшкә урнаштырылган. Әлеге мәгълүматларны «Рәсәй эше» кадрлар үзәге җитәкчесе Татьяна Быданова җиткерде.
Яр Чаллыда җылылык бирү башланды. Беренче чиратта җылылык белән социаль билгеләнештәге объектлар тәэмин ителә: гомуми белем бирү мәктәпләре, мәктәпкәчә учреждениеләр, сәламәтлек саклау, социаль яклау, мәдәният, физик культура һәм спорт учреждениеләре, яшьләр оешмалары. Җылылык бирү учреждениеләрнең гаризалары буенча башкарыла. Башкарма комитетның мәгариф идарәсе тарафыннан мәгариф учреждениеләренә һәм мәктәпкәчә учреждениеләргә җылылык бирү турында НЧТСга 10 сентябрьдән гариза бирелгән. Сәламәтлек саклау объектларына җылылык бирү 9 сентябрьдән башланды.
Татарстан Республикасы буенча 13 сентябрьдә төнлә һәм иртән томан көтелә.
Татарстан Республикасы буенча 12 сентябрьдә төнлә һәм иртән урыны белән томан көтелә.
Бүген Яр Чаллыда көзге авыл хуҗалыгы ярминкәләре старт алды. Алар өч мәйданчыкта оештырылган: Габдулла Тукай яр буенда («Строитель» стадионы каршындагы мәйдан), Ипподром һәм «Южный» агросәнәгать паркы территориясендә. Ярминкәдә 9 муниципаль район катнаша: Әгерҗе, Менделеевск, Тукай, Мөслим, Сарман, Минзәлә, Актаныш, Алабуга, Кукмара.
Бүген Яр Чаллыда «Милләтләр кроссы» Бөтенроссия йөгерү көне кысаларында «Татарстан кроссы» узды. Ярышлар шәһәрдә 20 нче тапкыр үткәрелә.
Бүген, 11 сентябрьдә, Татарстан Республикасында «Яшел Россия» Бөтенроссия өмәсе һәм «Россия суы» Бөтенроссия акциясе кысаларында, «Экология» милли проектының «Уникаль су объектларын саклау» федераль проектын тормышка ашыру кысаларында Яр буе территорияләрен чистарту буенча акция үткәрелә.
Бүген Яр Чаллыда «Россия - спорт державасы» халыкара спорт форумы кысаларында Россия Федерациясе субъектларының шәһәр хакимиятләре һәм муниципаль берәмлекләре башлыклары, шулай ук РФ Спорт министрлыгы вәкилләре булдылар.
Мәгариф, мәдәният, милли мәсьәләләр, яшьләр эшләре һәм спорт буенча даими комиссия Яр Чаллы педагогика университетында чираттагы утырышын үткәрде. Фикер алышуның темасы – мәгариф учреждениеләрендә һөнәри юнәлеш бирү эшен оештыру. Университет ректоры, Шәһәр Советы депутаты Әлфинур Галиәкбәрова хезмәттәшләре өчен таныштыру экскурсиясе үткәрде, университет базасында мәктәп укучыларына иртә һөнәри юнәлеш бирү эшен оештыру мөмкинлекләре турында сөйләде.
Бүген Шишкин бульварында «Шәп яшәгез» спорт-күңел ачу программасы һәм «Көз музыкасы» концерт программасы үткәрелде. Чара сәламәт яшәү рәвешен алга этәрүгә һәм көзге сезон башлануга багышланган иде. Тамашачылар «Эврика» мәдәни үзәге аниматорлары белән бергә актив рәвештә күнегүләр ясадылар, сәламәт яшәү рәвеше темасына викториналарда, флешмобларда, уеннарда катнаштылар. Шәһәрнең «Эврика» мәдәни үзәге артистлары башкаруындагы музыкаль номерлар бәйрәмгә ямь өстәде.
Шимбә көнне Яр Чаллыда алмашынучан болытлы һава көтелә. Төнлә урыны белән кыска вакытлы яңгыр, көндез явым-төшемсез. Төнлә һәм иртән томан булуы ихтимал. Җил төньяк-көнбатыштан секундына 6-11 метр, вакыты белән көчәйгәндә секундына 13 метрга кадәр тизлектә.
Бүген Яр Чаллыда «Татарча диктант» Бөтендөнья белем бирү акциясе – татар теленнән диктант уза. Акциягә Башкарма комитет хезмәткәрләре дә кушылды. Акциядә барлыгы 100гә якын кеше катнашты. Алар арасында Башкарма комитет җитәкчесе урынбасары Рамил Хәлимов , Автозавод районы хакимияте башлыгы Винер Харисов , идарә башлыклары Рөстәм Хуҗин , Гүзәл Гыйләҗева , Ленар Гыйззәтуллин , Айзат Мәхмүтов һәм башкалар, шулай ук бүлек җитәкчеләре һәм белгечләре.
Август башыннан алып шәһәрдә Башкарма комитетның җәмәгать тәртибен саклауны тәэмин итү идарәсе һәм полиция хезмәткәрләреннән өч уртак төркем эшли.
Комсомол районында Бөек Ватан сугышы ветераннары Сәгъдәт Насыйб кызы Сафиуллина һәм Явирә Хафиз кызы Мортазина 90 яшьлек юбилейларын билгеләп үтәләр. Россия Федерациясе Президенты Владимир Путин , Чаллы шәһәре мэры Наил Мәһдиев , Шәһәр Советы депутаты Альберт Петров һәм шәхсән үз исеменнән юбилярларга Комсомол районы хакимияте башлыгы вазыйфаларын башкаручы Фидәрис Хәбибуллин котлау һәм бүләкләр тапшырды.
19 сентябрьдә шәһәрнең белем бирү оешмаларында Мәктәп Укучылары Советларына депутатлар сайлау узачак. Хәзер мәктәпләрдә Спикер постына кандидатлар билгеләнә, сайлау алды программалары эшләнелә. Тавыш бирүдә 1-11 сыйныф укучылары, барлыгы 65 меңнән артык кеше катнашыр дип планлаштырыла.
Бу көннәрдә Казанда «Россия – спорт державасы» IX халыкара спорт форумы уза. Форум Россия Президенты күрсәтмәсе нигезендә үткәрелә. Оештыручылар - Россия Федерациясе Спорт министрлыгы һәм Татарстан Республикасы Хөкүмәте. Чарада федераль башкарма хакимият органнары җитәкчеләре, Россия Федерациясе субъектлары башлыклары, халыкара һәм гомумроссия спорт федерацияләре җитәкчеләре, эре бизнес-структуралар вәкилләре, танылган спортчылар, тармак экспертлары һәм спорт индустриясе лидерлары катнаша.
10 сентябрьдә Яр Чаллы шәһәрендә «Татарча диктант» – татар теленнән диктант узачак. Акциядә теләгән һәркем катнаша ала.
2 августтан 8 августка кадәр Яр Чаллыда ЮХИДИ хезмәткәрләре исерек килеш руль артына утырган 32 машина йөртүчене ачыклаган.
Җылылык челтәрләре үткәргечләрендә кимчелекләр табылу сәбәпле, кайбер комплексларда ремонт эшләре дәвам итәчәк. Бу районнарда кайнар су 11 сентябрьгә кадәр булмаячак. Чаллы җылылык челтәрләре вакытлыча уңайсызлыклар өчен гафу үтенә.
